ဇူလိုင်လ ၂၁ ရက်နေ့ ကနေစတင်ခဲ့တဲ့ တိုကျို၂၀၂၀ အိုလံပစ်ပြိုင်ပွဲကြီးကတော့ ဒီနေ့မှာဆိုရင် ရက်သတ္တပတ် ၁ ပတ် (၇ ရက်) ပြည့်ခဲ့ပါပြီ။ လက်ရှိမှာအားကစားနည်းတချို့ ကျင်းပပြီးစီးခဲ့ပြီဖြစ်သလိုဆက်လက် ယှဉ်ပြိုင်ဖို့လည်းပြိုင်ပွဲပေါင်းများစွာကျန်ရှိနေပါသေးတယ်။ ၂၀၂၀ အိုလံပစ် အသင်းတွေရဲ့ ဇူလိုင်လ ၂၇ ရက်နေ့ အထိဆုတံဆိပ် ရရှိမှုအခြေအနေကိုကြည့်မယ် ဆိုရင်တော့ အိမ်ရှင် ဂျပန်၊ အမေရိကန်၊ တရုတ် တို့က ရွှေတံဆိပ်ဆုအများဆုံးရရှိထားပြီးထိပ်ဆုံးကဦးဆောင်နေတာတွေ့ရပါတယ်။
လက်ရှိအချိန်ထိ၂၀၂၀ အိုလံပစ်အိမ်ရှင် ဂျပန်တို့ အမျိုးသား ၆၀၊ ၆၆၊ ၇၃၊ ၈၁ နဲ့ အမျိုးသမီး ၅၂ ကီလိုတန်း ဂျူဒိုပြိုင်ပွဲတွေကနေစုစုပေါင်း ရွှေတံဆိပ် ၅ ဆုနဲ့ Soft Ball၊ စကိတ်၊ ရေကူး၊ စားပွဲတင်တင်းနစ် ပြိုင်ပွဲတွေကနေ ရွှေတံဆိပ် ၁ ဆုစီရရှိထားပါတယ်။အမေရိကန် ကတော့ ရွှေတံဆိပ် ၉ ဆုရရှိထားပြီးသေနတ်ပစ်နဲ့ ရေကူးအားကစားနည်းတွေကနေ ရွှေတံဆိပ် ၃ ဆုစီနဲ့ ဓားခုတ်၊ တိုက်ဂွမ်ဒိုနဲ့ ရေလှိုင်းစီးပြိုင်ပွဲတွေကနေ ရွှေတံဆိပ်ဆု ၁ ဆုစီရရှိထားခဲ့တာဖြစ်ပါတယ်။၂၀၂၀ အိုလံပစ်မှာအားကစားသမားအရေအတွက် အများဆုံးနဲ့ လာရောက် ယှဉ်ပြိုင်တဲ့ အပြင် နာမည်ကြီးတွေပါဝင်နေတဲ့ အမေရိကန် အားကစားအဖွဲ့ ကတော့ လာမယ့် ရက်မှာသူတို့ အားသန်တဲ့ အားကစားနည်းတွေတောက်လျောက် ယှဉ်ပြိုင်ရဖို့ ရှိနေတာကြောင့် ရွှေတံဆိပ်ဆုရရှိမှုမှာလည်းဂျပန် နိုင်ငံကိုပြန်လည် ကျော်တက်ဖို့ အလားအလာကောင်းနေပါတယ်။ တတိယနေရာမှာရပ်တည်နေတဲ့ တရုတ် ကလည်းအမေရိကန် လိုပဲ ရွှေတံဆိပ်ဆု ၉ ဆုရရှိထားပြီးဒိုင်ဗင် ကနေ ရွှေ ၂ ဆု၊ သေနတ်ပစ် ကနေ ၃ ဆု၊ အလေးမကနေ ၃ ဆုနဲ့ ဓားခုတ် ကနေ ၁ ဆုစီရခဲ့တာဖြစ်ပါတယ်။
ရုရှားအလံကိုကိုယ်စားမပြုတဲ့ ရုရှားအိုလံပစ်အားကစားအဖွဲ့ (ROC) ကတော့ ရွှေတံဆိပ် ၇ ဆု၊ ငွေတံဆိပ် ၇ ဆုနဲ့ ကြေးတံဆိပ် ၄ ဆုရရှိထားပြီးစတုတ္ထနေရာမှာရှိနေပါတယ်။ ဂျွမ်းဘား၊ ဓားခုတ်၊ သေနတ်ပစ်၊ ရေကူးနဲ့ တိုက်ဂွမ်ဒိုအားကစားနည်းတွေကနေအဓိက ရွှေတံဆိပ်ဆုတွေရရှိထားပြီး ROC ဟာလည်းအင်အားကြီးအားကစားအဖွဲ့ တစ်ဖွဲ့ ဖြစ်တဲ့ အတွက် လာမယ့် ရက်တွေမှာအခုထက် ပိုပြီးဆုတံဆိပ်တွေရရှိနိုင်တဲ့ အလားအလာရှိနေပါတယ်။
ဇွန်လ ၂၇ ရက်နေ့ အထိနိုင်ငံအလိုက် ဆုတံဆိပ် ရရှိမှုအခြေအနေ
၁။ ဂျပန် – ရွှေ ၁၀ဆု၊ငွေ ၃ဆု၊ ကြေး ၅ဆု၊ စုစုပေါင်း ၁၈ ဆု
၂။ အမေရိကန် – ရွှေ ၉ဆု၊ ငွေ၈ ဆု၊ ကြေး ၈ ဆု၊ စုစုပေါင်း၂၅ဆု
၃။ တရုတ် – ရွှေ ၉ဆု၊ ငွေ၅ ဆု၊ ကြေး၇ ဆု၊ စုစုပေါင်း၂၁ဆု
၄။ ရုရှားနိုင်ငံအားကိုယ်စားမပြုသောအိုလံပစ် အသင်း – ရွှေ ၇ဆု၊ ငွေ၇ ဆု၊ ကြေး၇ ဆု၊ စုစုပေါင်း ၁၈ ဆု
၅။ ဗြိတိန် – ရွှေ ၄ဆု၊ ငွေ၅ ဆု၊ ကြေး၄ ဆု၊ စုစုပေါင်း၁၃ဆု
၆။ တောင်ကိုရီးယား – ရွှေ ၃ဆု၊ ငွေ၂ ဆု၊ ကြေး ၅ဆု၊ စုစုပေါင်း ၁၀ဆု
၇။ ဩစတြေးလျ – ရွှေ ၃ဆု၊ ငွေ၁ ဆု၊ ကြေး ၅ဆု၊ စုစုပေါင်း၉ဆု
၈။ ကနေဒါ – ရွှေ ၂ဆု၊ ငွေ၃ ဆု၊ ကြေး၃ ဆု၊ စုစုပေါင်း၈ဆု
၉။ ပြင်သစ် – ရွှေ ၂ဆု၊ ငွေ၀ ဆု၊ ကြေး၃ ဆု၊ စုစုပေါင်း၅ဆု
၁၀။ ဂျာမနီ – ရွှေ ၁၀ ဆု၊ ငွေ ၃ဆု၊ ကြေး ၅ဆု၊ စုစုပေါင်း ၁၈ ဆု
၂၀၂၀ အိုလံပစ်ပြိုင်ပွဲဝင် အရှေ့တောင်အာရှ နိုင်ငံတွေထဲမှာတော့ ထိုင်းနဲ့ ဖိလစ်ပိုင် နိုင်ငံတို့က ရွှေတံဆိပ် ၁ ခုစီနဲ့ နိုင်ငံအလိုက် အဆင့် ၂၃ နေရာမှာရပ်တည်နေပြီးအင်ဒိုနီးရှားကငွေတံဆိပ် ၁ ဆု၊ ကြေးတံဆိပ် ၁ ဆုနဲ့ အဆင့် ၃၆ နေရာမှာရပ်တည်နေခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ကြက်တောင် STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
