ဒီရာသီ ချန်ပီယံလိဂ် ကန်နေတဲ့ ဘွန်ဒက်စ်လီဂါ အသင်းတွေ ထဲမှာ ဒေါ့မန်တို့ မျက်နှာငယ်နေရတာက အထွေအထူး ပြောစရာတော့ မလိုပါဘူး။ ရာသီအစကတည်းက အသင်း ရလဒ်ပိုင်း အရမ်း မဆိုးပေမယ့် နည်းပြ အီဒင် တာဇစ်နဲ့ ဘုတ်အဖွဲ့၊ ပရိသတ်တွေ အကြား ပြဿနာတွေက အသင်းကို စိတ်ပျက်စရာ ဖြစ်စေခဲ့ပါတယ်။
လက်ရှိအသင်း လူစာရင်းက ဘွန်ဒက်စ်လီဂါ မှာတောင် တူတူတန်တန် အင်အားမရှိဘူးလို့ ပြောရင် လွန်မယ် မထင်ပါဘူး။ ဒီတော့ အခု ချန်ပီယံလိဂ်မှာ နှစ်ပွဲကန်ပြီးချိန်မှာ တစ်ဂိုးမှ မရသေးဘဲ တစ်ပွဲ သရေ၊ တစ်ပွဲ ရှုံးခဲ့တာက အထူးအဆန်းတော့ မဟုတ်ပါဘူး။ နောက်တစ်ပွဲက နယူးကာဆယ်နဲ့ပါ။
နယူးကာဆယ် ဆိုတာ ကလည်း မနေ့ညက ပီအက်စ်ဂျီကို ၄-၁ ဂိုးနဲ့ ဂိုးပြတ် နှိပ်ကွပ်ခဲ့တဲ့ အသင်းပါ။ သူတို့ အုပ်စုမှာ ဘယ်သူက သာတယ် ဆိုတာမျိုး မရှိလှပေမယ့် ပီအက်စ်ဂျီက ခေါင်းတစ်လုံးသာပြီးသား အသင်း ဖြစ်ပါတယ်။
ဒီလို အသင်းမျိုးကို ဂိုးပြတ် ရှုံးသွားတဲ့ ပီအက်စ်ဂျီကို ဒေါ့မန်တို့ မနိုင်ခဲ့ပါဘူး။ လာမယ့်ပွဲမှာ ကလည်း ခြေစွာနေတဲ့ နယူးကာဆယ်နဲ့ ရင်ဆိုင်ရမှာ ဆိုတော့ ဒေါ့မန် အတွက် ခက်လှပြီလို့ပဲ ပြောရမှာပါ။ မနေ့ညက ပွဲမှာ အသင်းက ကစားပုံ မဆိုးပေမယ့် လိုအပ်နေတဲ့ သွင်းဂိုးကို မရယူနိုင်ခဲ့ပါဘူး။
ပြိုင်ဘက် ဂိုးသမား ကောင်းတာလည်း ပါပေမယ့် အသင်းကို ဆုံးဖြတ်ပေးနိုင်တဲ့ ကစားသမား မရှိပါဘူး။ မာကို ရိုက်စ်ကလည်း အသက်ကြီးနေပါပြီ၊ အရည်အသွေးမြင့်တဲ့ တက်သစ်စ ကြယ်ပွင့်တွေ ရှိပေမယ့် သူတို့ကို တွဲခေါ်ပေးဖို့ ဒေါင်ဒေါင်မြည် ကစားသမားတွေ လိုအပ်ပါတယ်။ အဓိက ကတော့ အသင်း ခက်ခဲနေချိန်၊ ရေကြီးနေချိန်မှာ ကယ်တင်ပေးမယ့် ကစားသမားမျိုးတွေ လိုအပ်နေတာ ဖြစ်ပါတယ်။
ဒါပေမယ့် ဒီအရာတွေ အားလုံးမှာ လိုအပ်ချက် ရှိခဲ့ပြီး ဒေါ့မန် အတွက် ရုန်းကန်ရတဲ့ ရာသီ တစ်ခုပဲ ဖြစ်လာမှာပါ။ ဘွန်ဒက်စ်လီဂါမှာ ဆိုရင်လည်း ရှုံးပွဲ မရှိသေးတာကို လက်ခံရပါမယ်။ (၆) ပွဲမှာ (၄) ပွဲနိုင်၊ (၂) ပွဲ သရေကျခဲ့ပြီး ရှုံးပွဲ မရှိအောင် စွမ်းဆောင်ထားပါတယ်။
အခုလိုမျိုး စွမ်းဆောင်ထားတယ် ဆိုပြီးတော့ရော ဒေါ့မန်ကို ဘယ်သူက Highly Rated လုပ်ထားတာမျိုး ရှိခဲ့လို့လဲ။ အခု ချန်ပီယံလိဂ်မှာ မြင်တွေ့နေရတဲ့ မြင်ကွင်းက ဒါပါပဲ။ ချန်ပီယံလိဂ်မှာ ပွဲစဉ်တိုင်းက Intense ဖြစ်တယ်၊ အရေးကြီးတယ်၊ ဒီအနေအထားတွေ၊ အခြေအနေတွေကို ဒေါ့မန်မှာ ကျော်ဖြတ်နိုင်စွမ်း မရှိပါဘူး။
လာမယ့်ပွဲက စိတ်ဓာတ်တက်ကြွနေတဲ့ နယူးကာဆယ်နဲ့ပါ။ တစ်ပွဲတည်း ကန်ရမှာ မဟုတ်ဘဲ နယူးကာဆယ်နဲ့ ချည်းပဲ အိမ်ကွင်း၊ အဝေးကွင်း နှစ်ပွဲ ဆက်တိုက် ချန်ပီယံလိဂ်မှာ ကန်ရမှာပါ။ လက်ရှိ အခြေအနေတွေကို အလှည့်အပြောင်း လုပ်ချင်ရင် ဒီနှစ်ပွဲက ဒေါ့မန် အတွက် Turning Point ဖြစ်ဖို့ လိုအပ်ပါတယ်။
အဲ့ဒီလိုမှ မဟုတ်ရင်တော့ အုပ်စုကျော်ဖို့ ဆိုတာ ဝေး၊ ယူရိုပါလိဂ် ဘက်ကိုတောင် ခုန်ခွင့်ရှိမှာ မဟုတ်ပါဘူး။ အခန့်မသင့်လို့ ဆက်တိုက် ရလဒ်ဆိုးသွားရင် ဒေါ့မန်တို့ ဥရောပ ခရီးကြမ်းနဲ့ အတူ မျှော်လင့်ချက်တွေ စောစောစီးစီး အဆုံးသတ်သွားနိုင်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
