ဒီတစ်ခါ မှာတော့ ဇူလိုင်လ ၂၄ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဟယ်ရီကိန်းကို ဘေယန်နဲ့ အပြိုင် ကမ်းလှမ်းဖို့ ပြင်ဆင်နေတဲ့ အယ်လ်ဟီလယ်
ဘွန်ဒက်စ်လီဂါ ကလပ် ဘေယန်မြူးနစ်တို့ ခေါ်ယူဖို့ စိတ်ဝင်စားနေတဲ့ ဟယ်ရီကိန်း အတွက် ဆော်ဒီအာရေဗျ ကလပ် အယ်လ်ဟီလယ်က ကြိုးစားလာကြောင်း သိရပါတယ်။ ဟယ်ရီကိန်းဟာ အခွင့်အရေးသာ ရရှိခဲ့မယ်ဆိုရင် ဒီနွေရာသီမှာ ဘေယန်မြူးနစ်ကို ပြောင်းရွှေ့ဖို့ ဆန္ဒရှိနေပြီး ဂျာမန် ကလပ် ကလည်း ကစားသမား အတွက် ကြိုးစားလျက် ရှိပါတယ်။
ဒါပေမယ့် တော့တင်ဟမ်ဟော့စပါးဘက်က ပြောင်းရွှေ့ကြေး ပေါင်သန်း (၁၂၀) အထိ တောင်းဆိုပြီး တင်းခံနေတာကြောင့် ဘေယန်မြူးနစ်တို့ အခက်တွေ့နေရတာပါ။ လက်ရှိမှာတော့ အယ်လ်ဟီလာက ဒီအပြောင်းအရွှေ့မှာ ပါဝင်လာဖို့ ပြင်ဆင်နေပြီး ဟယ်ရီကိန်းကို ကမ်းလှမ်းဖို့ အတွက် အသင်းတွင်း ဆွေးနွေးမှုတွေ ပြုလုပ်နေကြောင်း သိရှိရပါတယ်။
စပါးနဲ့ အယ်လ်ဟီလာတို့ အကြား မှာလည်း တရားဝင် ဆက်သွယ်မှုတွေ မရှိသေးဘူးလို့ သိရပြီး ဟယ်ရီကိန်းရဲ့ အနာဂတ် ကလည်း မရေမရာ ဖြစ်နေဆဲပါ။
မြူးနစ်မြို့ကို ရောက်ရှိနေတဲ့ ဟယ်ရီကိန်းရဲ့ ဇနီး
ဟယ်ရီကိန်းရဲ့ အမျိုးသမီးဖြစ်သူ ကေတီဟာ ပြီးခဲ့တဲ့ ရက်အနည်းငယ် ကတည်းက မြူးနစ်မြို့ကို ရောက်ရှိနေပြီး အိမ်ရှာဖွေနေကြောင်းလည်း သိရပါတယ်။
ဘွန်ဒက်စ်လီဂါ လက်ရှိ ချန်ပီယံ ဘေယန်မြူးနစ်ဟာ ဟယ်ရီကိန်းကို ခေါ်ယူဖို့ အတွက် လက်ရှိ နွေရာသီမှာ ကြိုးစားလျက်ရှိနေပြီး ကစားသမားနဲ့ ပုဂ္ဂိုလ်ရေး သဘောတူညီမှု ရရှိဖို့ကလည်း သေချာသလောက် ရှိနေပါတယ်။ ကေတီ အပြင် ဟယ်ရီကိန်းရဲ့ အခြားသော မိသားစုဝင် အချို့ကလည်း မြူးနစ်မြို့ကို ရောက်ရှိနေကြောင်း သိရပြီး ကေတီ ကတော့ ဂရွန်ဝေါလ် ပတ်ဝန်းကျင်မှာ အိမ်ရှာဖွေနေကြောင်း သိရပါတယ်။
ဒါ့အပြင် ဟယ်ရီကိန်းရဲ့ သားသမီးတွေ တက်ရောက်ဖို့ အတွက် နိုင်ငံတကာ ကျောင်း တစ်ကျောင်း ကိုလည်း ရှာဖွေနေပြီး မြူးနစ်မြို့မှာ အလွယ်တကူ အခြေကျရေး အတွက် ပြင်ဆင်လျက် ရှိပါတယ်။
မာနေးနဲ့ ပတ်သတ်ပြီး မှတ်ချက်ပေးဖို့ ငြင်းဆန်ခဲ့တဲ့ ဘေယန် အကြီးအကဲ
မာနေးဟာ လက်ရှိ နွေရာသီမှာ ဘွန်ဒက်စ်လီဂါကို ပြန်လည်စွန့်ခွာဖို့ သတင်းတွေ ထွက်ပေါ်နေပါတယ်။ ဒီအခြေအနေမှာ ဆော်ဒီအာရေဗျ ကလပ် အယ်လ်နာဆာက ဒီကစားသမားကို ကမ်းလှမ်းဖို့ ပြင်ဆင်နေကြောင်း သတင်းတွေက ဆိုပါတယ်။
ဘေယန်မြူးနစ် ကလည်း မာနေး အတွက် ပြောင်းရွှေ့ကြေး ပေါင် (၁၇) သန်း ရရှိရုံနဲ့ ရောင်းချသွားဖို့ ပြင်ဆင်ထားပြီး ကမ်းလှမ်းမှုတွေကို နားစွင့်လျက် ရှိပါတယ်။ ဒါပေမယ့်လည်း ဒရက်ဆန် ကတော့ မာနေးက အသင်းရဲ့ အစိတ်အပိုင်း အဖြစ် ရှိနေကြောင်း၊ ကစားသမား တစ်ယောက်ချင်းစီကို မှတ်ချက်ပေးတာက မှားယွင်းတဲ့ လုပ်ရပ် ဖြစ်ပြီး ကျွန်တော်ကတော့ ဒါမျိုးလုပ်မှာ မဟုတ်ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
