ဒီတစ်ခါ မှာတော့ စက်တင်ဘာလ ၂၂ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
အလှည့်ကျ လူထုတ်ပုံကြောင့် အင်တာမီလန် ရုန်းကန်ခဲ့ရကြောင်း ဆီးဒေါ့ဖ် သုံးသပ်
စီးရီးအေရဲ့ ဂန္တဝင် ကလာရန့် ဆီးဒေါ့ဖ်က ဆိုစီဒက်နဲ့ ကစားခဲ့တဲ့ ချန်ပီယံလိဂ် ပွဲစဉ်မှာ အင်တာမီလန်တို့ အလှည့်ကျလူထုတ်ပုံကြောင့် ရုန်းကန်ခဲ့ရကြောင်း ဖွင့်ဟလိုက်ပါတယ်။
အဆိုပါ စီးရီးအေ ကလပ်ဟာ ချန်ပီယံလိဂ် အုပ်စုအဖွင့်ပွဲ အဖြစ် ဆိုစီဒက်နဲ့ ရင်ဆိုင်ခဲ့တဲ့ပွဲမှာ သရေ တစ်မှတ်ရဖို့ ရုန်းကန်ခဲ့ရပြီး လော်တာရို မာတီနက်ဇ်ရဲ့ နောက်ကျ ချေပဂိုးကြောင့်သာ တစ်ဂိုးစီ သရေရလဒ် ရရှိခဲ့တာပါ။ အင်တာမီလန် အတွက်တော့ ပြိုင်ပွဲစုံမှာ ရာနှုန်းပြည့် နိုင်ပွဲ ဆက်နိုင်မယ့် အခွင့်အရေးကို လက်လွှတ်ခဲ့ရပြီး ဆီးဒေါ့ဖ်က အသင်းရဲ့ အားနည်းချက်ကို ပွဲအပြီးမှာ ထောက်ပြလာခဲ့ပါတယ်။
ဆီးဒေါ့ဖ်က အင်တာမီလန်မှာ အပြောင်းအလဲတွေ များခဲ့ပြီး နောက်တန်း မှာလည်း နှေးကွေးသွားခဲ့ကြောင်း၊ သူတို့က ခံစစ်ကို ပိုပြီး ဖိအားဖြစ်စေခဲ့ပြီး ပွဲထွက်ကစားသမား စာရင်းကို အပြောင်းအလဲ လုပ်တဲ့ အပေါ်မှာလည်း သဘောမတူကြောင်း၊ ဒီနည်းလမ်းက ဘာအာမခံချက်မှ မရှိကြောင်း ပြောကြားသွားခဲ့ပါတယ်။
တိုနာလီကို အေစီမီလန် ပရိသတ်တွေ ကြိုဆိုတာနဲ့ ပတ်သက်လို့ ကာပယ်လို ဖွင့်ဟ
အေစီမီလန်နဲ့ နယူးကာဆယ်တို့ ကစားခဲ့တဲ့ ချန်ပီယံလိဂ် အုပ်စု အဖွင့် ပွဲစဉ်မှာ အေစီမီလန် ပရိသတ်တွေက သူတို့ရဲ့ ကစားသမားဟောင်း ဆန်ဒရို တိုနာလီကို ဂုဏ်ပြု ကြိုဆိုခဲ့ကြပါတယ်။ တိုနာလီဟာ ပြီးခဲ့တဲ့နွေရာသီ အပြောင်းအရွှေ့မှာ အေစီမီလန် ကနေ နယူးကာဆယ်ကို ပြောင်းရွှေ့ကြေး ယူရိုသန်း (၇၀) နဲ့ ပြောင်းရွှေ့သွားခဲ့တဲ့ ကစားသမားပါ။
ကာပယ်လိုက ဂိုးသမား ဂီဂီယို ဒွန်နာရမ်မာ တို့က အလွတ် ပြောင်းရွှေ့ကြေးနဲ့ ထွက်ခွာသွားလို့ အေစီမီလန် ပရိသတ်တွေက မုန်းတီးနေတာ ဖြစ်ကြောင်း၊ တိုနာလီကို အခုလိုမျိုး ကြိုဆိုတာက အေစီမီလန်တို့ အတွက် ဈေးကွက်ထဲမှာ ကစားသမား ခေါ်ယူခွင့် ပြန်ရခဲ့လို့ ဖြစ်ကြောင်း၊ အဲ့ဒါကြောင့် တိုနာလီကို ကြိုဆိုပြီး ဒွန်နာရမ်မာ အလှည့်မှာ လှောင်ပြောင်ခံရတာ ဖြစ်ကြောင်း ပြောကြားသွားခဲ့ပါတယ်။
နယူးကာဆယ်နဲ့ ပွဲမှာ ဂိုးသွင်းနိုင်ခဲ့သင့်တယ်လို့ ခံစားနေရတဲ့ လီယောင်
အဆိုပါပွဲမှာ လီယာအိုက အပိုင်အခွင့်အရေး တစ်ကြိမ်ကို ကိုယ်တိုင် လှလှပပ ဖန်တီးပြီး ဂိုးသွင်းခွင့် ရရှိခဲ့ပေမယ့် သူ့ရဲ့ နောက်ပေါက် ကန်ချက်က ဂိုးအဖြစ် မပြောင်းလဲနိုင်ခဲ့ပါဘူး။ ဒီအနေအထားမှာ လီယောင် အနေနဲ့ သာမန်အတိုင်း ကန်သွင်းလိုက်ရင် ဂိုးရနိုင်တယ် လို့လည်း သုံးသပ်နေကြပါတယ်။ စီးရီးအေ ကလပ် အေစီမီလန်ရဲ့ နောက်ခံလူ တိုမိုရီ ကလည်း လီယောင် အနေနဲ့ ဂိုးသွင်းနိုင်ခဲ့သင့်တယ်လို့ ခံစားနေရတာ ဖြစ်နိုင်ကြောင်း၊ ဒါပေမယ့် သူ့ရဲ့ အရည်အချင်းကို အားလုံးသိထားကြောင်း၊ အထူးသဖြင့် ဒီလို အဖွင့်ပွဲမျိုးမှာ ဂိုးသွင်းယူနိုင်ဖို့ လိုအပ်ကြောင်း၊ ဒါကို သူကိုယ်တိုင်လည်း သိထားပြီး လာမယ့်ပွဲတွေ မှာတော့ လီယာအိုက ဂိုးသွင်းယူနိုင်မှာ သေချာကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
