ချဲလ်ဆီး – ခရစ္စတယ်ပဲလေ့စ်
တနင်္ဂနွေနေ့မှာ ကစားမယ့် ချဲလ်ဆီးနဲ့ ခရစ္စတယ်ပဲလေ့စ်တို့ရဲ့ အက်ဖ်အေဖလား ဆီမီးဖိုင်နယ် ပွဲစဉ် ကလည်း အကြိတ်အနယ် ရှိတဲ့ စိတ်ဝင်စားစရာ ပွဲကောင်းတစ်ပွဲ ဖြစ်လာဦးမှာပါ။ နည်းပြ ပက်ထရစ်ဗီအဲရာ လက်အောက်မှာ တောင့်တင်းတဲ့ လူစာရင်းနဲ့ ရလဒ်တွေ ကောင်းနေတဲ့ ပဲလေ့စ်တို့ အစဉ်အလာအရ ထိပ်တိုက်တွေ့ဆုံချိန်တိုင်းမှာ အသာမရခဲ့တဲ့ ချဲလ်ဆီးကို ဘယ်လောက်အထိ ဒုက္ခပေးနိုင်ဦးမလဲ ဆိုတာ စောင့်ကြည့်ရမှာ ဖြစ်ပါတယ်။
ရီးရဲယ်မက်ဒရစ်ကို ရှုံးနိမ့်ပြီး ချန်ပီယံလိဂ် ကနေ ပူပူနွေးနွေး ထွက်ခွာထားရတဲ့ ချဲလ်ဆီးတို့ ဒီရာသီ ဖလားလက်မဲ့ မဖြစ်ဖို့ အတွက် ဆိုရင်တော့ အက်ဖ်အေဖလား တစ်ခုပဲ မျှော်လင့်ချက် ကျန်ရှိပါတော့တယ်။ ပရီးမီးယားလိဂ် မှာလည်း ထိပ်ဆုံးက မန်စီးတီး၊ လစ်ဗာပူးလ် တို့နဲ့ ရမှတ် တော်တော်လေး ကွာဟနေလို့ ချန်ပီယံ ဖြစ်ရေး မျှော်လင့်ချက် ကုန်ဆုံးခဲ့တာ ကြာပါပြီ။ ဒါကြောင့် အက်ဖ်အေဖလား တစ်ခုတည်းကို အာရုံစိုက်ရတော့မယ့် ချဲလ်ဆီးတို့ ဘယ်လိုမှ အမှားခံမှာတော့ မဟုတ်ပါဘူး။ ချဲလ်ဆီးဟာ အက်ဖ်အေဖလား ပြိုင်ပွဲရဲ့ အအောင်မြင်ဆုံး အသင်းတွေထဲက တစ်သင်း ဖြစ်ပြီး ၂၀၁၈ ခုနှစ်က နောက်ဆုံး အကြိမ် ချန်ပီယံ ဖြစ်ထားသလို ပြီးခဲ့တဲ့ နှစ်နှစ်ဆက် ဗိုလ်လုပွဲ တက်ထားပါတယ်။ လက်ရှိ ခြေစွမ်းပိုင်း အရ ကြည့်မယ် ဆိုရင်တော့ သောမက်စ်တူချယ်ရဲ့ အသင်းဟာ နေရာစုံမှာ အားနည်းချက် မရှိသလောက် နည်းနေပါတယ်။ ကိုင်ဟာဗက်ဇ် ဂိုးသွင်းခြေ ပြန်ကျသွားချိန်မှာ တီမိုဗာနာနဲ့ မောင့်တို့ ဂိုးမြူးနေတာကြောင့် တိုက်စစ်ပိုင်း စိတ်ပူစရာ မရှိပေမယ့် မထင်ရင် မထင်သလို ဂိုးပေးရတတ်တဲ့ ခံစစ်ပိုင်း ကတော့ အနည်းငယ် စိတ်ပူစရာ ရှိပါတယ်။ ခရစ္စတယ်ပဲလေ့စ်လို့ တောင်ပံနဲ့ တန်ပြန် တိုက်စစ် အားကောင်းတဲ့ အသင်မျိုးနဲ့ ဆိုရင် ပိုမို သတိထားဖို့ လိုအပ်တဲ့ အခြေအနေ ဖြစ်ပါတယ်။ အခုလာမယ့် ပွဲကိုတော့ ဘာကလီ၊ လူကာကူ၊ အိုဒွိုင်း၊ ဘန်ချေးဝဲလ် တို့ ဒဏ်ရာ ပြသနာတွေကြောင့် သေချာပေါက် လွဲချော်ဖို့ ရှိနေပါတယ်။
ဖြစ်နိုင်ဖွယ် လူစာရင်း – မန်ဒီ၊ ခရစ္စတန်ဆန်၊ ဆေးလ်ဗား၊ ရူဒီဂါ၊ ကိုဗာချစ်၊ ဂျော်ဂျင်ဟို၊ အလွန်ဆို၊ ရိစ်ဂျိမ်းစ်၊ ဟာဗက်ဇ်၊ မောင့်၊ တီမိုဗာနာ
ခရစ္စတယ်ပဲလေ့စ် ကတော့ တောက်လျောက် ရလဒ်တွေ ကောင်းခဲ့ပြီးမှ လက်စတာစီးတီးကို ရှုံးနိမ့်ပြီး ပုံစံကောင်းတစ်ခု ရပ်တန့်ခံထားရပါတယ်။ ပဲလေ့စ်တို့ ပြိုင်ပွဲစုံ နောက်ဆုံး ၁၀ ပွဲမှာ ချဲလ်ဆီးနဲ့ လက်စတာစီးတီးတို့ကိုသာ ရှုံးနိမ့်ပြီး ကျန် ၈ ပွဲမှာ နိုင်ပွဲ ၅ ပွဲအထိ ရှာဖွေထားနိုင်ပါတယ်။ အက်ဖ်အေဖလား ကွာတားဖိုင်နယ် မှာလည်း အဲဗာတန်ကို ၄ ဂိုးပြတ်နဲ့ အနိုင်ယူ ကျော်ဖြတ်လာခဲ့တာ ဖြစ်သလို မန်စီးတီးကို သရေ၊ ဝုဗ်၊ အာဆင်နယ် တို့ကို ဂိုးပြတ် အနိုင်ယူခဲ့တဲ့ ဗီအဲရာရဲ့ အသင်းက လုံးဝ လျှော့တွက်လို့တော့ မရပါဘူး။ ပရီးမီးယားလိဂ် အဆင့် ၈ ပြင်ပက အသင်းတွေထဲမှာ တိုက်စစ် အကောင်းဆုံး အသင်း ဖြစ်ပြီး နောက်ဆုံး ၅ ပွဲမှာ မက်တေးတား၊ ဇာဟာ၊ အာယူးတို့ ဦးဆောင်တဲ့ တိုက်စစ်က တစ်ပွဲကို ပျမ်းမျှ ၂ ဂိုးနှုန်း သွင်းယူထားနိုင်ပါတယ်။ ၂၀၁၆ ခုနှစ်က နောက်ဆုံး အကြိမ် ဗိုလ်လုပွဲ တက်ထားတာကလွဲရင် တစ်ကြိမ် တစ်ခါမှ အောင်မြင်ထားခြင်း မရှိတဲ့ ပဲလေ့စ်တို့ အာဆင်နယ်နဲ့ အက်ဖ်အေဖလား ၃ ကြိမ် ရခဲ့ဖူးတဲ့ ပက်ထရစ်ဗီအဲရာရဲ့ လက်အောက်မှာ ဘယ်လောက် အတိုင်းအတာအထိ ခပ်မြင့်မြင့် ရောက်ရှိနိုင်မလဲ ဆိုတာတော့ စိတ်ဝင်စားစရာပါပဲ။ အခုလာမယ့် ပွဲမှာတော့ တောင်ပံ ကစားသမား အိုလစ် ပြန်လည် ပါဝင်လာနိုင်ဖွယ် ရှိနေတယ်လို့ သိရပြီး ဟူ့ဂျ်နဲ့ ဖာဂူဆန် တို့လည်း ဒဏ်ရာက ပြန်လည် သက်သာနေပြီလို့ သိရပါတယ်။ ဒါကြောင့် ပက်ထရစ် ဗီအဲရာ အနေနဲ့ အကောင်းဆုံး ဗျူဟာ၊ အတောင့်တင်းဆုံး လူစာရင်းနဲ့ ချဲလ်ဆီးကို ရင်ဆိုင်နိုင်ဖို့ ရှိနေပါတယ်။
ဖြစ်နိုင်ဖွယ် လူစာရင်း – ဂိုက်တာ၊ အန်ဒါဆန်၊ ဂေးဟ်၊ မစ်ချဲလ်၊ ကလိုင်း၊ ကိုယာတေး၊ ရှလက်ပ်၊ ဂယ်လက်ဂါ၊ အာယူး၊ မက်တေးတား၊ ဇာဟာ
ထိပ်တိုက်တွေ့ဆုံမှုနဲ့ သမိုင်းကြောင်း
ပြီးခဲ့တဲ့ ထိပ်တိုက်တွေ့ဆုံမှု ၁၉ ကြိမ်မှာ ချဲလ်ဆီးတို့ ၁၅ ကြိမ် အထိ အနိုင်ရထားပြီး ပဲလေ့စ် ကတော့ ၄ ကြိမ်သာ ပြန်လည် အနိုင်ရထားပါတယ်။ ချဲလ်ဆီးတို့ ပဲလေ့စ်ကို နောက်ဆုံး တွေ့ဆုံမှု ၉ ပွဲဆက် အနိုင်ရထားခဲ့ပြီး ပွဲအများစုမှာ ဂိုးပြတ် အနိုင်ရထားပါတယ်။ ဒီရာသီမှာတော့ ချဲလ်ဆီးတို့ ဗီအဲရာ ကိုင်တွယ်နေတဲ့ ပဲလေ့စ်နဲ့ ၂ ကြိမ် တွေ့ဆုံထားခဲ့ပြီး နှစ်ကြိမ်စလုံးကို အနိုင်ကစားထားပါတယ်။
လောင်းကစားဆိုင်ရာ အကြံပြုချက်များ
SBOTOPရဲ့ 1X2 မှာ ချဲလ်ဆီး အတွက် ၁.၅၆ ဆ၊ ခရစ္စတယ်ပဲလေ့စ် အတွက် ၆.၀၀ ဆ၊ သရေ အတွက် ၃.၇၅ ဆ ကြေးဖွင့်လှစ်ပေးထားပါတယ်။ အထက်မှာ ပြောခဲ့သလိုပဲ ချဲလ်ဆီးတို့ ဆုဖလား လက်မဲ့ ရာသီ ကို မဖြတ်သန်းချင်ဘူး ဆိုရင် အက်ဖ်အေဖလားကို အပြည့်အဝ အာရုံစိုက်ရမှာ ဖြစ်ပါတယ်။ နောက်ပြီး ပဲလေ့စ်ဟာ ချဲလ်ဆီးနဲ့ နောက်ဆုံး တွေ့ဆုံမှု ၉ ကြိမ်စလုံး အရှုံးပေးထားရပါတယ်။ ဒီအချက်တွေကြောင့်ပဲ ချဲလ်ဆီး ဘက်မှာ အခိုင်အမာ ရပ်တည်ထားချင်ပြီး တူချယ်ရဲ့ အသင်းအနေနဲ့ အမှားအယွင်း ကြီးကြီးမားမား မလုပ်ရင် မိနစ် ၉၀ အတွင်းမှာပဲ ဂိုးပြတ် အနိုင်ရသွားနိုင်တဲ့ ပွဲလည်း ဖြစ်ပါတယ်။
ခန့်မှန်းရလဒ် (၃-၁)
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
