ဗလင်စီယာ နောက်ခံလူကို ခေါ်ယူဖို့ ပစ်မှတ်ထားနေတဲ့ အေစီမီလန် (စီးရီးအေ သတင်းများ)

ဒီတစ်ခါ မှာတော့ ဇူလိုင်လ ၂၄ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

ဗလင်စီယာ နောက်ခံလူကို ခေါ်ယူဖို့ ပစ်မှတ်ထားနေတဲ့ အေစီမီလန်

စီးရီးအေ ကလပ် အေစီမီလန်ဟာ ဗလင်စီယာ နောက်ခံလူ ယူနက်စ်မူဆာကို ခေါ်ယူဖို့ အတွက် ပြင်ဆင်နေကြောင်း သတင်းတွေက ဖော်ပြနေပါတယ်။ လက်ရှိ နွေရာသီ အပြောင်းအရွှေ့မှာ အေစီမီလန်တို့ ဈေးကွက် အတွင်း ခပ်သွက်သွက် လှုပ်ရှားနေပြီး အခုချိန်မှာတော့ နောက်ထပ် ဗလင်စီယာ ကစားသမား တစ်ဦးပဲဖြစ်တဲ့ ဖာကန်ဒို ဂွန်ဇာလက်ဇ်ကိုလည်း ချိန်ရွယ်နေကြောင်း သိရပါတယ်။

ဒီကစားသမား နှစ်ယောက်လုံးက အေစီမီလန်ရဲ့ ထိပ်တန်း ပစ်မှတ်တွေ ဖြစ်ပြီး နောက်ခံလူ မက်တီယို ဂတ်ဘီယာရဲ့ နေရာကို အစားထိုးဖို့ အတွက် အေစီမီလန်တို့ လှုပ်ရှားနေတာ ဖြစ်ပါတယ်။ ကစားသမား နှစ်ယောက်လုံး ကလည်း အေစီမီလန်ကို ပြောင်းရွှေ့ဖို့ ဆန္ဒရှိနေပေမယ့် ဗလင်စီယာ ဘက်ကတော့ ဂွန်ဇာလက်ဇ်ကို အသင်းမှာ ဆက်ထိန်းထားဖို့ ရည်ရွယ်ထားပါတယ်။

အေစီမီလန်ဟာ လက်ရှိနွေမှာ လာလီဂါ ကြယ်ပွင့်တွေကို အဓိက ပစ်မှတ်ထားနေပြီး ဗီလာရီးရဲလ် ကြယ်ပွင့် ဆမ်မြူရယ် ချူကွာဇီကို ခေါ်ယူဖို့ အတွက်လည်း စိတ်ဝင်စားလျက် ရှိပါတယ်။

ဗီလာရီးရဲလ်ကို အငှားနဲ့ပြောင်းရွှေ့တော့မယ့် အေစီမီလန် နောက်ခံလူ

အဓိက နောက်ခံလူ ပါအူ တောရက်စ်ကို လက်လွှတ်ခဲ့ရတဲ့နောက် ဗီလာရီးရဲလ်တို့ အေစီမီလန် နောက်ခံလူ မက်တီယို ဂတ်ဘီယာကို ပြန်လည် ခေါ်ယူဖို့ နီးစပ်နေကြောင်း သိရပါတယ်။ အသက် (၂၃) နှစ် အရွယ် စီးရီးအေ နောက်ခံလူကို တစ်ရာသီ အငှားစာချုပ်နဲ့ ခေါ်ယူမှာ ဖြစ်ပြီး လာမယ့် တစ်ပတ် အတွင်း အပြောင်းအရွှေ့ကို အပြီးသတ်သွားဖို့ ရည်ရွယ်ထားပါတယ်။

အေစီမီလန် ကတော့ ဗီလာရီးရဲလ် ကြယ်ပွင့် ဆမ်မြူရယ် ချူကွာဇီကို ပြန်လည် ခေါ်ယူဖို့ အတွက်လည်း စိတ်ဝင်စားနေပေမယ့် ဒီအပြောင်းအရွှေ့ နှစ်ခုက တိုက်ရိုက် ချိတ်ဆက်ခြင်း မရှိကြောင်း သိရပါတယ်။

ဗီလာရီးရဲလ်ဟာ လက်ရှိနွေရာသီမှာ နီကိုးလပ်စ် ဂျက်ဆင်၊ ပါအူ တောရက်စ်တို့ကို ရောင်းချခဲ့ပြီးနောက် ချူကွာဇီ ကိုလည်း မြင့်မားတဲ့ ပြောင်းရွှေ့ကြေး ရရှိမှသာ ရောင်းချသွားဖို့ ပြင်ဆင်ထားပါတယ်။

အိုဒွိုင်းကို ခေါ်ယူမယ့် လာဇီယို

စီးရီးအေ ကလပ် လာဇီယိုဟာ ချဲလ်ဆီး တောင်ပံ ကစားသမား ကော်လမ် ဟက်ဒ်ဆန် အိုဒွိုင်းကို ခေါ်ယူဖို့ အတွက် နောက်ဆုံးအဆင့် ဆွေးနွေးမှုတွေ ပြုလုပ်နေပြီ ဖြစ်ကြောင်း သိရှိရပါတယ်။ အိုဒွိုင်းဟာ ပြီးခဲ့တဲ့ ဘောလုံးရာသီမှာ လေဗာကူဆင်ကို အငှားနဲ့ သွားရောက်ကစားခဲ့ပြီး လက်ရှိနွေမှာတော့ ချဲလ်ဆီးကို ပြန်လည် ရောက်ရှနေတာပါ။

အဆိုပါ အင်္ဂလန်လူမျိုး တောင်ပံကစားသမားဟာ ချဲလ်ဆီး နည်းပြသစ် မော်ရစ်ဆီယို ပိုချက်တီနို လက်ထက် မှာလည်း ပုံမှန် ပွဲထွက်ခွင့် မရရှိနိုင်တာကြောင့် အခုလိုပဲ အသင်း ကနေ ထပ်မံထွက်ခွာဖို့ ပြင်ဆင်နေတာ ဖြစ်ပါတယ်။ လာဇီယို ကတော့ အိုဒွိုင်းကို ခေါ်ယူနိုင်ဖို့ ယုံကြည်ချက် ရှိနေပြီး နှစ်သင်းကြား ဆွေးနွေးမှုတွေ ကလည်း တိုးတက်လျက်ရှိကြောင်း နာမည်ကျော် သတင်းထောက် ဖာဘရီဇီယို ရိုမာနိုက ပြောကြားခဲ့ပါတယ်။

အိုဒွိုင်းဟာ လာဇီယိုမှာ ချဲလ်ဆီး နည်းပြဟောင်း တစ်ယောက် ဖြစ်တဲ့ မော်ရူဇီယို ဆာရီနဲ့ ပြန်လည် လက်တွဲခွင့် ရရှိမှာလည်း ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.