ပရီးမီးယားလိဂ် ကလပ် လစ်ဗာပူးလ်နည်းပြအာနေးဆလော့တ်ကတော့သူ့အနေနဲ့နည်းပြအန်ဂျီပိုစတီကိုဂလူးရဲ့တော့တင်ဟမ်ဟော့စပါးကိုဆုဖလားအောင်မြင်မှုတွေရရှိစေချင်ကြောင်းဖွင့်ဟပြောဆိုလာခဲ့ပါတယ်။လစ်ဗာပူးလ်နဲ့စပါးတို့ကခရာဘောင်လိဂ်ဖလားပြိုင်ပွဲဆီမီးဖိုင်နယ်အဆင့်မှာထိပ်တိုက်တွေ့ဆုံနေပြီးတော့ဆလော့တ်ကစပါးကိုလိဂ်ဖလားထက်ယူရိုပါလိဂ်ဖလားကိုဆွတ်ခူးသွားစေချင်တယ်လို့ဆိုခဲ့တာဖြစ်ပါတယ်။
ခရာဘောင်ဖလားဆီမီးဖိုင်နယ်မှာတွေ့ဆုံရမယ့်စပါးနဲ့ပတ်သက်ပြီးတော့ဆလော့တ်က “စပါးမှာအန်ဂျီပိုစတီကိုဂလူးလုပ်ဆောင်နေတာတွေကအရမ်းပဲကောင်းပါတယ်။ဒါကိုပိုပြီးတွေ့မြင်ရဖို့လည်းမျှော်လင့်ထားသလိုဆုဖလားတွေပိုင်ဆိုင်နိုင်ဖိုလည်းမျှော်လင့်ပါတယ်။ဒါပေမယ့်လိဂ်ဖလားတော့မဟုတ်ဘူး။ကျွန်တော်ကသူ့ရဲ့အသင်းကိုယူရိုပါလိဂ်ပြိုင်ပွဲအတွက်လုံးဝအမာခံအားပေးနေမယ့်သူဖြစ်ပါတယ်။လူတွေကဆုဖလားတွေဟာအရမ်းအရေးကြီးတယ်လိုအမြဲတမ်းပြောလေ့ရှိကြတော့ဆုဖလားရယူနိုင်ဖိုကလည်းအရေးကြီးပါတယ်။ကျွန်တော့်အတွက်ကတော့သူရဲ့ဘောလုံးနဲ့ပတ်သက်တဲ့အမှတ်သညာကပိုပြီးအရေးကြီးပါတယ်။ဆုဖလားတစ်ခုခုကိုရယူနိုင်လိုက်တာနဲ့ပေါင်းစပ်နိုင်လိုက်မယ်ဆိုရင်တော့ဘောလုံးလောကအတွက်အရမ်းပဲကောင်းမွန်သွားမယ်ထင်ပါတယ်။”လို့ဆိုပါတယ်။
ဆက်လက်ပြီးဆလော့တ်က“ဘာကြောင့်လဲဆိုတော့ဒီလိုသာဖြစ်လာခဲ့မယ်ဆိုရင်လူတွေကသူရဲ့ကစားပုံဟာတိုက်စစ်ချည်းပဲအရမ်းကစားလွန်းတယ်လိုပြောနေကြတာကိုရပ်ပစ်နိုင်မှာမို့လို့ပါ။”ဆိုပြီးပြောကြားသွားခဲ့ပါတယ်။ဆလော့တ်ရဲ့လစ်ဗာပူးလ်ကလာမယ့်တနင်္ဂနွေနေ့မှာစပါးနဲ့ပရီးမီးယားလိဂ်အဝေးကွင်းပွဲစဉ်ကစားရမှာဖြစ်ပါတယ်။လက်တလောမှာပုံစံကောင်းတွေနဲ့နိုင်ပွဲတွေဆက်နေတဲ့ဆလော့တ်ရဲ့လစ်ဗာပူးလ်ကိုအသင်းကြီးတွေနဲ့တွေ့တိုင်းဒုက္ခပေးတတ်တဲ့အန်ဂျီပိုစတီကိုဂလူးရဲ့စပါးတို့ဟန့်တားသွားနိုင်မလားဆိုတာစိတ်ဝင်စားဖို့ကောင်းနေပြီလည်းဖြစ်ပါတယ်။
လက်ရှိရာသီမှာလစ်ဗာပူးလ်နဲ့စပါးတိုဟာတွေ့ဆုံထားခြင်းမရှိသေးပဲအခုတစ်ပတ်ပရီးမီးယားလိဂ်မှသာပထမဆုံးအကြိမ်အဖြစ်တွေ့ဆုံကြမှာဖြစ်ပါတယ်။ဒါ့အပြင်ဒီနှစ်သင်းကခရာဘောင်ဖလားရဲ့ဆီမီးဖိုင်နယ်အဆင့်မှာထပ်မံရင်ဆိုင်ရဦးမှာဖြစ်ပါတယ်။
လက်ရှိရာသီမှလစ်ဗာပူးလ်နည်းပြအဖြစ်နဲ့ပရီးမီးယားလိဂ်ကိုစတင်ခြေချလာခဲ့တဲ့ဆလော့တ်ဟာမာဆေးလ်ဆိုက်ဒ်ကလပ်ကိုပြိုင်ပွဲစုံမှာရှုံးပွဲ၁ပွဲသာရှိအောင်စွမ်းဆောင်ပေးထားပါတယ်။လစ်ဗာပူးလ်ဟာဆလော့တ်လက်ထက်မှာ၂၄ပွဲကစားထားပြီးပွဲ၂၀နိုင်၊၃ပွဲသရေ၊၁ပွဲရှုံးထားပါတယ်။လစ်ဗာပူးလ်ဟာဖလား၄လုံးလမ်းကြောင်းပေါ်မှာရှိနေပြီးတော့ရာသီကုန်မှာအနည်းဆုံးဆုဖလား၁လုံးတော့ကိုင်မြှောက်နိုင်ဖို့နီးစပ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
