ပရီးမီးယားလိဂ် ကလပ် မန်ချက်စတာယူနိုက်တက် နည်းပြ အဲရစ်ခ် တန်ဟက်ဂ် ကတော့ ဝက်စ်ဟမ်း ကွင်းလယ်လူ အက်ဒ်ဆန် အဲလ်ဗာရက်ဇ်ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ မက္ကဆီကို ကွင်းလယ်လူ အဲလ်ဗာရက်ဇ်ဟာ အေဂျက်စ် မှာတုန်းက အဲရစ်ခ် တန်ဟက်ဂ်နဲ့ လက်တွဲခဲ့ဖူးပြီးတော့ နယ်သာလန်သား နည်းပြ ကတော့ သူ့ရဲ့ တပည့်ဟောင်း ခြေစွမ်းကို ယုံကြည်မှု ရှိနေတာ ဖြစ်ပါတယ်။
အသက် (၂၆) နှစ် အရွယ် မက္ကဆီကို အသင်းခေါင်းဆောင် အဲလ်ဗာရက်ဇ်ဟာ ကွင်းလယ် ခံစစ် နေရာ အပြင် ဗဟိုခံစစ် မှာပါ လိုက်ပါ ကစားနိုင်သူ ဖြစ်ပြီး မနှစ်ကမှ အေဂျက်စ် ကနေ ဝက်စ်ဟမ်း အသင်းဆီ ပြောင်းရွှေ့လာသူ ဖြစ်ပါတယ်။ ယူနိုက်တက်ဟာ အစောပိုင်းမှာ ပေါ်တူဂီ ကလပ် ဘင်ဖီကာရဲ့ ပေါ်တူဂီ ကြယ်ပွင့် ယာအို နီးဗက်စ်ကို ခေါ်ယူဖို့ အဓိက ပစ်မှတ်ထားနေခဲ့တာ ဖြစ်ပါတယ်။ ဒါပေမယ့်လည်း ဒီကစားသမားလေး အတွက် ဘင်ဖီကာ ဘက်က သတ်မှတ်ထားတဲ့ ပြောင်းရွှေ့ကြေးက အနိမ့်ဆုံး ပေါင် သန်း ၁၀၀ ရှိနေတာကြောင့် ယူနိုက်တက် အတွက် စဉ်းစားစရာ ဖြစ်ခဲ့ပါတယ်။ အခုနောက်ဆုံး မှာတော့ နည်းပြ ဖြစ်သူ တန်ဟက်ဂ်က အသင်းရဲ့ ပစ်မှတ်ကို ပြောင်းလဲခဲ့ပြီး တပည့်ဟောင်း အဲလ်ဗာရက်ဇ်ကို စိတ်ဝင်စားလာခဲ့တာ ဖြစ်ပါတယ်။
တန်ဟက်ဂ် ကတော့ အေဂျက်စ် ကနေ မန်ချက်စတာယူနိုက်တက်ဆီ ပြောင်းရွှေ့ခဲ့တဲ့ ပထမဦးဆုံးနှစ်မှာပဲ အသင်းဟောင်း ကနေ လီဆန်ဒရို မာတီနက်ဇ်နဲ့ အန်တိုနီ တို့ကို အိုးထရက်ဖို့ဒ်ဆီ ရအောင် ခေါ်ဆောင်ခဲ့ပါတယ်။ ဒါ့အပြင် ပြီးခဲ့တဲ့ ရာသီ ကလည်း အေဂျက်စ် ကစားသမားဟောင်းပဲ ဖြစ်တဲ့ ဂိုးသမား အန်ဒရီ အိုနာနာကို တန်ဟက်ဂ် အနေနဲ့ ပရီးမီးယားလိဂ် ကလပ်ဆီ ခေါ်ဆောင်ထားခဲ့တာ ဖြစ်ပါတယ်။
ယူနိုက်တက်ဟာ လက်ရှိ နွေဈေးကွက် အတွင်းမှာပဲ အသင်းမှာ ရှိတဲ့ ကွင်းလယ်လူ နှစ်ဦး ဖြစ်တဲ့ ခရစ္စတီယန် အဲရစ်ခ်ဆင်နဲ့ ကက်စ်မဲရိုးတို့ ထွက်ခွာဖို့ များနေတာကြောင့် ကစားသမား တစ်ဦး မဖြစ်မနေ ခေါ်ယူရဖို့ ရှိနေတာ ဖြစ်ပါတယ်။ အဓိက ကတော့ ကက်စ်မဲရိုးရဲ့ နေရာမှာ အစားထိုးဖို့ ဦးစားပေး ရှာဖွေနေပြီး သူတို့ ရရှိထားတဲ့ နွေရာသီ အပြောင်းအရွှေ့ စရိတ် အတွင်း ဝင်တဲ့ နှုန်းထား တစ်ခုနဲ့ ဦးတည် ရှာဖွေနေတာ ဖြစ်ပါတယ်။ သတင်းတွေ အရ ဆိုရင် ယူနိုက်တက်ဟာ လာမယ့် နွေရာသီ အပြောင်းအရွှေ့မှာ ပေါင်သန်း ၅၀ နည်းပါးသာ သုံးစွဲခွင့်ရမယ်လို့ သိရပြီး အသင်းမှာ ရှိတဲ့ ကစားသမားတွေကို ရောင်းထုတ်ဖို့လည်း လိုအပ်နေတာ ဖြစ်ပါတယ်။
ဝက်စ်ဟမ်း ကတော့ ဒီကလန် ရိုက်စ်ကို ပရီးမီးယားလိဂ် အာဆင်နယ် အသင်းထံ လက်လွှတ်ခဲ့ရပြီးနောက် အက်ဒ်ဆန် အဲလ်ဗာရက်ဇ်ကို အစားထိုး ခေါ်ယူခဲ့တာ ဖြစ်ပါတယ်။ ဒီကစားသမားဟာ ရိုက်စ် နေရာကို အပြည့်အဝ မဖြည့်တင်းနိုင်ခဲ့ဘူး ဆိုပေမယ့် အတိုင်းအတာ တစ်ခု အထိတော့ ဝက်စ်ဟမ်းရဲ့ ကွင်းလယ်ပိုင်းမှာ ခြေစွမ်းပြနိုင်ခဲ့သူ ဖြစ်ပါတယ်။ ဒါကြောင့် ယူနိုက်တက် အနေနဲ့ အဲလ်ဗာရက်ဇ်ကို ခေါ်ယူဖို့ ဆိုတာ ကတော့ အရမ်းကို လွယ်ကူနေတဲ့ ကိစ္စတော့ မဟုတ်ပဲ ဖိဖိစီးစီး ကြိုးစားဖို့တော့ လိုအပ်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
