ဩဂုတ်လ ၁၈ ရက်နေ့ အထိ နောက်ဆုံး ရရှိထားတဲ့ လာလီဂါ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။
ဆီဗီလာကို ပြောင်းရွှေ့သွားတဲ့ ဘေယန်မြူးနစ် နောက်ခံလူ
ဘေယန်မြူးနစ် နောက်ခံလူ တန်ဂေး နီယန်ဇူဟာ လာလီဂါ ကလပ် ဆီဗီလာကို ပြောင်းရွှေ့ဖို့ သဘောတူညီမှု ရရှိခဲ့ပြီဖြစ်ကြောင်း သိရပါတယ်။ အသက် ၂၀ အရွယ် ပြင်သစ် နောက်ခံလူ အတွက် ဆီဗီလာတို့ ပြောင်းရွှေ့ကြေး ယူရိုသန်း (၂၀) ပေးချေခဲ့ရတယ်လို့လည်း သတင်းတွေက ဖော်ပြထားပါတယ်။
နီယန်ဇူဟာ ဆီဗီလာနဲ့ ဆေးစစ်မှုခံယူတော့မှာ ဖြစ်ပြီး အသင်းသစ်နဲ့ (၂၀၂၇) အထိ (၅) နှစ် စာချုပ် ချုပ်ဆိုသွားမယ်လို့ သိရပါတယ်။ ဒါပေမယ့် ဘွန်ဒက်စ်လီဂါ ကလပ် ဘေယန်မြူးနစ် ဘက်ကတော့ နီယန်ဇူကို ပြန်လည် ခေါ်ယူခွင့် စာချုပ် ထည့်သွင်း ချုပ်ဆိုထားတယ်လို့ သိရပါတယ်။
ပြင်သစ် လူငယ် နောက်ခံလူဟာ ပြီးခဲ့တဲ့ (၂၀၂၀) ကမှ ပီအက်စ်ဂျီ ကနေ ဘေယန်မြူးနစ်ကို ပြောင်းရွှေ့လာခဲ့သူ ဖြစ်ပြီး ပြီးခဲ့တဲ့ ဘောလုံး ရာသီက ဘေယန်မြူးနစ် အတွက် (၂၂) ပွဲ ကစားပေးခဲ့ပါတယ်။ အခုနှစ် နွေရာသီမှာတော့ မားသီးယပ်စ် ဒီလစ်ဂျ် ရောက်ရှိလာမှုနဲ့အတူ ပုံမှန် ပွဲထွက်ခွင့် ရဖို့ မသေချာတဲ့ အတွက် နီယန်ဇူ တစ်ယောက် အသင်းပြောင်းရွှေ့ဖို့ ဆုံးဖြတ်ခဲ့တာ ဖြစ်ပါတယ်။
အဆန်စီယိုရဲ့ အခြေအနေကို စောင့်ကြည့်နေတဲ့ ရိုးမား
ရိုးမားဟာ လာလီဂါ ကလပ် ရီးရဲလ်မက်ဒရစ် ကနေ ထွက်ခွာဖို့ ပြင်ဆင်နေတဲ့ တိုက်စစ် ကစားသမား မာကို အဆန်စီယိုရဲ့ အခြေအနေကို စောင့်ကြည့်နေကြောင်း သိရပါတယ်။ စီးရီးအေ ကလပ်ဟာ သူတို့ အသင်းရဲ့ ကွင်းလယ် ကြယ်ပွင့် နီကိုလို ဇန်နီယိုလိုကို လက်လွှတ်ရဖွယ် ရှိနေတာကြောင့် အဆန်စီယိုကို ခေါ်ယူဖို့ စိတ်ဝင်စားနေတာလည်း ဖြစ်ပါတယ်။
ဇန်နီယိုလို အတွက် စပါးနဲ့ ရိုးမားတို့ အကြား သဘောတူညီမှု ရရှိခဲ့ပေမယ့် မော်ရင်ဟိုရဲ့ ပိတ်ပင်မှုကြောင့် အပြောင်းအရွှေ့ ပျက်ပြယ်ထားခဲ့ရတာပါ။ ဒါပေမယ့် စပါးက ပြောင်းရွှေ့ကြေး တိုးမြှင့် ကမ်းလှမ်းဖွယ် ရှိနေတာကြောင့် ရိုးမားတို့ အဆိုပါ အီတလီကြယ်ပွင့်ရဲ့ နေရာကို အစားထိုးဖို့ အဆန်စီယိုကို ပစ်မှတ်ထားနေတာ ဖြစ်ပါတယ်။
အသက် (၂၆) နှစ်အရွယ် အဆန်စီယိုဟာ ရီးရဲလ်မက်ဒရစ်မှာ ပုံမှန် ပွဲထွက်ခွင့်ရဖို့ ရုန်းကန်နေရပြီး အစောပိုင်း ကတည်းက အသင်းပြောင်းဖို့ စဉ်းစားနေသူ ဖြစ်ပါတယ်။ မော်ရင်ဟိုဟာ ပေါ်လို ဒီဘားလားကို ခေါ်ယူထားသည့်တိုင် တိုက်စစ်ပိုင်းကို ဆက်လက် အင်အားဖြည့်တင်းဖို့ ပြင်ဆင်နေပြီး ရိုးမား အနေနဲ့လည်း အဆန်စီယိုကို ကမ်းလှမ်းဖို့ အဆင်သင့်ဖြစ်နေကြောင်းလည်း သိရပါတယ်။
လီယောင်ကို စာချုပ်သစ်ချုပ်ဆိုဖို့ ပြင်နေတဲ့ အေစီမီလန်
စီးရီးအေ လက်ရှိ ချန်ပီယံ အေစီမီလန် အသင်းဟာ အဓိကတိုက်စစ်မှူး ရာဖေးလ် လီယောင်ကို စာချုပ်သစ်ချုပ်ဆိုနိုင်ဖို့ ပြင်ဆင်နေတယ်လို့ သိရပါတယ်။ လီယောင်ဟာ ပြီးခဲ့တဲ့ ရာသီက အေစီမီလန်တို့ စီးရီးအေ ချန်ပီယံဆု တကျော့ပြန် ဆွတ်ခူးနိုင်ဖို့ အဓိက စွမ်းဆောင်ပေးခဲ့သူ တစ်ဦးလည်း ဖြစ်ပြီး လာလီဂါ ကလပ် ရီးရဲယ်မက်ဒရစ်က စိတ်ဝင်စားနေတဲ့ ကစားသမားလည်း ဖြစ်ပါတယ်။
လီယောင်ရဲ့ စာချုပ်သက်တမ်းက (၂၀၂၄) နွေရာသီမှာ ကုန်ဆုံးမှာ ဖြစ်ပြီး အေစီမီလန်က အခုတည်းက ကစားသမားကို စာချုပ် သက်တမ်းတိုးဖို့ ဆန္ဒရှိနေတာပါ။ လီယောင်ကို လာမယ့် နွေရာသီမှာ ရီးရဲလ်မက်ဒရစ်က ခေါ်ယူဖို့ ကြိုးစားလာနိုင်ကြောင်းလည်း သတင်းတွေ ထွက်ပေါ်နေပါတယ်။
လက်ရှိအချိန် မှာတော့ အေစီမီလန်ဘက်က စာချုပ်သစ် အတွက် ဆောင်ရွက်မှုတွေ စတင်နိုင်ပေမယ့် ကစားသမားနဲ့ အသင်း အကြား သဘောတူညီမှု ရဖို့ အတွက်တော့ အချိန်ယူရဖွယ် ရှိနေပါတယ်။ လီယောင်ဟာ ပြီးခဲ့တဲ့ ရာသီက အေစီမီလန် အတွက် လိဂ်ပွဲ (၃၄) ပွဲ အထိ ပါဝင် ကစားခဲ့ပြီး (၁၁) ဂိုးသွင်းကာ၊ ဂိုးဖန်တီးမှု (၉) ကြိမ် ပြုလုပ်ပေးနိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
