မာနေး အသင်း ကနေ ထွက်ခွာသွားလို့ မပျော်ရွှင်တဲ့ တူချယ် (ဘွန်ဒက်စ်လီဂါ သတင်းများ)

ဒီတစ်ခါ မှာတော့ ဩဂုတ်လ ၂ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

မာနေး အသင်း ကနေ ထွက်ခွာသွားလို့ မပျော်ရွှင်တဲ့ တူချယ်

ဘေယန်မြူးနစ် နည်းပြ သောမတ်စ် တူချယ်က ဆာဒီယို မာနေး အသင်းက ထွက်ခွာသွားတဲ့ အပေါ် မပျော်မရွှင်ဖြစ်မိပေမယ့် အကောင်းဆုံး ရွေးချယ်မှု ဖြစ်ကြောင်း ပြောကြားလိုက်ပါတယ်။ မာနေးဟာ ဆော်ဒီအာရေဗျကလပ် အယ်လ်နာဆာကို ပြောင်းရွှေ့ကြေး ပေါင် (၃၄) သန်းနဲ့ ပြောင်းရွှေ့သွားခဲ့ပြီ ဖြစ်ပါတယ်။

မာနေးဟာ ဘွန်ဒက်စ်လီဂါမှာ တစ်ရာသီသာ ဖြတ်သန်းခဲ့ရပြီး ဘေယန်မြူးနစ်မှာ ကွင်းတွင်း၊ ကွင်းပြင် အဆင်မပြေဖြစ်ခဲ့တာကြောင့် အခုလိုမျိုးပဲ အသင်း ကနေ ရောင်းထုတ်ခြင်းခံခဲ့ရတာပါ။

မာနေး ထွက်ခွာသွားတဲ့ အပေါ် တူချယ်က ကျွန်တော်တို့ ပွေ့ဖက် နှုတ်ဆက်ခဲ့ကြောင်း၊ လက်ရှိ အခြေအနေကို မကြိုက်ပေမယ့် ဒါကပဲ အကောင်းဆုံး ရွေးချယ်မှု ဖြစ်ကြောင်း၊ မာနေး နာကျင်နေမှာကို နားလည်ပြီး သူလည်း မပျော်ရွှင်ကြောင်း၊ ရေရှည် လက်မတွဲနိုင်ခဲ့တာက ကျွန်တော့်ရဲ့ တာဝန် ဖြစ်ကြောင်း ပြောကြားသွားခဲ့ပါတယ်။

ဘေယန် ဂိုးသမားကို အင်တာ ကနေ ကြိုဆိုနေတဲ့ သူရမ်

လက်ရှိနွေရာသီ အပြောင်းအရွှေ့မှာမှ မိုချန်ဂလာဘတ် ကနေ အင်တာမီလန်ကို ပြောင်းရွှေ့သွားခဲ့တဲ့ တိုက်စစ် ကြယ်ပွင့် မားကပ်စ် သူရမ်က ဘေယန်မြူးနစ် ဂိုးသမား ယန်း ဆွမ်မားကို ကြိုဆိုကြောင်း ပြောကြားခဲ့ပါတယ်။

အင်တာမီလန်ဟာ လက်ရှိနွေရာသီမှာ ဆမ်မာ ဟန်ဒါနိုဗစ်၊ အန်ဒရီ အိုနာနာ တို့ကို လက်လွှတ်ခံခဲ့ပြီး လက်ရှိအချိန်မှာ ဂိုးသမားသစ် ပြန်လည် ခေါ်ယူရမှာပါ။ အင်တာမီလန် အနေနဲ့ ဘွန်ဒက်စ်လီဂါ ထိပ်သီး ကလပ် ဘေယန်မြူးနစ်ရဲ့ ဂိုးသမား ယန်းဆွန်းမားကို ခေါ်ယူဖို့ စီစဉ်နေပြီး ဆွမ်မားက အသင်းရဲ့ နံပါတ် (၁) ဂိုးသမား ဖြစ်လာဖို့ ရှိနေပါတယ်။

ဆွမ်မားနဲ့ ပတ်သက်လို့ မိုချန်ဂလာဘတ်မှာ တွဲကစားခဲ့ဖူးတဲ့ သူရမ်က ဆွမ်မားဟာ အသက်အရွယ် ရနေပေမယ့် ပုံစံကောင်း ပြနေဆဲ ဖြစ်ကြောင်း၊ သူ အင်တာမီလန်ကို ရောက်လာဖို့ မျှော်လင့်ကြောင်း၊ သူ့ကို စောင့်ကြိုနေပေမယ့် ဒီအတွက် စကားပြောဆိုရခြင်း မရှိသေးကြောင်း ဖွင့်ဟသွားခဲ့ပါတယ်။

လိုင်ယွန် နောက်ခံလူကို ခေါ်ယူဖို့ ကမ်းလှမ်းနေတဲ့ လိုက်ပ်ဇစ်

ဘွန်ဒက်စ်လီဂါ ကလပ် လိုက်ပ်ဇစ်ဟာ လိုင်ယွန် နောက်ခံလူ ကက်စတယ်လို လူကီဘာကို ခေါ်ယူဖို့ ကမ်းလှမ်းမှုတွေ ပြုလုပ်နေကြောင်း သိရပါတယ်။ လိုက်ပ်ဇစ်ဟာ သူတို့ရဲ့ အဓိက နောက်ခံလူ ဂျော့စ်ကို ဂီဗာဒီယိုလ်ကို လက်ရှိနွေရာသီမှာ မန်ချက်စတာစီးတီးထံ လက်လွှတ်ရဖို့ ရှိနေပါတယ်။

အဲ့ဒါကြောင့်လည်း ဂီဗာဒီယိုလ်ရဲ့ နေရာ အတွက် လိုင်ယွန်ရဲ့ အသက် (၂၀) အရွယ် နောက်ခံလူကို ခေါ်ယူဖို့ ပြင်ဆင်နေတာ ဖြစ်ပါတယ်။ လိုက်ပ်ဇစ်ဟာ ကစားသမားနဲ့ (၅) နှစ် သက်တမ်းရှိတဲ့ စာချုပ်တစ်ရပ်ကို ချုပ်ဆိုဖို့ ပုဂ္ဂိုလ်ရေးအရ သဘောတူညီမှု ရရှိပြီးပြီလည်း ဖြစ်ပါတယ်။

လိုက်ပ်ဇစ်တို့ အနေနဲ့ ကစားသမား အတွက် ပြောင်းရွှေ့ကြေး ယူရို (၃၂) သန်း အပြင် ပြန်လည် ရောင်းချခဲ့ရင် ရရှိမယ့် ပြောင်းရွှေ့ကြေးထဲက ရာခိုင်နှုန်းအချို့ကို လိုင်ယွန်ထံ ပြန်လည် ခွဲပေးဖို့ သဘောတူညီရဖွယ် ရှိပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.