ဒီတစ်ခါ မှာတော့ စက်တင်ဘာလ ၂၂ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ရော်နယ်ဒိုနဲ့ မက်ဆီ တို့ကြောင့် စိတ်ခွန်အားရခဲ့တယ် ဆိုတဲ့ ဟယ်ရီကိန်း
ဘွန်ဒက်စ်လီဂါ ကလပ် ဘေယန်မြူးနစ် တိုက်စစ်မှူး ဟယ်ရီကိန်းက ခရစ္စတီယာနို ရော်နယ်ဒိုနဲ့ မက်ဆီ တို့ကြောင့် ကစားသမားဘဝ အတွက် စိတ်ခွန်အားရရှိခဲ့ကြောင်း ဖွင့်ဟခဲ့ပါတယ်။ အဆိုပါ ကစားသမား နှစ်ယောက်ဟာ ဘယ်လွန်ဒေါ စင်မြင့်ထက်မှာ ဆယ်စုနှစ် တစ်ခုအကြာ ရပ်တည်နိုင်ခဲ့ပြီး လက်ရှိအချိန်ထိလည်း သူတို့ရဲ့ သက်ဆိုင်ရာ ကလပ်အသင်းတွေ အတွက် ခြေစွမ်း ပြသနေဆဲ ဖြစ်ပါတယ်။
ဟယ်ရီကိန်းက ရော်နယ်ဒိုနဲ့ မက်ဆီတို့ အပါအဝင် ကစားသမားအချို့က စံနှုန်းတွေကို သတ်မှတ်ခဲ့ကြောင်း၊ ဒါက ကျွန်တော့်ကို စိတ်အားတက်ကြွစေပြီး ဖြစ်နိုင်တယ်လို့ ယုံကြည်နိုင်ခဲ့ကြောင်း၊ ဒီကစားသမားတွေ အခုချိန်အထိ ပုံစံကောင်းပြနေတာကို မြင်ရတာ ကြီးကျယ်ခမ်းနားကြောင်း၊ ကျွန်တော့်ရဲ့ ကစားသမားဘဝ ပထမပိုင်းက ကောင်းမွန်ခဲ့ပြီး ဒုတိယပိုင်းက ပိုမိုကောင်းမွန်နိုင်ကြောင်း ပြောကြားသွားခဲ့ပါတယ်။
ဂျာမနီ လက်ရွေးစင် အသင်း နည်းပြသစ် ဖြစ်လာခဲ့တဲ့ နေဂဲလ်စ်မန်း
ဘွန်ဒက်စ်လီဂါ ကလပ်တွေ ဖြစ်တဲ့ ဘေယန်မြူးနစ်၊ ဟော့ဖန်းဟိမ်း တို့ကို ကိုင်တွယ်ခဲ့ဖူးတဲ့ နည်းပြ ဂျူလီယန် နေဂဲလ်စ်မန်းဟာ ဂျာမနီ လက်ရွေးစင်ရဲ့ နည်းပြသစ် အဖြစ် ခန့်အပ်ခံလိုက်ရပါတယ်။ ဘေဘီ မော်ရင်ဟိုလို့ နာမည်ပြောင်ရထားတဲ့ အဆိုပါ နည်းပြဟာ ပြီးခဲ့တဲ့ ဘောလုံးရာသီ အတွင်း ဘေယန်မြူးနစ် ကနေ ရုတ်တရက် အထုတ်ခံရပြီးနောက် အခုချိန်အထိ အသင်းလက်မဲ့ဖြစ်နေခဲ့တာပါ။
ဒီကာလ အတွင်း နေဂဲလ်စ်မန်းကို ခေါ်ယူဖို့ ချဲလ်ဆီး ဘက်က ချဉ်းကပ်ခဲ့ပေမယ့် အဆင်မပြေခဲ့ဘဲ အခုချိန်မှာတော့ ဂျာမနီ လက်ရွေးစင် နည်းပြ ဖြစ်လာခဲ့တာပါ။
ဂျာမနီ ဘောလုံးအဖွဲ့ချုပ်ဟာ လက်ရွေးစင်ကို ကိုင်တွယ်ပြီး ရလဒ် မကောင်းခဲ့တဲ့ နည်းပြ ဟန်ဆီ ဖလစ်ခ်ကို ထုတ်ပယ်ခဲ့တဲ့နောက် နည်းပြသစ် ရှာဖွေခဲ့ရတာ ဖြစ်ပါတယ်။ အခုချိန်မှာတော့ နေဂဲလ်စ်မန်းလိုမျိုး ဂျာမနီ ဘောလုံးလောကနဲ့ ရင်းနှီးပြီးသား နည်းပြ တစ်ယောက်ကို ခန့်အပ်ခဲ့တာ ဖြစ်ပါတယ်။
စပိန် အမျိုးသမီးအသင်းဘက် ကနေ အားပေးထောက်ခံကြောင်း ဖွင့်ဟလာတဲ့ အလွန်ဆို
ဘွန်ဒက်စ်လီဂါ ကလပ် လေဗာကူဆင်ရဲ့ နည်းပြ ဇာဘီ အလွန်ဆိုက စပိန် လက်ရွေးစင် အမျိုးသမီး အသင်း ကစားသမားတွေ ဘက်ကနေ ထောက်ခံအားပေးကြောင်း ဖွင့်ဟ ပြောကြားလိုက်ပါတယ်။ အလွန်ဆိုဟာ စပိန် လက်ရွေးစင် အသင်းရဲ့ ဂန္တဝင် ကွင်းလယ်လူ တစ်ယောက်လည်း ဖြစ်ပြီး လက်ရှိ စပိန် အမျိုးသမီး လက်ရွေးစင် အသင်းမှာ ဖြစ်ပွားနေတဲ့ ကိစ္စတွေ အတွက် အခုလိုမျိုး ဖွင့်ဟခဲ့တာပါ။
ပြီးခဲ့တဲ့ အမျိုးသမီး ကမ္ဘာ့ဖလား ဗိုလ်လုပွဲ အပြီးမှာ စပိန် ဘောလုံးအဖွဲ့ချုပ် ဥက္ကဌ လူးဝစ် ရူဘီရာလက်စ်က ဟာမိုဆိုကို နှုတ်ခမ်းချင်းတေ့ နမ်းခဲ့တဲ့နောက် ရာထူး ကနေ နှုတ်ထွက်ခဲ့ရပါတယ်။ ဒါ့အပြင် လက်ရှိအချိန်မှာလည်း စပိန် အမျိုးသမီး လက်ရွေးစင် အသင်းမှာ အသင်းတွင်း စုံစမ်းစစ်ဆေးမှုတွေ ရှိနေပြီး စပိန်အမျိုးသမီး ဘောလုံးလောက အတွက် ဂယက် ရိုက်ခတ်နေတာပါ။
အလွန်ဆို ကတော့ စပိန် ကစားသမားတွေဟာ သူတို့ရဲ့ အခွင့်အရေးနဲ့ အမှန်တရား အတွက် တိုက်ပွဲဝင်ခဲ့ကြောင်း၊ စပိန် ဘောလုံးအဖွဲ့ချုပ် အတွင်းမှာ အရေးပါတဲ့ အပြောင်းအလဲတွေကို ပြုလုပ်လုနီးပါး ဖြစ်ခဲ့ကြောင်း၊ ဒီအတွက် သူတို့ အားလုံးကို ထောက်ခံအားပေးပါကြောင်း ဖွင့်ဟ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
