ပီအက်စ်ဂျီကို ရောက်ရှိခဲ့ပြီ ဖြစ်တဲ့ အဆန်စီယို (လာလီဂါ သတင်းများ)

ဒီတစ်ခါ မှာတော့ ဇူလိုင်လ ၃ ရက်နေ့ ညနေခင်း အထိ ရရှိထားသမျှ လာလီဂါ သတင်းတွေကို ဖော်ပြပေးသွားမှာ ဖြစ်ပါတယ်။

ပီအက်စ်ဂျီကို ရောက်ရှိခဲ့ပြီ ဖြစ်တဲ့ အဆန်စီယို

ရီးရဲလ်မက်ဒရစ်နဲ့ စာချုပ်သက်တမ်း မတိုးခဲ့တဲ့ စပိန် တောင်ပံ ကစားသမား မာကို အဆန်စီယိုဟာ ပီအက်စ်ဂျီကို အပြီးသတ် ရောက်ရှိခဲ့ပြီ ဖြစ်ပါတယ်။ အဆန်စီယိုက ရီးရဲလ်မှာ ၇ နှစ်ကြာ ကစားခဲ့ပြီး ဖလား ၁၆ လုံး အထိ ဆွတ်ခူးနိုင်ခဲ့သူပါ။ ဒါ့ပေမယ့် အခုတော့ အဆန်စီယိုက ပုံမှန် ကစားခွင့်ရမယ့် အသင်းဆီ ပြောင်းရွှေ့သွားခဲ့တာပါ။

အဆန်စီယိုက လာလီဂါ ကလပ် ကနေ အလွတ်ကြေးနဲ့ ထွက်ခွာခဲ့တာ ဖြစ်ပါတယ်။ ပီအက်စ်ဂျီက ကစားသမားကောင်း တစ်ဦး အတွက် ငွေကြေး တစ်ပြား တစ်ချပ်မှ မကုန်ဘဲ ခေါ်ယူနိုင်ခဲ့တာပါ။ အဆန်စီယိုဟာ ပြင်သစ်မှာ ပုံမှန် ကစားခွင့်ရမယ်လို့ မျှော်လင့်ရပြီး သူ့ရဲ့ စွန့်စားခန်း အသစ်တွေကို စတင်နိုင်တော့မှာလည်း ဖြစ်ပါတယ်။

ရီးရဲလ် ကတော့ စပိန် ကစားသမားကို စာချုပ်သစ်ချုပ်ဖို့ ကြိုးစားခဲ့ပေမယ့် ကစားသမား ဘက်က တောင်းဆိုချက်တွေနဲ့ မကိုက်ညီခဲ့တာကြောင့် လက်လွှတ်ခဲ့ရပါတယ်။ ပီအက်စ်ဂျီဟာ စပိန် နည်းပြဟောင်း လူး၀စ္စ အင်းနရစ်ကို နည်းပြသစ် အဖြစ် ခန့်အပ်ထားကာ အဆန်စီယို အပြင် ကစားသမားသစ် ၅ ဦး အထိ ခေါ်ယူထားပြီး ဖြစ်ပါတယ်။

အင်တာ မိုင်ယာမီကို ပြောင်းရွှေ့တော့မယ့် ယော်ဒီ အယ်လ်ဘာ

ဘာစီလိုနာနဲ့ လမ်းခွဲခဲ့တဲ့ နောက်ခံလူ ယော်ဒီ အယ်လ်ဘာဟာ အင်တာမိုင်ယာမီကို ပြောင်းရွှေ့တော့မယ်လို့ သိရပါတယ်။ အမေရိကန် သတင်းထောက် အမျိုးသမီး တစ်ဦးက ဖော်ပြခဲ့တာဖြစ်ပြီး လီယွန်နယ် မက်ဆီ၊ ဆာဂျီယို ဘူးစကွက်စ် တို့နဲ့ အတူ ကစားမယ်လို့ ဆိုပါတယ်။

အယ်လ်ဘာဟာ ဘာစီလိုနာမှာ နှစ်ပေါင်းများစွာ ကစားပေးခဲ့ပြီး မက်ဆီ၊ ဘူးစကွက်စ် တို့နဲ့လည်း ရင်းနှီးတဲ့ အသင်းဖော်တွေ ဖြစ်ခဲ့ပါတယ်။ သူ့ကိုပါ ခေါ်ယူနိုင်ခဲ့မယ် ဆိုရင် မိုင်ယာမီ ကတော့ မေဂျာလိဂ်ရဲ့ ဘာစီလိုနာ ဖြစ်လာမယ် လို့တောင် ဆိုရမှာ ဖြစ်ပြီး ဘာဆာ ကစားသမားဟောင်းပဲ ဖြစ်တဲ့ ရီကွီပုဂျ်လည်း ရှိနေတာ ဖြစ်ပါတယ်။

ဒေးဗစ် ဘက်ခမ်း ပိုင်ဆိုင်တဲ့ မေဂျာလိဂ် ကလပ်ဟာ လက်ရှိမှာ ရလဒ်တွေ ဆိုးရွားနေပြီး ပလေးအော့ဖ် ကစားခွင့် ရဖို့တောင် မလွယ်ကူ ဖြစ်နေပါတယ်။ ဒီအခြေအနေတွေ ကနေ ရုန်းထွက်နိုင်အောင် မက်ဆီတို့ တသိုက်က လုပ်ပြရမှာလည်း ဖြစ်ပါတယ်။

ရီးရဲလ်မှာ နံပါတ် ၂၄ ဝတ်ဆင်ကစားမယ့် အာဒါဂူလာ

ရီးရဲလ်မက်ဒရစ်ကို ပြောင်းရွှေ့ဖို့ သဘောတူညီခဲ့တဲ့ ဖီနာဘာချီ ကစားသမား အာဒါ ဂူလာဟာ ကျောနံပါတ် ၂၄ ကို ဝတ်ဆင် ကစားသွားမယ်လို့ ဆိုပါတယ်။ တူရကီ ကြယ်ပွင့်ဟာ လာလီဂါ ကလပ်တွေ ဖြစ်တဲ့ ဘာစီလိုနာနဲ့ ရီးရဲလ်မက်ဒရစ်မှာ ရီးရဲလ်ကို ရွေးချယ်သွားခဲ့တာ ဖြစ်ပါတယ်။

သူ့အတွက် ရီးရဲလ်မက်ဒရစ်က ယူရိုသန်း ၂၀ ပေးချေရမှာ ဖြစ်ပြီး အခြားသော ခံစားခွင့်တွေလည်း ပါဝင်တယ်လို့ သိရပါတယ်။ သူ့အတွက် ပြောင်းရွှေ့ကြေး၊ ခံစားခွင့်တွေကို ပေးနိုင်သမျှ ပေးဖို့ အာဒါက တောင်းဆိုခဲ့ပြီး ဖီနာဘာချီကို သူ ကူညီချင်တာကြောင့်လို့ ပြောဆိုခဲ့ပါတယ်။

အသက် ၁၈ နှစ်အရွယ် တူရကီ ကစားသမားဟာ လီယွန်နယ် မက်ဆီ လက်သစ်လို့ ချီးကျူးခံနေရသူပါ။ ဘယ်ခြေထောက် ကိုပဲ အားပြုကစားတဲ့သူ ဖြစ်ပြီး အသက်အရွယ်နဲ့ မလိုက်ဖက်အောင် ကောင်းမွန်တဲ့ ကစားဟန်တွေကြောင့် နာမည်ကျော်ကြားလာတာ ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.