ဒီတစ်ခါ မှာတော့ ဇူလိုင်လ ၁၅ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ဗလာဟိုဗစ်က ဂျူဗင်တပ်စ်ကို ချစ်ကြောင်း ကစားသမားရဲ့ ပုဂ္ဂိုလ်ရေး နည်းပြ ဖွင့်ဟ
ဗလာဟိုဗစ်ဟာ လက်ရှိနွေရာသီ အပြောင်းအရွှေ့မှာ စီးရီးအေ ကလပ်ကို စွန့်ခွာဖို့ သတင်းတွေ ထွက်ပေါ်နေပြီး သူ့ကို ခေါ်ယူဖို့ ဥရောပ ထိပ်တန်း အသင်းကြီးတွေက စိတ်ဝင်စားနေပါတယ်။
ဂျူဗင်တပ်စ်ဟာ လာမယ့် ဘောလုံးရာသီမှာ ဥရောပပြိုင်ပွဲ ကစားခွင့် ဆုံးရှုံးထားရပြီး ဒီအချက်ကြောင့် နာမည်ကြီး ကစားသမား အချို့ကို လက်လွှတ်ရဖွယ် ရှိပါတယ်။ လက်ရှိအချိန် မှာတော့ ဒိုမာဇက်က ကျွန်တော့်အနေနဲ့ ဗလာဟိုဗစ်နဲ့ သိကျွမ်းလာခဲ့တဲ့ (၁၀) နှစ်ကျော်လာခဲ့ပြီ ဖြစ်ကြောင်း၊ သူနဲ့ အလုပ်လုပ်ခဲ့တာလည်း အချိန်အတော် ကြာမြင့်နေပြီး သူက အသင်းရဲ့ အစိတ်အပိုင်း တစ်ခု ဖြစ်ခွင့်ရတာကို ဂုဏ်ယူနေကြောင်း၊ ဂျူဗင်တပ်စ် ကိုလည်း ချစ်မြတ်နိုးသူ တစ်ယောက် ဖြစ်ကြောင်း ဖွင့်ဟ ပြောကြားသွားခဲ့ပါတယ်။
အေစီမီလန်ကို ပြောင်းရွှေ့ခွင့်ရတဲ့ အတွက် စိတ်လှုပ်ရှားနေတဲ့ လူကာ ရိုမဲရိုး
လက်ရှိ နွေရာသီ အပြောင်းအရွှေ့မှာ လာဇီယို ကနေ အေစီမီလန်ကို ပြောင်းရွှေ့လာခဲ့တဲ့ ကွင်းလယ်လူ လူကာ ရိုမဲရိုးက မီလန် မြို့ခံ အသင်းကို ပြောင်းရွှေ့ခွင့်ရတဲ့ အပေါ် သူ့ရဲ့ ခံစားချက်ကို ဖွင့်ဟခဲ့ပါတယ်။
ရိုမဲရိုးဟာ မနေ့က အေစီမီလန် ကစားသမား အဖြစ် ပထမဆုံး တရားဝင် အင်တာဗျူးကို ပြုလုပ်ခဲ့ပြီး အဆိုပါ သတင်းစာ ရှင်းလင်းပွဲမှာ သူ့ရဲ့ ခံစားချက်တွေကို ပွင့်ပွင့်လင်းလင်း ဖွင့်ဟခဲ့တာပါ။
ရိုမဲရိုးက ကျွန်တော့် အနေနဲ့ ရော်နယ်ဒင်ဟို၊ ကာကာ၊ ဘရာဟင်မ် ဒီယက်ဇ်တို့ကို စောင့်ကြည့်ခဲ့ဖူးပြီး ဒီယက်ဇ်ရဲ့ ကစားပုံ ကိုလည်း ကြိုက်နှစ်သက်ကြောင်း၊ ဆာရီ ဆီကနေလည်း နည်းဗျူဟာပိုင်းတွေလည်း အများကြီး သင်ကြားခဲ့ဖူးပြီး စီးရီးအေက အရမ်းကို တောင့်တင်းတဲ့ လိဂ် တစ်ခု ဖြစ်ကြောင်း၊ အေစီမီလန်ကို ပြောင်းရွှေ့ခွင့်ရတဲ့ အတွက် အရမ်းကို စိတ်လှုပ်ရှားမိပြီး ဒီအသင်းက သမိုင်းကြောင်းတွေ ရှိတဲ့ အသင်း တစ်သင်း ဖြစ်ကြောင်း ဖွင့်ဟ ပြောကြားခဲ့ပါတယ်။
စူပါလိဂ်မှာ ပါဝင်ကစားမှာ မဟုတ်ကြောင်း ဂျူဗင်တပ်စ် တရားဝင် ကြေညာ
စီးရီးအေ ထိပ်သီး ကလပ် ဂျူဗင်တပ်စ်က သူတို့ အနေနဲ့ ဥရောပ စူပါလိဂ်မှာ ပါဝင်ကစားမှာ မဟုတ်ကြောင်း တရားဝင် ကြေညာခဲ့ပါတယ်။ ဘာစီလိုနာ၊ ဂျူဗင်တပ်စ်နဲ့ ရီးရဲလ်မက်ဒရစ် တာဝန်ရှိသူတွေဟာ ချန်ပီယံလိဂ် ပြိုင်ပွဲနဲ့ စင်ပြိုင် တစ်ခု ဖြစ်လာမယ့် စူပါလိဂ်ကို ယခင်ကတည်းက ကျင်းပဖို့ စီစဥ်ခဲ့ပါတယ်။
ဒီအခြေအနေကို ဥရောပ ဘောလုံးအဖွဲ့ချုပ် (ယူအီးအက်ဖ်အေ) က အသည်းအသန် ထိန်းချုပ်ခဲ့ပြီး အဆိုပါ ပြိုင်ပွဲမှာ ပါဝင်တဲ့ အသင်းတွေကို ချန်ပီယံလိဂ် ပြိုင်ပွဲ ကနေ ထုတ်ပယ်မယ်လို့ ခြိမ်းခြောက်ခဲ့ပါတယ်။ လက်ရှိအချိန် မှာတော့ ဂျူဗင်တပ်စ်က သူတို့ အနေနဲ့ ဥရောပ စူပါလိဂ် ပြိုင်ပွဲမှာ ပါဝင်ကစားမှာ မဟုတ်ကြောင်း တရားဝင် ကြေညာခဲ့ပြီး ဖြစ်ပါတယ်။
စီးရီးအေရဲ့ တူရင် မြို့ခံ အသင်းဟာ လက်ရှိအချိန်မှာ ဘဏ္ဍာရေး ပြဿနာတွေနဲ့ ရင်ဆိုင်နေရပြီး အသင်းရဲ့ နာမည်ကျော် ကစားသမား အချို့ ကိုလည်း လက်ရှိ နွေရာသီမှာ ရောင်းထုတ်သွားဖို့ ပြင်ဆင်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
