ကမ္ဘာ့စံချိန်တင် ပြောင်းရွှေ့ကြေး သုံးပြီး အမ်ဘာပေးကို ခေါ်ယူဖို့ ကြံစည်လာတဲ့ ရီးရဲလ်၊ ဘာစီလိုနာမှာ မက်ဆီကို ပြန်လည် ကစားစေချင်တဲ့ ဂွါဒီယိုလာ အစရှိတဲ့ သတင်းတွေ အပါအဝင် မေလ ၁၁ ရက်နေ့ရဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ကမ္ဘာ့စံချိန်တင် ပြောင်းရွှေ့ကြေး သုံးပြီး အမ်ဘာပေးကို ခေါ်ယူဖို့ ကြံစည်လာတဲ့ ရီးရဲလ်
ရီးရဲလ်မက်ဒရစ် ကတော့ ဒေ့ါမန် ကွင်းလယ်လူ ဂျု့ဒ် ဘယ်လင်ဟမ်ကို ခေါ်ယူနိုင်ဖို့ နီးစပ်နေသလို တဖက် မှာလည်း ပီအက်စ်ဂျီနဲ့ အနာဂတ် မသေချာတဲ့ တိုက်စစ်မှူး ကီလီယန် အမ်ဘာပေးကို ကမ္ဘာ့ စံချိန်တင် ပြောင်းရွှေ့ကြေးနဲ့ ခေါ်ယူဖို့ ကြံစည်နေပါတယ်။ အသက် ၂၄ နှစ် အရွယ် အမ်ဘာပေး ကတော့ ပီအက်စ်ဂျီနဲ့ စာချုပ် သက်တမ်း ၂ နှစ်သာ ကျန်ရှိတော့ ဖြစ်ပါတယ်။
လာလီဂါ ထိပ်သီး ကလပ်ဟာ အမ်ဘာပေးကို ပြီးခဲ့တဲ့ ရာသီမှာ ကတည်းက ခေါ်ယူဖို့ ကြိုးစားခဲ့ပေမယ့် ပီအက်စ်ဂျီက လုပ်ခလစာ အများအပြား ပေးကာ စာချုပ်သစ်ချုပ်ဆိုခဲ့တာပါ။ အဲဒီတုန်းက ပေါင် ၁၄၅ သန်း အထိပေးကာ ရီးရဲလ်က ကမ်းလှမ်းခဲ့တာ ဖြစ်ပြီး ပြင်သစ် သမ္မတ ကိုယ်တိုင် ကြားဝင်လာခဲ့ပြီး ပဲရစ်မှာပဲ ဆက်ကစားဖို့ အမ်ဘာပေးကို တောင်းဆိုခဲ့ရပါတယ်။
လက်ရှိမှာ ဘန်ဇီမာရဲ့ နေရာ အတွက် အစားထိုး တိုက်စစ်မှူး တစ်ဦးကို ရီးရဲလ်က ရှာဖွေနေရတာ ဖြစ်ပါတယ်။ အသက် ၃၄ နှစ်အရွယ် ပြင်သစ် တိုက်စစ်မှူး နေရာမှာ အခြား ပြင်သစ် တိုက်စစ်မှူးနဲ့ အစားထိုးဖို့ဖြစ်ကာ ဒီအပြောင်းအရွှေ့ ဖြစ်ပေါ်လာမလား စောင့်ကြည့်ရတော့မှာလည်း ဖြစ်ပါတယ်။
ဘာစီလိုနာမှာ မက်ဆီကို ပြန်လည် ကစားစေချင်တဲ့ ဂွါဒီယိုလာ
မန်ချက်စတာစီးတီး နည်းပြ ပပ်ဂွါဒီယိုလာက သူ့ တပည့်ဟောင်း လီယွန်နယ် မက်ဆီကို နူးကမ့်ပ်မှာ ပြန်လည် ကစားစေချင်တယ်လို့ ပြောဆိုလိုက်ပါတယ်။ မက်ဆီ ကတော့ ရာသီကုန်မှာ ပီအက်စ်ဂျီ ကနေ ထွက်ခွာတော့မှာ ဖြစ်ပြီး ဆော်ဒီကို ပြောင်းရွှေ့ဖို့ ရေပန်းစားနေပေမယ့် ဂွါဒီယိုလာက လာလီဂါ အသင်းဟောင်းဆီ ကိုပဲ ပြန်စေချင်နေတာပါ။
“ ကျနော်က ဘာစီလိုနာ ပရိသတ်ပါ၊ ကျနော့်မှာ ဘာစီလိုနာပွဲတွေ အတွက် လက်မှတ်လည်း ရှိတယ်၊ တရက်တော့ နူးကမ့်ပ် ပွဲကြည့်စင်ပေါ်မှာ ရှိနေပြီး မက်ဆီကို သူနဲ့ ထိုက်တန်တဲ့ အရာတွေ အတွက် အားပေးဂုဏ်ပြုချင်ပါတယ်၊ အဲဒီလိုရက်မျိုး ရောက်လာဖို့လည်း မျှော်လင့်ပါတယ်၊ လာပေါ်တာလည်း မက်ဆီကို ပြန်ခေါ်ဖို့ ကြိုးစားနေတာပါ”
“ ဘာစီလိုနာ ပရိသတ်တွေဆီက ချစ်ခြင်း မေတ္တာကို မက်ဆီတို့ မိသားစုက ရရှိထားပါတယ်” လို့ ပြောဆိုခဲ့ပါတယ်။ ဂွါဒီယိုလာနဲ့ မက်ဆီ ကတော့ ဘာစီလိုနာမှာ အတူတူ လက်တွဲခဲ့ပြီး ကြီးမားတဲ့ အောင်မြင်မှုတွေကို ရယူနိုင်ခဲ့ကာ ဘာစီလိုနာ အတွက်တော့ ဂန္ထဝင်တွင်တဲ့သူတွေ အဖြစ် ရှိခဲ့ကြပါတယ်။
ဟာလန်း၊ အမ်ဘာပေးနဲ့ ဗင်နီးစီးယက်စ် တို့ကို တသင်းတည်းမှာ မြင်ချင်နေတဲ့ အွန်နရီ
အာဆင်နယ် တိုက်စစ်မှူးဟောင်း သီယာရီ အွန်နရီ ကတော့ သူ မြင်တွေ့ချင်တဲ့ တိုက်စစ် တစ်ခုကို ဖွင့်ဟ ပြောဆိုလိုက်ပြီး ဒါကို တယောက်ယောက်က ဖြစ်အောင် လုပ်ပေးဖို့ အတွက်လည်း တောင်းဆိုလိုက်ပါတယ်။ မနေ့ညက ရီးရဲလ်မက်ဒရစ်နဲ့ မန်စီးတီးတို့ ပွဲအပြီးမှာ အွန်နရီက ပြောဆိုခဲ့တာ ဖြစ်ပြီး ဗင်နီးစီးယက်စ်၊ ဟာလန်းနဲ့ အမ်ဘာပေး တို့ကို တသင်းတည်းမှာ မြင်တွေ့ချင်တယ်လို့ ဖွင့်ဟခဲ့တာပါ။
အဆိုပါပွဲမှာ ဟာလန်းက ထင်မှတ်သလောက် ခြေစွမ်းမပြနိုင်ခဲ့ပေမယ့် ဗင်နီးစီးယပ်စ် ကတော့ ထူးရှယ် ခြေစွမ်းပြခဲ့ပါတယ်။ ဒါပေမယ့် ဟာလန်းက ထိတ်လန့်စရာ တိုက်စစ်မှူး အဖြစ် အားလုံးက လက်ခံထားကြပြီး မက်ဆီနဲ့ ရော်နယ်ဒိုတို့ အနားယူပြီးနောက် ဘောလုံး ကမ္ဘာမှာ ဒီလူငယ် ကစားသမားတွေက လွှမ်းမိုးလာမှာလည်း ဖြစ်ပါတယ်။
အွန်နရီက “ ဘယ်ခြမ်းမှာ ဗင်နီးစီးယက်စ်၊ အမ်ဘာပေးနဲ့ ဟာလန်းက တိုက်စစ်ပိုင်းမှာပါ၊ တယောက်ယောက်က သူတို့ကို တသင်းတည်းမှာ ကစားနိုင်အောင် ကျေးဇူးပြုပြီး လုပ်ကြစမ်းပါ” လို့ ပြောဆိုသွားခဲ့တာပါ။ ဒီကစားသမားတွေဟာ အသက် ၂၀ ကျော် အရွယ်တွေသာ ရှိနေသေးပေမယ့် လက်ရှိ ဘောလုံး လောကကို ကိုင်လှုပ်နေသူတွေ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
