ဟယ်ရီကိန်းနဲ့ တော့တင်ဟမ်ဟော့စပါးတို့ အကြားက သံယောစဉ် ဘယ်လောက်တောင် ကြီးမားခဲ့သလဲ ဆိုတာ အားလုံးလည်း အသိပါပဲ။ ပြောရရင် ဟယ်ရီကိန်းက သူ့ရဲ့ ကစားသမားဘဝမှာ ပရီးမီးယားလိဂ်ရဲ့ ဂိုးသွင်းဘုရင်ဆုကို အကြိမ်ကြိမ် ရယူခဲ့တယ်၊ မက်လောက်စရာ ပရီးမီးယားလိဂ်ရဲ့ ဂိုးသွင်း စံချိန်တွေကို အကြိမ်ကြိမ် ချိုးဖျက်ခဲ့သူပါ။
ဒါပေမယ့် သူ့ရဲ့ ကစားသမားဘဝ အတွက် အကြီးမားဆုံး အားနည်းချက် ကတော့ စပါးနဲ့ အတူ ဆုဖလား အောင်မြင်မှု မရယူနိုင်ခဲ့ခြင်းပါပဲ။ စပါးက ဟယ်ရီကိန်း ရှိနေချိန်မှာ ချန်ပီယံလိဂ် ဝင်ခွင့် ရရုံ၊ ပရီးမီးယားလိဂ်မှာ တူတူတန်တန် ယှဉ်ပြိုင်ခွင့်ရရုံအဆင့်လောက်နဲ့ပဲ ကျေနပ်ခဲ့တာပါ။
ဒါပေမယ့် လီဗိုင်း လက်ထက်မှာ ဒီအသင်းက ဘာအောင်မြင်မှု မရနိုင်မှန်း သေချာလာတဲ့နောက် ဟယ်ရီကိန်းက အသင်းပြောင်းဖို့ ဆုံးဖြတ်ခဲ့ရပါတယ်။ ဒါတောင်မှ စပါးသာ ချန်ပီယံလိဂ် ဝင်ခွင့် ရခဲ့ရင် ဒါမှမဟုတ် ဆုဖလား တစ်လုံးလုံးကို ရခဲ့ရင် သူက အသင်းမှာ ဆက်နေဖို့ ရာခိုင်နှုန်း တော်တော်လေး များပြားတဲ့ ကစားသမားပါ။
အခုဘေယန်မြူးနစ်မှာ သူက ကျေနပ်လောက်စရာ ခြေစွမ်းမျိုးကို ပြသရင်း ဘွန်ဒက်စ်လီဂါရဲ့ အရသာတွေကို မြည်းစမ်းနေပါတယ်။ တစ်ချိန်တည်းမှာပဲ စပါးက အန်ဂျီ ပိုစတီဂလူးရဲ့ လက်ထက်မှာ ပုံစံကောင်းတွေ ပြသနေပြီး လက်ရှိအချိန်ထိ ပရီးမီးယားလိဂ်မှာ ရှုံးပွဲ မရှိသေးပါဘူး။
ဒီရာသီ ပရီးမီးယားလိဂ်မှာ ရှုံးပွဲ မရှိသေးတာ ကလည်း စပါးနဲ့ အာဆင်နယ် မြောက်လန်ဒန် မြို့ခံ နှစ်သင်းပဲ ရှိတော့တာပါ။ ဒီအချိန်မှာ ဟယ်ရီကိန်းက “စပါးရဲ့ ဒီလိုမျိုးပုံစံကို မြင်တွေ့ရတာ တကယ်ကို ကြီးကျယ် ခမ်းနားပါတယ်။ ကျွန်တော် ပြောခဲ့သလိုပါပဲ၊ စပါးက ဒီနည်းပြ လက်အောက်မှာ ပုံစံကောင်းပြနိုင်မှာပါ”
“ပရိသတ်တွေ ကလည်း အသင်းရဲ့ နောက်မှာ အပြည့်အဝ ရှိနေကြပြီး ဒါမျိုးက ဒီနောက်ပိုင်းနှစ် အနည်းငယ် အတွင်းမှာ အသင်း အတွက် လိုအပ်ခဲ့တဲ့ အရာမျိုးပါ။ ကျွန်တော် စပါးနဲ့ ပရီးမီးယားလိဂ်ကို အမြဲတမ်း စောင့်ကြည့်နေတုန်းပါ။ အခုချိန်အထိ ခရီးရှည်ကြီး ကျန်သေးတာ မှန်ပါတယ်”
“ကျွန်တော့်ရဲ့ ဘဝတစ်လျှောက်လုံး စပါး ပရိသတ် အဖြစ် ရှိနေမှာ ဖြစ်ပြီး စပါး ပုံစံကောင်း ပြနေတာ ကိုလည်း ကျွန်တော် ဝမ်းသာပါတယ်။ ပရီးမီးယားလိဂ် မှာလည်း စပါး အပြင် အခြားအသင်း တစ်သင်းက ချန်ပီယံ ဖြစ်တာမျိုးကို မမြင်ချင်တော့ပါဘူး” လို့ ပြောကြားသွားခဲ့ပါတယ်။
ဟယ်ရီကိန်းဟာ စပါး ပရိသတ်တွေရဲ့ အချစ်တော် ဖြစ်ခဲ့သူ၊ အသင်း အတွက် ဂန္တဝင် ဖြစ်ခဲ့သူပါ။ “တစ်ရွာ မပြောင်း၊ သူကောင်း မဖြစ်” ဆိုတဲ့ စကား အတိုင်း ရေမြေသစ်ကို ရှာဖွေခဲ့ရပေမယ့် ဟယ်ရီကိန်းက စပါး အပေါ်မှာ သံယောစဉ် ကြီးမားနေဆဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
