ဒီတစ်ခါ မှာတော့ စက်တင်ဘာလ ၁၁ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
မက်ဆီနဲ့ နှိုင်းယှဉ်ခံခဲ့ရတဲ့ ဘူကာယို ဆာကာ
အင်္ဂလန် ဂန္တဝင် တောင်ပံ ကစားသမား ဂျိုး ကိုးလ်က စနေနေ့ ညနေက ယူကရိန်းနဲ့ ကစားခဲ့တဲ့ ယူရို ၂၀၂၄ ခြေစစ်ပွဲမှာ တစ်ဖက် ၁ ဂိုးစီ သရေကျခဲ့ပြီးနောက် အင်္ဂလန် ကြယ်ပွင့် ဘူကာယို ဆာကာကို လီယွန်နယ် မက်ဆီနဲ့ နှိုင်းယှဉ်ခဲ့ပါတယ်။ ဆာကာဟာ အင်္ဂလန်က ရလဒ်ကောင်း မပိုင်ဆိုင်ခဲ့ပေမယ့်လည်း နောက်ထပ် တစ်ကြိမ် အထင်ကြီးဖွယ် စွမ်းဆောင်ရည်ကောင်း ပြသနိုင်ခဲ့တာ ဖြစ်ပြီး အနိုင်ဂိုး သွင်းယူနိုင်ဖို့ နီးစပ်ခဲ့ပေမယ့်လည်း ဂိုးတိုင်ထိသွားခဲ့တာ ဖြစ်ပါတယ်။ ဆာကာဟာ ပရီးမီးယားလိဂ် ကလပ် အာဆင်နယ် အတွက်လည်း ခြေစွမ်းပြနေသူ ဖြစ်ပါတယ်။
အသက် ၂၂ နှစ် အရွယ် တောင်ပံကစားသမားဟာ ၂၀၂၃ ခုနှစ် ဘလွန်ဒေါဆု အတွက် ဆန်ခါတင် ၃၀ ဦး စာရင်းထဲမှာ ပါဝင်ခဲ့ပြီး ဂျေမီ ကာရေဂါက အာဆင်နယ် ကြယ်ပွင့်ဟာ ကမ္ဘာပေါ်က အကောင်းဆုံး ကစားသမားတွေ ထဲက တစ်ဦး ဖြစ်တယ်လို့ ပြောကြားခဲ့တာ ဖြစ်ပါတယ်။
ဂျိုး ကိုးလ်က ဆာကာကို နောက်ထပ် ချီးကျူးမှု အနည်းငယ် ပြုလုပ်ခဲ့ပြီး ဂန်းနား ကြယ်ပွင့်ကို တသက်တာ အကောင်းဆုံး ဘောလုံးသမားတွေ ထဲက တစ်ဦး အဖြစ် ကျယ်ကျယ်ပြန့်ပြန့် ယူဆခြင်း ခံထားရတဲ့ အာဂျင်တီးနား ဂန္တဝင် လီယွန်နယ် မက်ဆီနဲ့ နှိုင်းယှဉ်ခဲ့ပြီး ဘာဆာ ဂန္တဝင်လို အရည်အချင်းမျိုး ရှိနေတာကြောင့် ခုခံလို့ မရနိုင်တဲ့ ကစားသမားလို့ ပြောဆိုခဲ့တာ ဖြစ်ပါတယ်။
ခြေစွမ်းမပြနိုင်တဲ့ကစားသမားကို စာချုပ်ဖျက်သိမ်းခဲ့တဲ့ အာဆင်နယ်
ပေပေဟာ ၂၀၁၉ ခုနှစ်မှာ လိုင်လီကနေ ပေါင် ၇၂ သန်းနဲ့ ပြောင်းရွှေ့လာခဲ့သူ ဖြစ်ပြီး ယခုနွေရာသီမှာ အာဆင်နယ်က အိုင်ဗရီကို့စ် တောင်ပံကစားသမားကို ရောင်းထုတ်ချင်ခဲ့တာ ဖြစ်ပါတယ်။
ဒါပေမယ့်လည်း ပေပေကို ခေါ်ယူချင်တဲ့ အသင်း မရှိတာကြောင့် စာချုပ် ဖျက်သိမ်းဖို့ ရွေးချယ်ခဲ့တာ ဖြစ်ပြီး အာဆင်နယ် တောင်ပံကစားသမားဟောင်းဟာ တူရကီမှာ ထရက်ဇွန်စပေါ်နဲ့ ကစားသမားဘဝကို ပြန်လည် အသက်သွင်းဖို့ ကြိုးပမ်းသွားမှာ ဖြစ်ပါတယ်။
ချဲလ်ဆီးကို ဘာလို့ငြင်းခဲ့လဲ ဆိုတာ ပြောပြခဲ့တဲ့ ဝါဟီ
လန်းစ် တိုက်စစ်မှူး အီလိုင် ဝါဟီက ယခုနွေရာသီမှာ ချဲလ်ဆီးကို ပြောင်းရွှေ့ဖို့နဲ့ ပတ်သက်ပြီး လုံးလုံးကြီး ကောင်းမွန်လိမ့်မယ်လို့ မသေချာခဲ့ဘူးလို့ ဝန်ခံခဲ့ပါတယ်။ ဝါဟီဟာ ပြီးခဲ့တဲ့ ရာသီ မောင့်ပယ်လီယာလီ အတွက် အကောင်းဆုံး ကစားသမားတွေ ထဲက တစ်ဦး ဖြစ်ခဲ့ပြီး လီဂူးဝမ်းမှာ ၁၉ ဂိုး အထိ သွင်းယူနိုင်ခဲ့တာကြောင့် ချဲလ်ဆီးက ပေါင် ၂၄ သန်းနဲ့ ခေါ်ယူဖို့ ကမ်းလှမ်းခဲ့တာ ဖြစ်ပါတယ်။
ဝါဟီကို ပရီးမီးယားလိဂ် ကလပ် ဝက်စ်ဟမ်းနဲ့ ဖရန့်ဖတ် တို့ကလည်း ခေါ်ယူဖို့ စိတ်ဝင်စားခဲ့ပါသေးတယ်။ လန်းစ် တိုက်စစ်မှူးက စတမ်းဖို့ဒ်ဘရစ်ချ်ကို မသွားချင်ခဲ့ဘဲ ချဲလ်ဆီးထက် စာရင် ဖရန့်ဖတ်ကို သွားဖို့က ပိုတောင် နီးစပ်ခဲ့တယ်လို့ ပြောဆိုခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
