လာလီဂါ ကလပ် ဘာစီလိုနာ ကတော့ တောင်ပံ တိုက်စစ် ကစားသမား တစ်ဦး ရှာဖွေနေခဲ့ပြီးတော့ ထိပ်တန်း အဆင့် ကစားသမားတွေကို ရှာဖွေနေခဲ့တာ ဖြစ်ပါတယ်။ ဘာစီလိုနာရဲ့ ပစ်မှတ် ကစားသမား စာရင်းမှာ ဥရောပထိပ်တန်း လူငယ် ကြယ်ပွင့် ကစားသမား များစွာ ပါဝင်နေပြီး အခုနောက်ဆုံး မှာတော့ အေစီမီလန် တောင်ပံကစားသမား ရာဖေးလ် လီယောင်လည်း ပါဝင်လာခဲ့ပြီလို့ သိရပါတယ်။
လက်ရှိမှာ အသက် ၂၅ နှစ် အရွယ် ရှိပြီ ဖြစ်တဲ့ ရာဖေးလ် လီယောင် အနေနဲ့ ဒီရာသီ အေစီမီလန်မှာ ခြေစွမ်းပြဖို့ ရုန်းကန်နေရပြီးတော့ ပြိုင်ပွဲစုံ ၁၁ ပွဲ ကစားရာမှာ သွင်းဂိုး ၁ ဂိုးသာ ရရှိထားသေးတာ ဖြစ်ပါတယ်။ ဘာစီလိုနာ ကတော့ အသင်းရဲ့ ဘယ်တောင်ပံ တိုက်စစ် အတွက် လာလီဂါ ပြိုင်ဘက် ဘီလ်ဘာအိုရဲ့ လူငယ် တောင်ပံ တိုက်စစ် ကြယ်ပွင့် နီကို ဝီလီယမ်စ်ကို ခေါ်ယူချင်နေတာ ဖြစ်ပါတယ်။ ဒါပေမယ့်လည်း စပိန်သားလေးကို ခေါ်ယူဖို့ အတွက် ဘာစီလိုနာတို့ အဆင်မပြေ ဖြစ်နေတာကြောင့် လီယောင်ကို ပြောင်းလဲ ခေါ်ယူဖို့ စိတ်ဝင်စားလာခဲ့တာ ဖြစ်ပါတယ်။
နီကို ဝီလီယမ်စ်ဟာ လာလီဂါ ကလပ် ဘီလ်ဘာအို အကယ်ဒမီ ကနေ ပေါ်ထွက်လာခဲ့သူ ဖြစ်ပါတယ်။ ပြီးခဲ့တဲ့ ၂ဝ၂၁ ခုနှစ်မှ ဘီလ်ဘာအို စီနီယာ အသင်းကြီး အတွက် စတင် ကစားခဲ့ပြီးတော့ လက်ရှိတော့ ဘက်စကေး ကလပ် အတွက် သာမကပဲ စပိန် လက်ရွေးစင် အတွက်ပါ အရေးပါတဲ့ ကစားသမား ဖြစ်နေပါပြီ။ နီကို ဝီလီယံစ်က ယူရို ၂၀၂၄ ပြိုင်ပွဲ မှာလည်း လမင်း ယာမယ်နဲ့ တွဲဖက်ကာ စပိန်နဲ့ အတူ ခြေစွမ်းကောင်းတွေ ပြသနိုင်ခဲ့သလို အင်္ဂလန်နဲ့ ကစားတဲ့ ဗိုလ်လုပွဲ မှာလည်း အရေးပါတဲ့ အဖွင့်ဂိုးကို သွင်းယူပေးနိုင်ခဲ့ပါတယ်။ ဒီလို ခြေစွမ်းကောင်းတွေ ပိုင်ဆိုင်ထားတဲ့ နီကို ဝီလီယမ်စ်ကို လာလီဂါ ကလပ် ဘာစီလိုနာနဲ့ ပရီးမီးယားလိဂ် ကလပ်တွေ အပြင် ပီအက်စ်ဂျီ ကပါ စိတ်ဝင်စားနေခဲ့တာ ဖြစ်ပါတယ်။
နီကို ဝီလီယမ်စ် ကတော့ ဘီလ်ဘာအိုနဲ့ စာချုပ် ဖျက်သိမ်းကြေး ယူရို ၅၈ သန်းသာ ရှိပြီး သူကိုယ်တိုင် ကတော့ စပိန် အသင်းဖော် လမင်း ယာမယ် ရှိတဲ့ ဘာစီလိုနာဆီ ပြောင်းရွှေ့ချင်နေသူ ဖြစ်ပါတယ်။ ဒါပေမယ့် ဘာစီလိုနာ ဘက်ကတော့ ဝီလီယံစ်ကို ငွေကြေးပိုင်းအရ ခေါ်ယူနိုင်ဖို့ မသေချာသေးဘူးလို့ သိရပြီး ဒီအခြေအနေ ကိုတော့ လီဂူးဝမ်း ကလပ်က ငွေကြေး အလုံးအရင်းသုံးကာ အခွင့်ကောင်းယူ ခေါ်ယူသွားနိုင်ချေ ရှိနေပါတယ်။ လီယောင်ဟာ စီးရီးအေ ကလပ် အေစီမီလန်နဲ့ ၂၀၂၈ ခုနှစ် အထိ စာချုပ်သက်တမ်း ရှိနေပေမယ့်လည်း ခြေစွမ်းမပြနိုင်တဲ့ အတွက် တဖြည်းဖြည်းနဲ့ ပြောင်းရွှေ့ကြေး ကျဆင်းလာဖို့ ရှိနေတယ်လို့ သိရပါတယ်။ ဘာစီလိုနာ တာဝန်ရှိသူတွေ အနေနဲ့ လီယောင်ကို ခေါ်ယူဖို့ ယခင်ကတည်းက စိတ်ဝင်စားနေကြပြီးတော့ အခုအခါ မှာတော့ ဒီကစားသမားရဲ့ အခြေအနေကို စောင့်ကြည့်နေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
