ယူနိုက်တက် တို့ရဲ့ ရှုပ်ထွေးနေဆဲ ပိုင်ရှင်သစ် ပြဿနာ (ပရီးမီးယားလိဂ်)

ယူနိုက်တက် ပိုင်ရှင် အပြောင်းအလဲဖြစ်ဖို့ ခြေလှမ်းအစလို့ ပြောရမယ့် ဆာဂျင်မ်မီ ရက်ကလစ်ဖ်ရဲ့ အသင်း ရှယ်ယာတွေကို (၂၅) ရာခိုင်နှုန်း ဝယ်ယူမှုက ဂယ်ရီနဗီးလ် အတွက် မေးခွန်းတွေ အများကြီး ထွက်လာစေခဲ့ပါတယ်။ အခုချိန်မှာ ဒီဗြိတိန် ဘီလီယံနာက ပရီးမီးယားလိဂ် ထိပ်သီး ယူနိုက်တက်ရဲ့ အားကစားဆိုင်ရာ စီမံခန့်ခွဲမှုတွေကို စတင် ချုပ်ကိုင်တော့မှာ ဖြစ်ပါတယ်။

ကာတာတွေက အသင်းကို ရာနှုန်းပြည့် ဝယ်ယူဖို့ အထိ ပေါင် (၅) ဘီလီယံကျော် ပေးကမ်းလှမ်းခဲ့ပေမယ့် ဂလေဇာတို့ ဘာကြောင့် မရောင်းခဲ့တာလဲ? ဘာကြောင့် ရက်ကလစ်ဖ်ကိုပဲ ရှယ်ယာ တစ်စိတ်တစ်ပိုင်း ထုတ်ပေးခဲ့တာလဲ?

အဖြေက ရှင်းပါတယ်။ ရက်ကလစ်ဖ်က အစောကတည်းက ဂလေဇာ တို့ကို အောက်ကနေ ဝင်လာတယ်၊ အသင်းကို အစပိုင်းမှာ အလုံးစုံ မထိန်းချုပ်လိုဘဲ ပါဝါကို ဂလေဇာတို့ ဆီမှာ ဆက်ထားမယ်၊ နောက်ပြီး အခု သူရသွားသလိုမျိုး အသင်းရဲ့ အားကစားစီမံခန့်ခွဲမှု အပိုင်းကို ဝင်ယူပါတယ်။

ပြောရရင် ပရိသတ်တွေ အတွက် စိတ်အလိုမကျစရာ၊ ဂယ်ရီ နဗီးလ် အတွက်လည်း အချက်နဲ့ အလက်နဲ့ မေးခွန်းထုတ်စရာ တစ်ပုံကြီး ရှိလာပါတယ်။ အကျဉ်းချုံး ပြောရရင် ယူနိုက်တက်ရဲ့ အားကစားဆိုင်ရာ ပရောဂျက် အသစ်တွေ၊ အိုးထရက်ဖို့ဒ် ကွင်းသစ် ဒါမှမဟုတ် ထပ်မံ တိုးချဲ့ဖို့၊ လေ့ကျင့်ရေးကွင်း အသစ်၊ အသင်းရဲ့ ကြွေးမြီတွေကို ပေးချေဖို့ အစရှိတဲ့ အဓိကအချက်တွေကို နဗီးလ်က မေးခွန်းထုတ် တောင်းဆိုလာတယ်။

ရက်ကလစ်ဖ် ကတော့ သူ့လက်ထက်မှာ ပရီးမီးယားလိဂ် ကလပ် ယူနိုက်တက်ကို တစ်ချိန်က ရွှေရောင် နေ့ရက်တွေဆီ ပြန်ရောက်နိုင်ဖို့ ပစ်မှတ်ထားနေတယ်။ ဒါပေမယ့် မန်စီးတီး၊ အာဆင်နယ်၊ လီဗာပူး၊ ချဲလ်ဆီး၊ နယူးကာဆယ်၊ စပါး တို့ပါ အားကောင်းလာချိန်မှာ ဒါက လွယ်တဲ့ ကိစ္စတော့ မဟုတ်ပြန်ဘူး။

Global Brand တစ်ခုဖြစ်တဲ့ ပရီးမီးယားလိဂ် ကလပ် မန်ယူနိုက်တက်ကို ရက်ကလစ်ဖ် ဝယ်ယူတယ် ဆိုတာ ကလည်း ဘဏ် ကနေ ငွေချေးပြီး ဝယ်ထားတယ်လို့လည်း ဆိုကြတယ်။ ဒီတော့ ကျားကြောက်လို့ ရှင်ကြီး ကိုးခါမှ ပိုဆိုးတဲ့ အဖြစ်မျိုးနဲ့လည်း ရင်ဆိုင်ရနိုင်တယ်။ လက်ရှိ ယူနိုက်တက် ပရိသတ်တွေ ဂလေဇာ မိသားစုကို ခါးသီးနေတာ ဒီကိစ္စကြောင့်ပဲ။

ဂလေဇာတွေက အသင်း အတွက် လိုအပ်တာတွေ ကိုသာ လုံလောက်အောင် မလုပ်ပေးပေမယ့် အသင်းဆီက ရသမျှ အချိုအားလုံးကို စုပ်ယူနေတာ။ ဖာဂူဆန် နောက်ပိုင်းမှာ အသင်းက တဖြည်းဖြည်း ကျရိပ်ပြလာတယ်၊ အိုးထရက်ဖို့ဒ် ကွင်းကြီးက နှစ်တွေကြာတာတောင် ဒီအတိုင်းပဲ၊ လေ့ကျင့်ရေးကွင်း Facilities တွေက ခေတ်နောက်မှာ ကျန်ခဲ့တယ်။

အခု ရက်ကလစ်ဖ်ရဲ့ ရင်းနှီးမြှုပ်နှံမှုက ဘယ်လောက် အထိ တာသွားမလဲ ဆိုတာ ယူနိုက်တက် ပရိသတ်တွေ စိုးတထိတ်ထိတ်နဲ့ပဲ စောင့်ကြည့်ရမှာ။ နောက်ပြီး သူက အသင်းကို ဖြည်းဖြည်းချင်းနဲ့ ရာနှုန်းပြည့် ထိန်းချုပ်သွားဖို့ အစီအစဉ် ရှိနေတယ်။ ဒီကြားထဲ ရှိတ်ခ် ဂျာဆင်းမ် တစ်ယောက် ယူနိုက်တက်ကို ဝယ်ဖို့ လက်မလျှော့သေးဘူး ဆိုတာက ရိုမာနိုဆီက ထပ်ထွက်လာပြန်တယ်။ ဘာပဲဖြစ်ဖြစ် လတ်တလော ကာလက ယူနိုက်တက် အတွက် အလှုပ်အခတ်တွေ များနေဦးမယ့် ကာလပါပဲ။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.