မန်စီးတီးရဲ့ အပြစ်ပေးတာ ခံခဲ့ရတယ်လို့ ဝန်ခံခဲ့တဲ့ တူချယ်၊ ဘယ်လင်ဟမ် အတွက် ပေါင် (၉၆) သန်းတန် ကမ်းလှမ်းမှု ရရှိထားတဲ့ ဒေါ့မန် (ဘွန်ဒက်စ်လီဂါ နောက်ဆုံးရ သတင်းများ)

မန်စီးတီးရဲ့ အပြစ်ပေးတာ ခံခဲ့ရတယ်လို့ ဝန်ခံခဲ့တဲ့ တူချယ်၊ ဘယ်လင်ဟမ် အတွက် ပေါင် (၉၆) သန်းတန် ကမ်းလှမ်းမှု ရရှိထားတဲ့ ဒေါ့မန် စတဲ့ သတင်းတွေ အပါအဝင် ဧပြီလ ၁၂ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

မန်စီးတီးရဲ့ အပြစ်ပေးခြင်း ခံခဲ့ရတယ်လို့ ဝန်ခံလိုက်တဲ့ တူချယ်

ဘေယန်မြူးနစ် နည်းပြ သောမတ်စ် တူချယ်က သူ့ အသင်းက အမှားအယွင်းတွေ များစွာ ကျူးလွန်ခဲ့တာကြောင့် မန်ချက်စတာစီးတီးရဲ့ အပြစ်ပေးခြင်း ခံခဲ့ရတာလို့ ဝန်ခံ ပြောကြားလိုက်ပါတယ်။

ဘွန်ဒက်စ်လီဂါ ထိပ်သီး ကလပ်ဟာ ချန်ပီယံလိဂ် ကွာတားဖိုင်နယ် ပထမအကျော့ အဖြစ် မန်စီးတီးကို အီတီဟတ်မှာ သွားရောက် ရင်ဆိုင်ခဲ့ပြီး သုံးဂိုးပြတ်နဲ့ အရေးနိမ့်ခဲ့ရပါတယ်။ ဒုတိယအကျော့ကို အိမ်ကွင်းမှာ လက်ခံ ကစားရဦးမယ် ဆိုပေမယ့် အခုလို ဂိုးကွာခြားချက်ကြောင့် ဘေယန်မြူးနစ်တို့ ဆီမီးဖိုင်နယ် တက်ဖို့က မျှော်လင့်ချက်တွေ ဝေဝါးနေခဲ့ရပြီလည်း ဖြစ်ပါတယ်။

ပွဲအပြီး မှာတော့ တူချယ်က ရူးလောက်စရာ ဖြစ်ကြောင်း၊ ဘာကြောင့်လဲ ဆိုတော့ ၃-၀ ဂိုးနဲ့ ပွဲပြီးခဲ့လို့ ဖြစ်ကြောင်း၊ ကျွန်တော်တို့ အပြစ်ပေးခံခဲ့ရပြီး အခွင့်အရေးတွေ အများကြီး ရခဲ့ပေမယ့်လည်း အသုံးမချနိုင်ခဲ့ကြောင်း၊ ဂိုးသွင်းရမယ့် အချိန်မှာ ကြီးမားတဲ့ အမှားတွေ ပြုလုပ်ခဲ့မိလို့ ဒီလိုမျိုး အပြစ်ပေးခံလိုက်ရတာ ဖြစ်ကြောင်း၊ အသင်းရဲ့ ကစားပုံ အတွက်တော့ ကျေနပ်မိကြောင်း ပြောကြားသွားခဲ့ပါတယ်။

ဘယ်လင်ဟမ် အတွက် ပေါင် (၉၆) သန်းတန် ကမ်းလှမ်းမှု ရရှိထားတဲ့ ဒေါ့မန်

ဒေါ့မန် ကွင်းလယ် ကြယ်ပွင့် ဂျူ့ဒ် ဘယ်လင်ဟမ် အတွက် ပြောင်းရွှေ့ကြေး ပေါင် (၉၆) သန်း တန်ကြေး ရှိတဲ့ ကမ်းလှမ်းမှု တစ်ခု လက်ခံရရှိထားကြောင်း သတင်းတွေက ဖော်ပြနေပါတယ်။

အသက် (၁၉) နှစ် အရွယ် အဆိုပါ ဘွန်ဒက်စ်လီဂါ ကြယ်ပွင့်ကို ခေါ်ယူဖို့ အတွက် ရီးရဲလ်မက်ဒရစ်နဲ့ လစ်ဗာပူးလ် တို့က အပြိုင်အဆိုင် စိတ်ဝင်စားနေကြတာပါ။ ဒါပေမယ့်လည်း ဒေါ့မန် ဘက်က ဒီကစားသမား အတွက် ပြောင်းရွှေ့ကြေးကို အနည်းဆုံး ယူရိုသန်း (၁၀၀) နဲ့ အထက် ရရှိဖို့ မျှော်လင့်ထားပါတယ်။

သတင်းတွေအရ ဘယ်လင်ဟမ် အတွက် ကမ်းလှမ်းထားတဲ့ အသင်းက လစ်ဗာပူးလ် ဖြစ်တယ်လို့ ဆိုကြပေမယ့် ဒေါ့မန် ဘက်ကတော့ အတည်ပြုမထားသလို ဘယ်အသင်းထံကို မှလည်း အကြောင်းပြန်ထားခြင်း မရှိသေးဘူးလို့ သိရပါတယ်။

ဒေါ့မန်နဲ့ စာချုပ် သက်တမ်းတိုးလိုက်တဲ့ ဂျူလီယန် ဘရန့်တ်

ဂျာမနီ လက်ရွေးစင် ကြယ်ပွင့် ဂျူလီယန် ဘရန့်တ်ဟာ ဒေါ့မန်နဲ့ အတူ (၂၀၂၆) ခုနှစ်၊ ဇွန်လ အထိ ဆက်ရှိနေမယ့် စာချုပ်သစ်တစ်ရပ် ချုပ်ဆိုလိုက်ပြီ ဖြစ်ကြောင်း သိရပါတယ်။

ဘရန့်တ်ဟာ ပြီးခဲ့တဲ့ (၂၀၁၉) ခုနှစ်မှာ လေဗာကူဆင် ကနေ ဒေါ့မန်ကို ပြောင်းရွှေ့ ရောက်ရှိလာခဲ့တာ ဖြစ်ပြီး အသင်း အတွက် ဘွန်ဒက်စ်လီဂါ ပွဲပေါင်း (၁၂၀) ကစားပေးထားပြီး ဖြစ်ပါတယ်။ လာမယ့် နွေရာသီမှာ ဘရန့်တ်ကို ခေါ်ယူဖို့ အတွက် အာဆင်နယ် အပါအဝင် ပရီးမီးယားလိဂ် ထိပ်သီး အသင်း အချို့က စိတ်ဝင်စားနေတယ်လို့ သတင်းတွေ ထွက်ပေါ်ခဲ့ပါတယ်။

ဒါပေမယ့် ကစားသမား ကိုယ်တိုင် ကတော့ ဒေါ့မန် မှာသာ ဆက်နေဖို့ အတွက် ဦးစားပေး ဆုံးဖြတ်ခဲ့ပြီး အခုလိုပဲ အသင်းနဲ့ အတူ စာချုပ်သစ်ကို ချုပ်ဆိုခဲ့တာပါ။ ဘရန့်တ် ကလည်း အသင်းဖော်တွေကို ချီးကျူးခဲ့ပြီး ဒီအသင်းမှာ နေရတာက ကွင်းပြင်မှာလည်း ပျော်ဖို့ ကောင်းကြောင်း၊ အသင်း ကိုရော၊ ကိုယ့်ကိုယ်ကိုယ်ရော တိုးတက်လာအောင် ကြိုးစားသွားမှာ ဖြစ်ကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.