ဘေယန်မြူးနစ်ကို မပြောင်းရွှေ့တော့ပဲ မန်စီးတီးမှာ ဆက်နေဖို့ ဆုံးဖြတ်ခဲ့တဲ့ ဝေါ်လ်ကာ (ဘွန်ဒက်စ်လီဂါ သတင်းများ)

ဒီတစ်ခါ မှာတော့ ဩဂုတ်လ ၁၀ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

ဘေယန်မြူးနစ်ကို မပြောင်းရွှေ့တော့ပဲ မန်စီးတီးမှာ ဆက်နေဖို့ ဆုံးဖြတ်ခဲ့တဲ့ ဝေါ်လ်ကာ 

ဘေယန်မြူးနစ်က ခေါ်ယူဖို့ စိတ်ဝင်စားနေတဲ့ မန်ချက်စတာစီးတီး ညာနောက်ခံလူ ကိုင်လ် ဝေါ်လ်ကာဟာ အသင်း မှာပဲ ဆက်နေဖို့ ဆုံးဖြတ်လိုက်ကြောင်း သိရပါတယ်။ အဆိုပါ အင်္ဂလန် လူမျိုး ညာနောက်ခံလူကို ဘွန်ဒက်စ်လီဂါ ကလပ် ဘက်က လက်ရှိနွေရာသီမှာ အရခေါ်ယူဖို့ ပစ်မှတ်ထားနေခဲ့တာပါ။ 

ကစားသမားနဲ့ ဘေယန်မြူးနစ် အကြားမှာလည်း ပုဂ္ဂိုလ်ရေးအရ သဘောတူညီမှုတွေ ရှိထားပြီးသည့်တိုင် မန်စီးတီး နည်းပြ ပက်ပ်ဂွါဒီယိုလာနဲ့ ဝေါ်လ်ကာတို့ ဆွေးနွေးမှုတွေ ပြုလုပ်ပြီးတဲ့နောက် ဝေါ်လ်ကာက စိတ်ပြောင်းသွားခဲ့တာ ဖြစ်ပါတယ်။ 

လက်ရှိအချိန် မှာတော့ ဝေါ်လ်ကာကို မန်စီးတီးတို့ စာချုပ်သစ် ကမ်းလှမ်းသွားဖွယ် ရှိနေပြီး တစ်ဖက် မှာလည်း မန်စီးတီးက ဝေါ်လ်ကာ အတွက် ကမ်းလှမ်းမှုတွေကို ဆက်လက် နားစွင့်သွားမယ်လို့ သိရပါတယ်။ မန်စီးတီး ကမ်းလှမ်းမယ့် စာချုပ်သစ် ကလည်း ဘေယန်မြူးနစ်ထက် ပိုမို သာလွန်နေတာကြောင့် ဝေါ်လ်ကာ တစ်ယောက် အင်္ဂလန်မှာပဲ ဆက်ရှိနေဖို့ ရာခိုင်နှုန်းများနေပါတယ်။ 

တာဗာရက်စ်ကို ခေါ်ယူဖို့ ဘွန်ဒက်စ်လီဂါ ကလပ်တွေ စိတ်ဝင်စားနေ 

ဘွန်ဒက်စ်လီဂါ ကလပ်တွေ ဖြစ်တဲ့ ဝါဒါဘရီမင်နဲ့ ဝုဖ်ဘတ် တို့ဟာ အာဆင်နယ်ရဲ့ ဘယ်နောက်ခံလူ နူနို တာဗာရက်စ်ကို ခေါ်ယူဖို့အတွက် စိတ်ဝင်စားနေကြောင်း သိရပါတယ်။ 

အသက် (၂၃) နှစ် အရွယ် ဒီကစားသမားဟာ ပြီးခဲ့တဲ့ ဘောလုံးရာသီ ကလည်း မာဆေးလ်ကို အငှားနဲ့ ထွက်ကစားခဲ့ရပြီး လက်ရှိနွေရာသီ မှာတော့ အသင်း ကနေ အပြီးသတ် ထွက်ခွာဖို့ ပြင်ဆင်နေတာပါ။ တာဗာရက်စ် အတွက်တော့ အာဆင်နယ် ဘက်က ပြောင်းရွှေ့ကြေး ပေါင် (၁၃) သန်း သတ်မှတ်ထားပြီး ဝါဒါဘရီမင်နဲ့ ဝုဖ်ဘတ် တို့ကလည်း တာဗာရက်စ် အတွက် အပြိုင် ကြိုးစားနေကြပါတယ်။ 

ကစားသမား ကိုယ်တိုင်က အသင်း ကနေ ထွက်ချင်နေသလို အာဆင်နယ် ဘက်ကလည်း ရောင်းချသွားဖို့ အဆင်သင့်ရှိနေပေမယ့် တာဗာရက်စ်ရဲ့ အေးဂျင့် ကတော့ ကစားသမား အနေနဲ့ အာဆင်နယ်မှာ ဆက်ကစားဖို့ ဆန္ဒရှိနေကြောင်း ပြောကြားထားပါတယ်။ 

အင်တာမီလန်ကို တရားဝင် ပြောင်းရွှေ့သွားခဲ့တဲ့ ဘေယန်မြူးနစ် ဂိုးသမား 

ဘေယန်မြူးနစ် ဂိုးသမား ယန်း ဆွမ်မားဟာ အင်တာမီလန်ကို အပြီးသတ် ပြောင်းရွှေ့သွားခဲ့ပြီ ဖြစ်ကြောင်း သိရပါတယ်။ အဆိုပါ ဆွစ်ဇာလန် ဝါရင့် ဂိုးသမားကြီးကို ခေါ်ယူဖို့ အတွက် အင်တာမီလန်တို့ လက်ရှိနွေရာသီ အပြောင်းအရွှေ့ တစ်လျှောက်လုံး ကြိုးစားခဲ့ပါတယ်။ 

ဘွန်ဒက်စ်လီဂါ လက်ရှိချန်ပီယံ ဘေယန်မြူးနစ်ရဲ့ ဂိုးသမား ယန်း ဆွမ်မား ကလည်း အင်တာမီလန်ကို လိုလိုလားလားနဲ့ ပြောင်းရွှေ့ဖို့ အကြို သဘောတူညီမှု ရယူခဲ့ပါတယ်။ အခုချိန်မှာတော့ အင်တာမီလန် ဘက်က အပြောင်းအရွှေ့ကို တရားဝင် ကြေညာခဲ့ပြီး ဆွမ်မား အနေနဲ့ အင်တာမီလန်နဲ့ (၃) နှစ် သက်တမ်းရှိ စာချုပ်တစ်ရပ်ကို ချုပ်ဆိုသွားမှာ ဖြစ်ပါတယ်။ 

လက်ရှိနွေရာသီမှာ ဆမ်မီ ဟန်ဒါနိုဗစ်၊ အန်ဒရီ အိုနာနာ တို့ကို လက်လွှတ်ထားတဲ့ အင်တာမီလန်ဟာ ဆွမ်မားကို လာမယ့် ဘောလုံးရာသီ အတွက် အသင်းရဲ့ နံပါတ် (၁) ဂိုးသမား အဖြစ် သတ်မှတ်ထားပါတယ်

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.