ဒီတစ်ခါ မှာတော့ ဩဂုတ်လ ၁၀ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဝက်ဂ်ဟော့စ်ကို တစ်ရာသီ အငှားနဲ့ ခေါ်ယူလိုက်တဲ့ ဟော့ဖန်ဟိမ်း
ဘွန်ဒက်စ်လီဂါ ကလပ် ဟော့ဖန်ဟိမ်းဟာ ဘန်လေ တိုက်စစ်မှူး ဝတ် ဝက်ဂ်ဟော့စ်ကို တစ်ရာသီ အငှားစာချုပ်နဲ့ ခေါ်ယူလိုက်ပြီ ဖြစ်ကြောင်း သိရပါတယ်။
အသက် (၃၁) နှစ် အရွယ် ဒီတိုက်စစ်မှူးဟာ ပြီးခဲ့တဲ့ ဘောလုံးရာသီမှာလည်း ဥရောပထိပ်တန်း ကလပ် မန်ချက်စတာယူနိုက်တက်မှာ ရာသီဝက် အငှားနဲ့ သွားရောက် ကစားခဲ့ပါသေးတယ်။ ဒါပေမယ့်လည်း နယ်သာလန် တိုက်စစ်မှူးကြီးက ယူနိုက်တက်မှာ ခြေစွမ်းမပြနိုင်ခဲ့ဘဲ ယူနိုက်တက် ကလည်း သူ့ကို အပြီးသတ် မခေါ်ယူဖို့ ဆုံးဖြတ်ခဲ့တာကြောင့် ဘန်လေကို ပြန်သွားခဲ့ရပါတယ်။
အခုချိန်မှာတော့ ဟော့ဖန်ဟိမ်းက ဝက်ဟော့စ်ကို အငှားနဲ့ ခေါ်ယူဖို့ သဘောတူညီမှု ရရှိခဲ့ပြီး ကစားသမား ကိုယ်တိုင် ကလည်း ဂျာမနီမြေမှာ သွားရောက်ကစားဖို့ ဆန္ဒရှိနေပါတယ်။ ဝက်ဂ်ဟော့စ်ဟာ ပြီးခဲ့တဲ့ (၂၀၂၂) ခုနှစ်၊ ဇန်နဝါရီ အပြောင်းအရွှေ့မှာ ဘန်လေကို ပြောင်းရွှေ့ကြေး ပေါင် (၁၂) သန်းနဲ့ ပြောင်းရွှေ့ ရောက်ရှိလာခဲ့တဲ့ ကစားသမား ဖြစ်ပြီး ဟော့ဖန်ဟိမ်းမှာ ကျောနံပါတ် (၁၀) ကို ဝတ်ဆင်သွားမှာပါ။
ချဲလ်ဆီး ဂိုးသမား ကိုပါ ပစ်မှတ်ထားလာတဲ့ ဘေယန်မြူးနစ်
လက်ရှိ နွေရာသီ အပြောင်းအရွှေ့မှာ ဘေယန်မြူးနစ်တို့ ဗဟိုတိုက်စစ်မှူး နေရာ အတွက် ဟယ်ရီကိန်းကို ခေါ်ယူဖို့ ပြင်ဆင်နေတဲ့ အပြင် ဂိုးသမားနေရာကို အားဖြည့်ဖို့လည်း လိုအပ်နေတာပါ။
ဘွန်ဒက်စ်လီဂါ ထိပ်သီး ကလပ်ဟာ အဓိက ဂိုးသမားကြီး မန်ဝဲလ် နော်အာရဲ့ နေရာကို ရေရှည် အစားထိုးဖို့ အပြင် အရန်ဂိုးသမား ဆွမ်မား ကိုလည်း လက်လွှတ်ခဲ့ရတာကြောင့် ဒီလိုမျိုး ဂိုးသမားသစ် ရှာဖွေနေတာပါ။ ဘေယန်မြူးနစ် အနေနဲ့ ဘရန့်ဖို့ဒ် ဂိုးသမား ဒါးဗစ် ရာယာကို ခေါ်ယူဖို့လည်း ကြိုးစားခဲ့ပေမယ့် အဆိုပါ ဂိုးသမား ကတော့ အာဆင်နယ် ကိုသာ ပြောင်းရွှေ့သွားခဲ့တာကြောင့် ကီပါကို ပြောင်းလဲ ပစ်မှတ်ထားလာတာ ဖြစ်ပါတယ်။
ဟယ်ရီကိန်း အတွက် ပေါင် (၉၄) သန်း အထိ ပေးချေဖို့ ပြင်ဆင်လိုက်တဲ့ ဘေယန်မြူးနစ်
ဘွန်ဒက်စ်လီဂါရဲ့ လက်ရှိ ချန်ပီယံ ဘေယန်မြူးနစ်ဟာ တော့တင်ဟမ်ဟော့စပါး တိုက်စစ်မှူး ဟယ်ရီကိန်း အတွက် ပြောင်းရွှေ့ကြေး ပေါင် (၉၄) သန်း အထိ တိုးမြှင့် ကမ်းလှမ်းဖို့ ပြင်ဆင်လိုက်ကြောင်း သိရပါတယ်။
ဘေယန်မြူးနစ်ဟာ လက်ရှိနွေရာသီမှာ ဟယ်ရီကိန်းကို အရခေါ်ယူဖို့ ပစ်မှတ်ထားနေပြီး နောက်ဆုံး ကမ်းလှမ်းခဲ့တဲ့ ပြောင်းရွှေ့ကြေး ပမာဏ ကတော့ ပေါင် (၈၆) သန်းပါ။ ဒါပေမယ့် အဆိုပါ ကမ်းလှမ်းမှု အပါအဝင် ဘေယန်မြူးနစ်ရဲ့ ကမ်းလှမ်းမှု (၃) ကြိမ် အထိကို စပါး ဘက်က ငြင်းဆန် ပယ်ချခဲ့ပြီး ဟယ်ရီကိန်းကို ရောင်းချဖို့ တင်းခံနေဆဲပါ။ မြူးနစ် မြို့ခံ ကလပ် ကလည်း ဟယ်ရီကိန်း အတွက် လက်လျှော့သွားခြင်း မရှိဘဲ အခုချိန်မှာတော့ လေးကြိမ်မြောက် ကမ်းလှမ်းမှု အဖြစ် ပြောင်းရွှေ့ကြေး ပေါင် (၉၄) သန်းနဲ့ ခေါ်ယူဖို့ ပြင်ဆင်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
