နာပိုလီ ချန်ပီယံလိဂ် ရနိုင်တယ်လို့ ပြောလိုက်တဲ့ ဘာစီလိုနာ ဂန္တဝင်၊ ပေါ့ဘာကို စာချုပ် ဖျက်သိမ်းမှာ မဟုတ်တဲ့ ဂျူဗင်တပ်စ် (စီးရီးအေ နောက်ဆုံးရ သတင်းများ)

နာပိုလီ ချန်ပီယံလိဂ် ရနိုင်တယ်လို့ ပြောလိုက်တဲ့ ဘာစီလိုနာ ဂန္တဝင်၊ ပေါ့ဘာကို စာချုပ် ဖျက်သိမ်းမှာ မဟုတ်တဲ့ ဂျူဗင်တပ်စ် စတဲ့ သတင်းတွေ အပါအဝင် မတ် ၁၈ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

နာပိုလီ ချန်ပီယံလိဂ် ရနိုင်တယ်လို့ ပြောလိုက်တဲ့ ဘာစီလိုနာ ဂန္တဝင်

အေဂျက်စ်နဲ့ ဘာစီလိုနာ ဂန္တဝင် ပက်ထရစ် ကလွိုက်ဗက်က စီးရီးအေ ကလပ် နာပိုလီက ဒီရာသီမှာ ချန်ပီယံလိဂ် ဖလားကို ဆွတ်ခူးနိုင်ကြောင်း ဖွင့်ဟ ပြောကြားလိုက်ပါတယ်။ 

လူစီယာနို စပယ်လက်တီ ကိုင်တွယ်နေတဲ့ နာပိုလီက ဒီရာသီမှာ စီးရီးအေ အမှတ်ပေးဇယားကို ဦးဆောင်ထားသလို ချန်ပီယံလိဂ် မှာလည်း ကွာတားဖိုင်နယ် အဆင့်ကို ရောက်ရှိနေပါတယ်။ 

ကွာတားဖိုင်နယ် အဆင့် မှာတော့ နာပိုလီက အီတလီ အသင်း တစ်သင်းပဲ ဖြစ်တဲ့ အေစီမီလန်နဲ့ ထိပ်တိုက် တွေ့နေပြီး အနိုင်ရခဲ့မယ် ဆိုရင်တော့ ဆီမီးဖိုင်နယ်မှာ အင်တာမီလန် သို့မဟုတ် ဘင်ဖီကာနဲ့ တွေ့ဆုံရမှာ ဖြစ်ပါတယ်။

ဒီလိုမျိုး နာပိုလီနဲ့ ပတ်သက်လို့ ကလွိုက်ဗက်က လက်ရှိ အချိန်မှာ ချန်ပီယံလိဂ် ဖလားနဲ့ ပတ်သက်လို့ ကျွန်တော့်ကို အရိုက်ခတ်နိုင်ဆုံး နာမည်ကို ပြောရရင် နာပိုလီလို့ ပြောရမှာ ဖြစ်ကြောင်း၊ သူတို့က ပြည်တွင်းမှာ လွှမ်းမိုးထားသလို ချန်ပီယံလိဂ် အတွေ့အကြုံလည်း ရှိကြောင်း၊ လျင်လျင်မြန်မြန်လည်း သင်ယူနိုင်ခဲ့ကြောင်း ပြောကြားသွားခဲ့ပါတယ်။ 

အီတလီ ကလပ်တွေ ချန်ပီယံလိဂ် ဗိုလ်လုပွဲ ရောက်အောင် လုပ်ပေးထားတယ်လို့ စွပ်စွဲနေကြ

ချန်ပီယံလိဂ် ကွာတားဖိုင်နယ် ပွဲစဥ်တွေ မဲခွဲ ရေးဆွဲပွဲ ပြီးဆုံးချိန် မှာတော့ အီတလီ ကလပ်တွေကို ချန်ပီယံလိဂ် ဗိုလ်လုပွဲ တက်ရောက်နိုင်အောင် စီစဥ်ပေးထားတယ်လို့ ပရိသတ်တွေက စွပ်စွဲနေကြပါတယ်။ 

ဒီအဆင့်မှာ စီးရီးအေ နှစ်သင်းဖြစ်တဲ့ အေစီမီလန်နဲ့ နာပိုလီတို့ ထိပ်တိုက် တွေ့နေပြီး ဒီပွဲက နိုင်တဲ့ အသင်းက တစ်ဖက်မှာ အင်တာမီလန်-ဘင်ဖီကာ ပွဲမှာ နိုင်တဲ့ အသင်းနဲ့ ဆီမီးဖိုင်နယ်မှာ ထိပ်တိုက်တွေ့မှာ ဖြစ်ပါတယ်။ 

အဲ့ဒါကြောင့်လည်း အင်တာမီလန်သာ ဘင်ဖီကာကို ကျော်ဖြတ်နိုင်ခဲ့ရင် ချန်ပီယံလိဂ် ဗိုလ်လုပွဲ တစ်နေရာကို အီတလီ ကလပ် အသင်း တစ်သင်းက ရရှိသွားမှာ ဖြစ်ပြီး ဒါက ယူအီးအက်ဖ်အေရဲ့ လုပ်ကြံမှု ဖြစ်တယ်လို့ ပရိသတ်တွေက ဝေဖန်နေကြပါတယ်။ 

တစ်ဖက် မှာတော့ ရီးရဲလ်မက်ဒရစ်နဲ့ ချဲလ်ဆီး၊ မန်စီးတီးနဲ့ ဘေယန်မြူးနစ် တို့က လမ်းကြောင်း တစ်ခုတည်း ကျရောက်သွားခဲ့ပြီး အီတလီ ကလပ်တွေက ထိပ်တန်း အသင်းကြီးတွေကို ရှောင်နိုင်ခဲ့တဲ့ အပေါ် ပြိုင်ဘက် ပရိသတ်တွေက မကျေမနပ် ဖြစ်နေကြတာပါ။ 

ပေါ့ဘာကို စာချုပ် ဖျက်သိမ်းမှာ မဟုတ်ဘူးလို့ အတည်ပြုလိုက်တဲ့ ဂျူဗင်တပ်စ်

ဂျူဗင်တပ်စ်ရဲ့ အမှုဆောင် အရာရှိချုပ် ဖရန်ဆစ္စကို ကယ်လ်ဗိုက အသင်းမှာ ရုန်းကန်နေရတဲ့ ကွင်းလယ်လူ ပေါလ် ပေါ့ဘာကို စာချုပ်ဖျက်သိမ်းသွားမှာ မဟုတ်ဘူးလို့ ဖွင့်ဟ ပြောကြားခဲ့ပါတယ်။ 

ပေါ့ဘာက ပြီးခဲ့တဲ့ ဘောလုံး ရာသီမှာ အသင်းဟောင်း ဂျူဗင်တပ်စ် ရှိရာ စီးရီးအေကို တစ်ကျော့ပြန် ရောက်ရှိလာခဲ့ပေမယ့် ဒူးဒဏ်ရာကြောင့် ကာလရှည် အနားယူခဲ့ရပါတယ်။ ဒါ့အပြင် ဒဏ်ရာက သက်သာလာချိန်မှာ စည်းကမ်းပိုင်း ဆိုင်ရာ ပြဿနာတွေ ရှိခဲ့ပြီး အခုချိန်မှာလည်း ပေါင်ခြံ ဒဏ်ရာကြောင့် ထပ်မံ အနားယူနေရပါတယ်။ 

ပေါ့ဘာကို စာချုပ် ဖျက်သိမ်းဖို့ အရင်ကတည်းက သတင်းတွေ ထွက်ခဲ့ပေမယ့် ကယ်လ်ဗို ကတော့ လက်ရှိ ကာလ၊ ဒဏ်ရာ အခြေအနေနဲ့ ပတ်သက်ပြီး ပေါ့ဘာလည်း မပျော်ရွှင်ကြောင်း၊ ထိပ်တန်း ကစားသမားတွေ အတွက် ဒါမျိုးတွေက ဖြစ်တတ်ကြောင်း၊ ဂျူဗင်တပ်စ်က ပေါ့ဘာကို စာချုပ် ဖျက်သိမ်းမယ့် သတင်းတွေကို ဖတ်ရကြောင်း၊ ဒါတွေက လုံးဝကို မဟုတ်မှန်ကြောင်း အတည်ပြု ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.