ကမ္ဘာ့အကောင်းဆုံး ဘောလုံးသမားဆုကို ၈ ကြိမ် အထိ ရရှိထားတဲ့ GOAT ကြီး လီယွန်နယ် မက်ဆီ ကတော့ မကြာခင်မှာ လာလီဂါ ကလပ်ဟောင်း ဘာစီလိုနာကို ပြန်ဖို့ ရှိနေတယ်လို့ သတင်းတွေ ထွက်ပေါ်လာခဲ့ပါတယ်။
ဒီအကြောင်းနဲ့ ပတ်သက်ပြီးတော့ မက်ဆီရဲ့ သူငယ်ချင်း ဖြစ်သူက ဖွင်ဟလာခဲ့တာ ဖြစ်ပြီး မက်ဆီက အင်တာမိုင်ယာမီနဲ့ စာချုပ်သက်တမ်း ကုန်ချိန်မှာ ဘာစီလိုနာကို ပြန်သွားဖို့ ရှိနေတယ် ဆိုပြီး ဖွင့်ဟလာခဲ့တာ ဖြစ်ပါတယ်။ မက်ဆီနဲ့ ရင်းနှီးတဲ့ သူငယ်ချင်း ဖြစ်သူက “သူက ဒီနေရာမှာ ပျော်ရွှင်နေပေမယ့် ဒီအသင်းနဲ့ စာချုပ် သက်တမ်း ပြည့်သွားပြီ ဆိုရင်တော့ ဘာစီလိုနာဆီ ပြန်သွားမှာပါ။ နောက်ပြီး သူရဲ့ နေရာက အဲ့ဒီ (ဘာစီလိုနာ) မှာပါ။” လို့လည်း အင်တာဗျူး တစ်ခုမှာ ပြောကြားခဲ့သွားတာ ဖြစ်ပါတယ်။
လာမာစီယာ အကယ်ဒမီထွက် ဘယ်လွန်ဒေါ ၈ ကြိမ် အထိ ရရှိထားတဲ့ အာဂျင်တီးနား ဂန္တဝင် ကစားသမား မက်ဆီက အသက် ၃၇ နှစ် အရွယ် ရှိနေပြီ ဖြစ်ပေမယ့် လက်ရှိအချိန်ထိတော့ ခြေစွမ်းပြ ကစားနေဆဲ ဖြစ်ပါတယ်။ မက်ဆီဟာ ၂၀၀၄ ခုနှစ်မှာ လာလီဂါ ကလပ် ဘာစီလိုနာရဲ့ စီနီယာ အသင်းကြီးမှာ ကစားခွင့် ရရှိခဲ့ပြီးတော့ အချိန်တိုတွင်းမှာ အသင်းရဲ့ အရေးပါတဲ့ ကစားသမား တစ်ဦး ဖြစ်ခဲ့သူပါ။ မက်ဆီဟာ လာလီဂါ ကလပ် ဘာစီလိုနာ အတူ ချန်ပီယံလိဂ် အပါအဝင် ဆုဖလားပေါင်း ၃၅ လုံး အထိ ရရှိခဲ့ပြီးတော့ ဘယ်လွန်ဒေါ အပါအဝင် တစ်ဦးချင်း ဆုတံဆိပ်ပေါင်း များစွာလည်း ဆွတ်ခူးနိုင်ခဲ့ပါတယ်။ ဒါ့အပြင် မက်ဆီက နိုင်ငံ လက်ရွေးစင် အသင်း အာဂျင်တီးနားနဲ့လည်း ကမ္ဘာ့ဖလား တစ်ကြိမ်၊ ကိုပါအမေရိကဖလား ၂ ကြိမ်၊ ဖိုင်နယ်လစ်ဆီမာ တစ်ကြိမ် ရရှိထားပါသေးတယ်။
၂ဝ၂၃ ခုနှစ် မှာတော့ မက်ဆီက လီဂူးဝမ်း ကလပ် ပီအက်စ်ဂျီ ကနေ အင်တာမိုင်ယာမီဆီ ပြောင်းရွှေ့ခဲ့ပြီးတော့ မေဂျာလိဂ် ကလပ် အတွက် လိဂ်ဖလား နဲ့ MLS Supporters Shield တို့ကိုလည်း ရယူပေးနိုင်ပါတယ်။ ဒါ့အပြင် မက်ဆီက ပြိုင်ပွဲရဲ့ အကောင်းဆုံး ကစားသမား အဖြစ် ရွေးချယ်ခံခဲ့ရပါသေးတယ်။ မက်ဆီက လက်ရှိမှာ အင်တာမိုင်ယာမီနဲ့ စာချုပ် သက်တမ်း အနေနဲ့ တစ်နှစ်ဝန်းကျင်သာ ကျန်ရှိနေတော့သူ ဖြစ်တာကြောင့် လာမယ့် ၂၀၂၆ မှာ စာချုပ် သက်တမ်း ကုန်ဆုံးမှာလည်း ဖြစ်ပါတယ်။ အင်တာမိုင်ယာမီ ကတော့ သူတို့ အသင်းကို ကွင်းတွင်း၊ ကွင်းပြင်ပ နှစ်ရပ်စလုံး အတွက် အကျိုးရှိနေစေတဲ့ အဓိက ကစားသမား မက်ဆီကို လက်လွှတ်လိုခြင်း မရှိပဲ စာချုပ်သစ် ချုပ်ဆိုနိုင်ဖို့သာ ကြိုးပမ်းသွားဖို့ ရှိနေပါတယ်။ ဒါပေမယ့်လည်း မက်ဆီ ကတော့ စာချုပ် သက်တမ်းတိုးဖို့ထက် လာလီဂါ ကလပ်ဟောင်းဆီသာ ပြန်သွားဖို့ များနေကြောင်း သတင်းတွေ ကျယ်ကျယ်ပြန့်ပြန့် ထွက်ပေါ်နေတာ ဖြစ်ပါတယ်။
ဘာစီလိုနာက ၂၀၂၁ ခုနှစ်မှာ ဘဏ္ဍာရေး အကြပ်အတည်းတွေ ကြုံတွေ့နေရချိန်မှာ မက်ဆီကို သက်တမ်းမတိုးနိုင်တော့ပဲ ပီအက်စ်ဂျီဆီ အလွတ်နဲ့ လက်လွတ်ခဲ့ရတာ ဖြစ်ပါတယ်။ မက်ဆီက လက်ရှိ အင်တာမိုင်ယာမီမှာ ဘာစီလိုနာ အသင်းဖော် လူးဝစ္စ ဆွာရက်ဇ်၊ ဆာဂျီယို ဘူးစကွက်စ်၊ ယော်ဒီ အဲလ်ဘာ တို့နဲ့ အကောင်းဆုံး တွဲဖက်ကစားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
