လစ်ဗာပူးလ် ၂-၁ နော့ဝှစ်ချ်စီးတီး
ပူပူနွေးနွေး ခရာဘောင်ဖလား ချန်ပီယံ လစ်ဗာပူးလ်တို့ မနေ့ညက အက်ဖ်အေဖလား ပဉ္စမအဆင့် ပွဲစဉ် မှာတော့ နော့ဝှစ်ချ်စီးတီးကို အရန်လူစာရင်းနဲ့ ကစားပြီး ၂-၁ ရလဒ်နဲ့ အနိုင်ရသွားခဲ့ပါတယ်။ ဒီနေ့ပွဲမှာ ဂျပန် တိုက်စစ်မှူး မီနာမီနို ခြေစွမ်းပြခဲ့ပြီး သူ့ရဲ့ အစောပိုင်း သွင်းဂိုးတွေကြောင့်ပဲ လစ်ဗာပူးလ်တို့ အက်ဖ်အေဖလား ကွာတားဖိုင်နယ် အဆင့်ကို တက်လှမ်းနိုင်ခဲ့တယ် ဆိုရင်လည်း မမှားပါဘူး။
ပွဲစဉ်အကျဉ်း
ကလော့ပ်ရဲ့ အသင်းက ၄-၃-၃ ကစားကွက်နဲ့ ပွဲထွက်လာခဲ့ပေမယ့် လူစာရင်း မှာတော့ တာကူမီ မီနာမီနို၊ အိုရီဂီ၊ ကာတစ်ဂျုံးစ်၊ ဂိုးမက်ဇ်၊ ဆီမီကတ်စ် တို့လို့ အရန်တွေကို ထုတ်သုံးသွားခဲ့ပါတယ်။ နော့ဝှစ်ချ်စီးတီး ကလည်း ၄-၃-၃ နဲ့ပဲ ပြန်လည် ရင်ဆိုင်သွားခဲ့ပြီး တိုက်စစ်မှာ ပွတ်ကီ၊ ပလာချီတာ၊ ရက်ရှီကာ၊ ကွင်းလယ်နဲ့ ခံစစ်မှာ နော်မန်၊ ရက်ပ်၊ ဇင်မာမန်၊ ဂိုးမှာတော့ တင်မ်ကားလ် တို့ ပါဝင်လာခဲ့ပါတယ်။
ဒီတစ်ကြိမ် တွေ့ဆုံမှုမှာလည်း လစ်ဗာပူးလ်တို့ နော့ဝှစ်ချ်စီးတီးကို အဘက်ဘက်က အသာစီးနဲ့ ကစားနိုင်ခဲ့ပြီး အစောပိုင်း ပွဲချိန်တွေ မှာထဲက သွင်းဂိုးတွေ ရရှိခဲ့တာ ဖြစ်ပါတယ်။ ပွဲချိန် ၂၇ မိနစ်မှာ ဒီဗော့ခ် အိုရီဂီရဲ့ ဖန်တီးပေးမှု ကနေ မီနာမီနိုက အမှားအယွင်း မရှိ ကန်သွင်းခဲ့တာ ဖြစ်ပြီး နောက်ထပ် ၁၂ မိနစ် အကြာမှာလည်း မီနာမီနို ကပဲ ဘောလုံးကို တစ်ချက် ထိန်းပြီး Volley ကန်ချက်နဲ့ အဆုံးသတ်ခဲ့တာ ဖြစ်ပါတယ်။ အဲ့နောက် မှာလည်း ချိန်ဘာလိန်ရဲ့ ကန်ချက် တိုင်ထိသွားခဲ့လို့ နော့ဝှစ်ချ်စီးတီးတို့ သက်သာရာရခဲ့ပြီး ပထမပိုင်း အပြီးမှာ ၂-၀ ရလဒ်နဲ့ လစ်ဗာပူးလ်တို့ ဦးဆောင်နိုင်ခဲ့ပါတယ်။
ဒုတိယပိုင်း မှာလည်း လစ်ဗာပူးလ်တို့ပဲ ပွဲကို ဆက်လက် လွှမ်းမိုးထားနိုင်ခဲ့ပေမယ့် ပွဲချိန် ၇၆ မိနစ် မှာတော့ လူးကပ်စ် ရက်ပ်က နော့ဝှစ်ချ်စီးတီး အတွက် ချေပဂိုး ပြန်လည် ရယူပေးခဲ့လို့ ၂-၁ ဖြစ်သွားခဲ့ပါတယ်။ အဲ့နောက် ကလော့ပ် အနေနဲ့ လူးဝစ် ဒီးရာ့ဇ်၊ မာနေးတို့ ထည့်ပြီး တိုက်စစ် မြှင်ခဲ့သေးပေမယ့် နော့ဝှစ်ချ်စီးတီး ခံစစ်ရဲ့ အမှားအယွင်း မရှိမှုကြောင့် ဒီရလဒ်နဲ့ပဲ ပွဲပြီးခဲ့ပြီး လစ်ဗာပူးလ်တို့ အက်ဖ်အေဖလား ကွာတားဖိုင်နယ် အဆင့်ကို တက်လှမ်းသွားနိုင်ခဲ့ပါတယ်။
ပွဲပြီးသုံးသပ်ချက်
လစ်ဗာပူးလ်တို့ အရန်တွေနဲ့ ပွဲထွက်လာခဲ့ပေမယ့် အမှားအယွင်း မရှိ ကစားပြီး နော့ဝှစ်ချ်စီးတီး ကို အနိုင်ရခဲ့တာ ဖြစ်ပါတယ်။ တစ်ပွဲလုံး အတိုင်းအတာနဲ့ ဘောလုံး ပိုင်ဆိုင်မှု ၆၆-၃၄ ရာခိုင်နှုန်း ရှိခဲ့တဲ့ အထိ လစ်ဗာပူးလ်တို့ အသာရခဲ့တာ ဖြစ်ပါတယ်။ ဂိုးပေါက် ကန်ချက် ၁၇ ကြိမ်မှာ ဂိုးပေါက် တည့်မှု ၄ ကြိမ် ရှိခဲ့ပြီး ကာတစ် ဂျုံးစ်ရဲ့ ကန်ချက်၊ ချိန်ဘာလိန်ရဲ့ ကန်ချက်တွေသာ ဂိုးဝင်ခဲ့ရင် အခုထက် ပိုများတဲ့ သွင်းဂိုး အရေအတွက်နဲ့ လစ်ဗာပူးလ်တို့ အနိုင်ရနိုင်ချေ ရှိခဲ့ပါတယ်။
လာမယ့်ပွဲစဉ်များ
နှစ်သင်းလုံး လာမယ့် ရက်မှာ ပရီးမီးယားလိဂ် ပွဲစဉ်တွေ ဆက်လက် ယှဉ်ပြိုင် ကစားဖို့ ရှိပြီး လစ်ဗာပူးလ်က ဝက်စ်ဟမ်း၊ နော့ဝှစ်ချ်စီးတီး ကတော့ ဘရန့်ဖို့ဒ်နဲ့ ရင်ဆိုင်ကြရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
