ဘွန်ဒက်စ်လီဂါမှာ ထင်တိုင်းကြဲပြနေတဲ့ ဇာဘီ အလွန်ဆိုရဲ့ အနာဂတ်က တဖြည်းဖြည်းနဲ့ ပိုမိုလှုပ်ခတ်ပြီး စိတ်ဝင်စားစရာ ကောင်းလာပါတယ်။
ဇာဘီ အလွန်ဆိုရဲ့ အသင်းက လက်ရှိ အချိန်ထိ ဘွန်ဒက်စ်လီဂါ ၇ ပွဲ ကစားပြီး ၆ ပွဲနိုင်၊ ၁ ပွဲသရေ၊ ရှုံးပွဲ မရှိသေးသလို သွင်းဂိုး ၂၃ ဂိုး ထိရထားပြီး ပေးဂိုး ကတော့ ၆ ဂိုးသာ ရှိပါတယ်။ ယူရိုပါလိဂ် မှာလည်း လေဗာကူဆင် တို့ရဲ့ စွမ်းဆောင်ရည်က အံ့မခန်းပါပဲ။ ၂ ပွဲ ကစား၊ ၂ ပွဲနိုင်၊ ရဂိုး ၆ ဂိုး ပေးဂိုး ၁ ဂိုးနဲ့ စောစောစီးစီး ရှုံးထွက်တက်ဖို့တောင် အခြေအနေကောင်းနေတယ်လို့ ပြောလို့ ရပါတယ်။
သတင်းတွေအရဆိုရင် အလွန်ဆိုက လာမယ့် (၂၀၂၄) ခုနှစ်မှာ လာလီဂါ ကလပ် ရီးရဲလ်မက်ဒရစ်ကို သေချာပေါက် ပြန်ရောက်မယ် လို့တောင် တွက်ဆလို့ ရနေပါတယ်။ ဒါပေမယ့် လက်တလော မှာတော့ ဒီသတင်းတွေ ကိုတော့ ဘွန်ဒက်စ်လီဂါ ကလပ် ဘက်ကရော၊ ကံယာကံရှင် ကိုယ်တိုင် ကပါ ငြင်းဆန်ထားပါတယ်။ လေဗာကူဆင် အတွက်တော့ အလွန်ဆိုက တော်တော်လေးကို အားကိုးရတဲ့ နည်းပြ တစ်ဦးပါ။ သူ့ကို ခန့်လိုက်ချိန်မှာတောင် ရာနှုန်းပြည့် ယုံကြည်ကိုးစားထားတာမျိုး ရှိချင်မှ ရှိပါလိမ့်မယ်။
ဒါပေမယ့် တစ်နှစ်အတွင်းမှာတင် အလွန်ဆိုရဲ့ အသင်းက နတ်ရေကန်ထဲ ပစ်ချလိုက်သလို လုံးလုံးလျားလျား ပြောင်းလဲသွားခဲ့ပါတယ်။ သူ မရောက်ခင်က တန်းဆင်းရမလို ဖြစ်နေတဲ့ အသင်း၊ အခုချိန်မှာတော့ ချန်ပီယံလိဂ် ကန်နေပြီ၊ ဘွန်ဒက်စ်လီဂါမှာ တစ်ကောင်းတည်း ပြေးနေတဲ့ ဘေယန်မြူးနစ် ကိုပါ ပခုံးချင်း ယှဉ်တိုက်နိုင်စွမ်း ရှိနေပါပြီ။
အလွန်ဆိုဟာ လစ်ဗာပူးလ်နဲ့ နာမည်ကျော်ခဲ့သူ၊ နောက်ဆုံး မှာတော့ ရီးရဲလ်မက်ဒရစ် ဒီအင်န်အေ ဝင်သွားတဲ့သူ တစ်ယောက် ဖြစ်နေပါတယ်။ ရီးရဲလ်မက်ဒရစ်က ဇီဒန်းနဲ့ အတူ ချန်ပီယံလိဂ်ဖလားကို (၃) နှစ်ဆက် ယူပြခဲ့ဖူးတဲ့ အသင်းတစ်သင်းပါ။ ဒီတော့ ဒီလိုမျိုး ဒဏ္ဍာရီပုံပြင်ကို အလွန်ဆိုနဲ့အတူ ပြန်လည် အသက်သွင်းဖို့ ရီးရဲလ်မက်ဒရစ်က ဆန္ဒရှိနေပါလိမ့်မယ်။
ဒါက သေချာတဲ့ ကိစ္စပါ။ လေဗာကူဆင် အကြီးအကဲ ကတော့ “လွန်ခဲ့တဲ့ ရက်သတ္တပတ် အနည်းငယ်ကမှ သူက အသင်းနဲ့ စာချုပ်သက်တမ်းတိုးပြီး ကျွန်တော်တို့ကို ကတိပေးခဲ့တာပါ။ သူ့အနေနဲ့လည်း ဘာမှပြောစရာမရှိပါဘူး။ စာချုပ်သက်တမ်းတိုးထားတယ်၊ အခု ဒီအသင်းကိုပဲ အပြည့်အဝ အာရုံစိုက်ထားပါတယ်” လို့ ရှင်းနေရပါတယ်။
အလွန်ဆိုကိုယ်တိုင်ကလည်း “ဒီအကြောင်းကို ပြောဖို့က အရမ်းစောလွန်းပါသေးတယ်။ အခုမှ စက်တင်ဘာပဲ ရှိသေးတာပါ။ ဒီတော့ ဒါက ဆွေးနွေးရမယ့်ကိစ္စမဟုတ်ပါဘူး။ ကစားသမားတွေရော၊ ကျွန်တော်တို့ရော ဒါတွေ ဘယ်လို အလုပ်လုပ်လဲ ဆိုတာကို သိပါတယ်။ ဘယ်သူ့ အတွက်မှ ပြဿနာ မရှိသလို ဘာမှလည်း မပြောဖြစ်ပါဘူး” လို့ ဆိုပါတယ်။
ဒါပေမယ့် ရီးရဲလ်မက်ဒရစ်ရဲ့ လက်ရှိ နည်းပြကြီး ကာလို အန်ဆယ်လော့တီ ကိုယ်တိုင်ကလည်း အလွန်ဆိုကို သူ့နေရာ ဝင်နိုင်မယ့်သူ အဖြစ် ရည်ရွယ်ထားပါတယ်။ ဒါကိုလည်း ထုတ်ပြောပြီးသားပါ။ အခု ဒီရာသီက အန်ဆယ်လော့တီနဲ့ ရီးရဲလ်မက်ဒရစ် တို့ရဲ့ နောက်ဆုံးရာသီပါ။
ရီးရဲလ်မက်ဒရစ်က နည်းပြ အခြေပြု မဟုတ်ဘဲ ကစားသမား အခြေပြုပါ။ ဆိုလိုရင်းက လက်ရှိ အသင်းကို လူငယ်တွေနဲ့ တည်ထားတယ်၊ ကြယ်ပွင့်တွေလည်း ထပ်ပြီး အားဖြည့်ပေးဦးမယ်၊ ဒါပေမယ့် အသင်းရဲ့ လက်ရှိ အထိုင်ကို မဖျက်ဘဲ တာဝန်ယူနိုင်မယ့် နည်းပြမျိုး၊ အသင်းရဲ့ ထုံးစံကို ကောင်းကောင်း သိတဲ့ နည်းပြမျိုးကိုပဲ လိုချငတာပါ။
ဒီအတွက် အလွန်ဆိုက အကိုက်ညီဆုံးပါ။ အခုချိန်မှာတော့ လေဗာကူဆင်ဘက်ကရော၊ အလွန်ဆို ဘက်ကရော ငြင်းနေကြပါတယ်။ ဒါပေမယ့် ဒါတွေကို ပီရက်ဇ် တစ်ယောက် ခပ်ပြုံးပြုံးနဲ့ပဲ ထိုင်ကြည့်နေမှာပါ။ သူတို့ အလွန်ဆို အတွက် တစ်နေရာ ပြင်ဆင်ထားပြီးသား ဆိုတာ ပြောစရာတောင် လိုမယ် မထင်ပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
