ဖီဖာ အကောင်းဆုံး ကစားသမားဆုကို စံချိန်တင် ဆွတ်ခူးခဲ့တဲ့ မက်ဆီ၊ ရော်နယ်ဒို အပေါ် လေးစားမှု မရှိခဲ့တဲ့ ဖီဖာ အကောင်းဆုံး ဆုပေးပွဲ စတဲ့ သတင်းတွေ အပါအဝင် ဖေဖော်ဝါရီလ ၂၈ ရက်နေ့ရဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ဖီဖာ အကောင်းဆုံး ကစားသမားဆုကို စံချိန်တင် ဆွတ်ခူးခဲ့တဲ့ မက်ဆီ
အာဂျင်တီးနား အတွက် ကမ္ဘာ့ဖလား ရယူပေးနိုင်ခဲ့တဲ့ ပီအက်စ်ဂျီ တိုက်စစ်မှူး လီယွန်နယ် မက်ဆီဟာ သတင်းတွေ ကြိုတင်ထွက်ပေါ်ခဲ့သလို FIFA The BEST ဆုကို ဆွတ်ခူးသွားခဲ့ပါပြီ။ မနေ့ညက ပဲရစ်မှာ ပြုလုပ်ခဲ့တဲ့ ဆုပေးပွဲ အခမ်းအနားမှာ ဆုရရှိသူကို ကြေညာခဲ့ရာမှာ မက်ဆီက ဒီဆုကို ၇ ကြိမ်မြောက် အဖြစ် စံချိန်တင် ရယူနိုင်ခဲ့တာလည်း ဖြစ်ပါတယ်။
ဆန်ခါတင် စာရင်းမှာ ဘန်ဇီမာ၊ အမ်ဘာပေးတို့နဲ့ ပြိုင်ဆိုင်ခဲ့ရတာ ဖြစ်ပြီး မက်ဆီက ပြင်သစ်သား နှစ်ဦးကို ကျော်ဖြတ်ပြီး ဒီဆုကို ရယူနိုင်ခဲ့ပါတယ်။ မက်ဆီဟာ စံချိန်တင် ရယူနိုင်ခဲ့ပြီးနောက်မှာ ပြိုင်ဘက် မရှိ အကောင်းဆုံး ကစားသမား တစ်ဦးလို့ သတ်မှတ်ရတော့မှာ ဖြစ်ပါတယ်။ ဒါ့အပြင် လာလီဂါ နာမည်ကျော် ကစားသမားဟောင်းက ဘယ်လွန်ဒေါဆုနဲ့ The Best ဆုတွေမှာ ဆန်ကာတင် စာရင်းမှာ ထိပ်ဆုံးကနေ ရပ်တည်နေပြီ ဖြစ်ပါတယ်။
“ အရမ်းကို အံ့အားသင့်စရာ ကောင်းပါတယ်၊ ကြီးကျယ်ခမ်းနားတဲ့ နှစ်တစ်နှစ် ဖြစ်ခဲ့ပြီး ဒီနေ့ည၊ ဒီနေရာမှာ ကျနော် ရှိနေခဲ့ပြီး ဒီဆုကို ရရှိခဲ့တဲ့ အတွက် ဂုဏ်ယူမိပါတယ်၊ ကျနော့် အသင်းဖော်တွေ မရှိဘဲနဲ့ ဒီနေရာကို ရောက်လာမှာ မဟုတ်ပါဘူး၊ ကျနော် မျှော်လင့်ထားတဲ့ အိပ်မက်ကို အကောင်အထည် ဖော်နေခဲ့တာ ကြာပါပြီ၊ ဒါကို အောင်မြင်အောင် လုပ်နိုင်တဲ့သူက အနည်းငယ်သာ ရှိပြီး ကျနော် ကံကောင်းခဲ့ပါတယ်” လို့ မက်ဆီက ဆုလက်ခံရယူ အပြီးမှာ ပြောဆိုခဲ့ပါတယ်။
နူရာဝဲစွဲ ဖြစ်နေရတဲ့ ဘာစီလိုနာ
စပိန် လာလီဂါ ကလပ် ဘာစီလိုနာ အသင်းရဲ့ တိုက်စစ်မှူး ရောဘတ် လီဝမ်ဒေါစကီးဟာ တံကောက်ကြော ဒဏ်ရာရရှိခဲ့တာကြောင့် ရီးရဲလ်မက်ဒရစ်နဲ့ ကစားရမယ့် ကိုပါဒယ်ရေး ဆီမီးဖိုင်နယ် ပထမအကျော့ကို လွဲချော်တော့မှာ ဖြစ်ပါတယ်။ ဒါဟာ ရှုံးပွဲတွေ ဆက်တိုက် ရင်ဆိုင်နေတဲ့ ဘာစီလိုနာ အတွက် သတင်းဆိုး ဖြစ်လာခဲ့ပါတယ်။
“ လီဝမ်ဒေါစကီးက ဘယ်ဘယ်မှာ တံကောက်ကြော ဒဏ်ရာရသွားခဲ့ပါတယ်” လို့ ဘာစီလိုနာက သတင်း ထုတ်ပြန်ခဲ့ပြီး အသေးစိတ် အချက်အလက်တွေကို ထုတ်ဖော် ပြောဆိုခြင်း မရှိခဲ့ပါဘူး။ ဘာစီလိုနာ ကတော့ ယူရိုပါလိဂ်မှာ မန်ချက်စတာယူနိုက်တက်၊ လာလီဂါမှာ အယ်လ်မီရီယာ တို့ကို အရေးနိမ့်ခဲ့ပြီး ရလဒ်တွေ ဆိုးရွားနေခဲ့တာ ဖြစ်ပါတယ်။
အသက် ၃၄ နှစ် အရွယ် လီဝမ်ဒေါစကီးဟာ ဘာစီလိုနာ အတွက် ပြိုင်ပွဲစုံ သွင်းဂိုး ၂၅ ဂိုး အထိ သွင်းယူပေးထားပြီး ထိပ်တန်း ဂိုးသွင်းရှင် ဖြစ်နေတာပါ။ သူ မပါဝင်နိုင်ဘူး ဆိုရင်တော့ လာမယ့် အယ်လ်ကလက်စီကို ပွဲမှာ ဘာဆာတို့ အခက်ကြုံတော့မှာ ဖြစ်ပြီး နောက်ထပ် ရှုံးပွဲတွေ ရင်ဆိုင်ရဖို့ ရှိလာနိုင်ပါတယ်။
ဖီဖာ အကောင်းဆုံး ဆုပေးပွဲဟာ ရော်နယ်ဒို အပေါ် လေးစားမှု မရှိခဲ့ဘူးလို့ ပရိသတ်တွေ ပြောဆို
ပဲရစ်မှာ ကျင်းပခဲ့တဲ့ ဖီဖာအကောင်းဆုံး ဆုပေးပွဲမှာ နာမည်ကျော် ကစားသမားတွေ အများကြီး တက်ရောက်ခဲ့ကြပြီး ကမ္ဘာ့ဖလား ချန်ပီယံ အာဂျင်တီးနား အသင်းက အကောင်းဆုံးဆုတွေ အများအပြား သိမ်းပိုက်သွားခဲ့ပါတယ်။
မက်ဆီ ကတော့ အကောင်းဆုံး အမျိုးသား ကစားသမားဆုကို ရရှိခဲ့ပြီး၊ အာဂျင်တီးနား ဂိုးသမား မာတီနတ်ဇ်က အကောင်းဆုံး ဂိုးသမားဆုနဲ့ အာဂျင်တီးနား နည်းပြ စကာလိုနီက အကောင်းဆုံး နည်းပြ ဆု ရရှိသွားခဲ့တာပါ။
ဒါပေမယ့် ဒီဆုပေးပွဲ ကျင်းနေချိန် အတွင်းမှာ ရော်နယ်ဒို အပေါ် မလေးစားလုပ်ရပ် ပြုလုပ်ခဲ့တယ်လို့ ပရိသတ်တွေက ဝေဖန်နေကြပါတယ်။ ဒါကတော့ ရော်နယ်ဒို အရန်ခုံပေါ်မှာ ထိုင်နေတဲ့ ဗီဒီယိုကို ပြသခဲ့ရာမှာ ပရိသတ်တွေက မကျေနပ် ဖြစ်ခဲ့ကြပြီး ဆိုရှယ် မီဒီယာပေါ်မှာ ပေါက်ကွဲခဲ့ကြတာ ဖြစ်ပါတယ်။ အယ်လ်နာဆာ အသင်း
တိုက်စစ်မှူး ရော်နယ်ဒိုဟာ ဒီဆုပေးပွဲကို တက်ရောက်ခဲ့ခြင်း မရှိသလို နောက်ဆုံး ဆန်ကာတင် ၃ ဦး စာရင်းမှာလည်း မပါဝင်ခဲ့တာပါ။ ရော်နယ်ဒို ဟာ ပရီးမီးယားလိဂ် ကလပ် မန်ချက်စတာယူနိုက်တက်၊ လာလီဂါ ကလပ် ရီးရဲလ်မက်ဒရစ်၊ စီးရီးအေ ကလပ် ဂျူဗင်တပ်စ် တို့လို ထိပ်သီး အသင်းတွေမှာ ကစားပြီး စံချိန်တင် အောင်မြင်မှုတွေ ရရှိထားသူ ဖြစ်ပါတယ်။
ပရိသတ်တစ်ဦး “ သူတို့တွေဟာ ရော်နယ်ဒို အပေါ် မလေးစားတဲ့ လုပ်ရပ် ထပ်ပြီး ပြုလုပ်ခဲ့ကြပါတယ်” လို့ ရေးသားခဲ့ပါတယ်။ နောက်ထပ် တစ်ဦးက “ ဖီဖာအနေနဲ့ ရော်နယ်ဒိုကို မလေးမစား လုပ်တာဟာ ဒါက ပထမဆုံး အကြိမ်တော့ မဟုတ်ပါဘူး” နောက်တစ်ဦးက “ ဖီဖာရဲ့ ဒီလိုပွဲမျိုးမှာ ဂန္တဝင် ကစားသမား တစ်ဦးကို ဒီလိုလုပ်တာဟာ မကောင်းပါဘူး။ တခြား ဖိုင်တွေ ရှိရဲ့သားနဲ့ ဘာကြောင့် အရန်ခုံပေါ် ထိုင်နေတဲ့ပုံ ပြတာလဲ” လို့ ပြောခဲ့တာ ဖြစ်ပါတယ်။ လာလီဂါ ကလပ် ရီးရဲလ်မှာ အအောင်မြင်ဆုံး ဖြစ်ခဲ့တဲ့ ရော်နယ်ဒိုဟာ ၂၀၂၂ ထဲမှာ ခက်ခက်ခဲခဲ ဖြတ်သန်းခဲ့ရပြီး အခု အယ်လ်နာဆာ အသင်းမှာတော့ ခြေစွမ်းပြကာ ၈ ဂိုးသွင်းပြီး ၂ ဂိုး ဖန်တီးထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
