ဒီတစ်ခါ မှာတော့ ဇူလိုင်လ ၂၄ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဟယ်ရီကိန်းကို လုပ်ခလစာ အများအပြား ပေးချေသွားမယ့် ဘေယန်မြူးနစ်
ဘေယန်မြူးနစ်ဟာ တော့တင်ဟမ်ဟော့စပါး တိုက်စစ်မှူး ဟယ်ရီကိန်းကို ခေါ်ယူနိုင်ခဲ့မယ် ဆိုရင် ဒီကစားသမားကို (၄) နှစ် စာချုပ်နဲ့ အတူ အသင်းရဲ့ လုပ်ခ အများဆုံး ကစားသမားတွေ ထဲက တစ်ယောက် ဖြစ်လာအောင် ဖန်တီးပေးသွားမယ်လို့ သိရပါတယ်။
လက်ရှိအချိန်မှာ ဒီကစားသမားကို ခေါ်ယူနိုင်ဖို့ အတွက် ဘွန်ဒက်စ်လီဂါ ကလပ် ဘေယန်မြူးနစ်တို့ ကလပ် စံချိန်တင် ပြောင်းရွှေ့ကြေးကို အသုံးပြုရဖွယ် ရှိပြီး စပါးနဲ့ ပြောင်းရွှေ့ကြေး သဘောတူညီမှု ရရှိဖို့ ခက်ခဲနေဆဲပါ။ ဒါ့အပြင် ဘွန်ဒက်စ်လီဂါ ကလပ်က ဟယ်ရီကိန်း ကိုလည်း တစ်နှစ်လုပ်ခ ယူရိုသန်း (၂၀) ကျော် ပေးချေသွားဖို့ ပြင်ဆင်ထားပါတယ်။ ဒါဟာ အသက် (၃၀) ပြည့်တော့မယ့် ဟယ်ရီကိန်း အတွက်လည်း မက်လောက်စရာ ကမ်းလှမ်းမှု တစ်ခု ဖြစ်ပါတယ်။
လက်ရှိမှာ ဆော်ဒီအာရေဗျ ကလပ် အယ်လ်ဟီလာကို ဟယ်ရီကိန်းကို စိတ်ဝင်စားလာခဲ့ပေမယ့် ဘေယန်မြူးနစ် ကသာ ဟယ်ရီကိန်း အတွက် ဦးစားပေး ရွေးချယ်မှု အဖြစ် ရှိနေဆဲပါ။
ဆီဗီလာ ဂိုးသမားကို ခေါ်ယူဖို့ ဆွေးနွေးနေတဲ့ ဘေယန်မြူးနစ်
ဘွန်ဒက်စ်လီဂါ ကလပ် ဘေယန်မြူးနစ်ဟာ ဆီဗီလာ ဂိုးသမား ယက်ရှင်း ဘွန်နူကို ခေါ်ယူဖို့ အတွက် ဆွေးနွေးမှုတွေ ပြုလုပ်နေကြောင်း သိရပါတယ်။ အဆိုပါ ဂိုးသမားဟာ ပြီးခဲ့တဲ့ (၂၀၂၂) ခုနှစ် ကာတာ ကမ္ဘာ့ဖလားမှာ မော်ရိုကို အတွက် လက်စွမ်းပြနိုင်ခဲ့ပြီးနောက် ဥရောပထိပ်တန်း အသင်းကြီးတွေရဲ့ ပစ်မှတ် ဖြစ်လာခဲ့တာပါ။
လက်ရှိအချိန် မှာတော့ ဆီဗီလာတို့ ဘဏ္ဍာရေး အခြေအနေကြောင့် အသင်းရဲ့ ကစားသမား အများအပြားကို ရောင်းချရမှာ ဖြစ်ပြီး ဘွန်နူ ကလည်း အသင်း ကနေ ထွက်ခွာနိုင်ဖွယ် ရှိပါတယ်။
ဘေယန်မြူးနစ်ဟာ အဓိကဂိုးသမား မန်ဝဲလ် နော်အာကို အစားထိုးနိုင်ဖို့ အတွက် ဘွန်နူကို စိတ်ဝင်စားခဲ့တာ ဖြစ်ပြီး ပီအက်စ်ဂျီ ကလည်း ဒီကစားသမား အတွက် ပြောင်းရွှေ့ကြေး ယူရို (၁၂) သန်းအပြင် အပိုဆုကြေးတွေနဲ့ ကမ်းလှမ်းထားသေးကြောင်း သိရပါတယ်။
စတုဂတ်ကို ပြောင်းရွှေ့ဖို့ သေချာသွားတဲ့ နူဘယ်လ်
သတင်းတွေရဲ့ ဖော်ပြချက်အရ ဘေယန်မြူးနစ် ဂိုးသမား အလက်ဇန်းဒါး နူဘယ်လ်ဟာ စတုဂတ်ကို ပြောင်းရွှေ့တော့မယ်လို့ သိရပါတယ်။ ဘွန်ဒက်စ်လီဂါ ကြယ်ပွင့် ဂိုးသမားဟာ စတုဂတ်နဲ့ ပုဂ္ဂိုလ်ရေးအရ သဘောတူညီမှုတွေ ရရှိခဲ့ပြီး ဘေယန်မြူးနစ်ရဲ့ မိတ်ဆက်ပွဲ အခမ်းအနား ကိုလည်း တက်ရောက်ခဲ့ခြင်း မရှိကြောင်း သိရပါတယ်။
ဒါပေမယ့်လည်း နှစ်သင်းကြားမှာတော့ ဆွေးနွေးစရာတွေ ကျန်ရှိနေဆဲ ဖြစ်ပြီး ဘေယန်မြူးနစ် ကတော့ ကစားသမားကို တရားဝင် အသင်းပြောင်းရွှေ့ခွင့် မပေးထားသေးကြောင်း သတင်းတွေက ဆိုပါတယ်။
ဘေယန်မြူးနစ်ဟာ လက်ရှိနွေရာသီမှာ အသင်းရဲ့ နောက်ထပ် ဂိုးသမား တစ်ယောက် ဖြစ်တဲ့ ယန်း ဆွန်းမား ကိုလည်း အင်တာမီလန်ထံ လက်လွှတ်ခဲ့ပြီး ဖြစ်ပါတယ်။ အဲ့ဒါကြောင့် လက်ရှိအချိန် မှာတော့ ဘွန်ဒက်စ်လီဂါ လက်ရှိ ချန်ပီယံ အသင်းက ဂိုးသမား အသစ် ပြန်လည် ခေါ်ယူဖို့ ဈေးကွက် အတွင်း လှုပ်ရှားနေပြီလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
