ဘယ်လ်ဂျီယံကွင်းလယ်ဖန်တီးရှင်ကီဗင်ဒီဘရွန်းနားကတော့လက်ရှိရာသီအကုန်မှာပရီးမီးယားလိဂ်ကလပ်မန်စီးတီးနဲ့စာချုပ်သက်တမ်းကုန်ဆုံးတော့မှာဖြစ်ပါတယ်။ဒါပေမယ့်လည်းဒီဘရွန်းနားနဲ့မန်စီးတီးတို့ကစာချုပ်သစ်အတွက်ဆွေးနွေးထားခြင်းမရှိသေးပဲဒီအကြောင်းအရာနဲ့ပတ်သတ်လို့ကစားသမားကဝန်ခံပြောကြားလာခဲ့တာဖြစ်ပါတယ်။
လက်ရှိမှာဒီဘရွန်းနားကအသက်အရွယ်အားဖြင့်၃၃နှစ်ရှိနေပြီဖြစ်ပြီးခြေစွမ်းကလည်းသိသိသာသာကျဆင်းနေခဲ့ပြီဖြစ်ပါတယ်။ဒါ့အပြင်ဒီဘရွန်းနားကဒီရာသီအကုန်မှာမန်စီးတီးနဲ့စာချုပ်သက်တမ်းကုန်ဆုံးမှာဖြစ်ပြီးအသင်းဘက်ကသူ့ကိုစာချုပ်သက်တမ်းတိုးဖို့တွန့်ဆုတ်နေပါတယ်။ဒီအခြေအနေမှာသူ့ကိုခေါ်ယူဖို့ဆော်ဒီပရိုလိဂ်ကလပ်တွေနဲ့အမေရိကန်ကလပ်တွေကစိတ်ဝင်စားနေကြောင်းလည်းသတင်းတွေထွက်ပေါ်နေပါတယ်။
ဘယ်လ်ဂျီယံကွင်းလယ်လူကီဗင်ဒီဘရွန်းနားဟာပရီးမီးယားလိဂ်ကို၂၀၁၅ခုနှစ်မှာရောက်ရှိလာခဲ့ပြီးတော့မန်စီးတီးအတွက်ပွဲပေါင်း၄၀၃ပွဲကစားကာ၁၀၄ဂိုးသွင်းယူထားပါတယ်။ဒါ့အပြင်ဒီဘရွန်းနားကမန်စီးတီးအတွက်အရေးပါတဲ့ဖန်တီးမှုတွေလည်းအကြိမ်ကြိမ်ပြုလုပ်ပြီးအသင်းကိုထမ်းတင်ပေးခဲ့တဲ့ကစားသမားတစ်ဦးလည်းဖြစ်ပါတယ်။ဒီဘရွန်းနားကမန်စီးတီးရဲ့အဓိကကစားသမားတစ်ဦးအဖြစ်ကာလရှည်ကြာခြေစွမ်းပြခဲ့သူဖြစ်ပေမယ့်အသင်းဘက်ကဟာလန်းကို၉နှစ်ခွဲစာချုပ်သစ်ချုပ်ဆိုခဲ့သည့်တိုင်အောင်ဒီဘရွန်းနားကိုတော့စာချုပ်သစ်အတွက်ကမ်းလှမ်းမှုမရှိသေးတာဖြစ်ပါတယ်။
ဒါပေမယ့်လည်းကစားသမားကစာချုပ်သစ်အတွက်ဆွေးနွေးမှုမရှိသေးတဲ့အပေါ်စိတ်ပူပန်ခြင်းတော့မရှိကြောင်းပြောကြားခဲ့ပါတယ်။တကယ်တော့ပရီးမီးယားလိဂ်ကလပ် မန်စီးတီးကကစားသမားဘဝနေဝင်ချိန်ရောက်နေတဲ့ဒီဘရွန်းနားကိုတစ်နှစ်ချင်းသာသက်တမ်းတိုးချင်နေတာဖြစ်ပါတယ်။ဒီဘရွန်းနားကအစောပိုင်းမှာလည်းမိသားစုအတွက်ဦးစားပေးရမယ့်အချိန်ကိုရောက်ရှိနေပြီဖြစ်ကြောင်းပြောကြားခဲ့ဖူးပါတယ်။ဒါ့အပြင်ဒီဘရွန်းနားဟာနည်းပြဖြစ်သူပပ်ဂွါဒီယိုလာနဲ့လည်းဆက်ဆံရေးအဆင်မပြေဖြစ်ခဲ့သေးကြောင်းသတင်းတွေထွက်ပေါ်ခဲ့ဖူးပါတယ်။
ဒီလိုအခြေအနေမှာဒီဘရွန်းနားအနေနဲ့မန်စီးတီးနဲ့စာချုပ်သက်တမ်းကုန်ဆုံးရင်မေဂျာလိဂ်ဒါမှမဟုတ်ဆော်ဒီပရိုလိဂ်ကလပ်တစ်သင်းသင်းကိုပြောင်းရွှေ့သွားဖွယ်ရှိနေတာဖြစ်ပါတယ်။ဒီဘရွန်းနားကိုနောက်ထပ်စိတ်ဝင်စားနေတဲ့အသင်းကတော့တူရကီထိပ်သီးကလပ်ဖီနာဘာချီဖြစ်ပြီးတော့တစ်ပတ်လုပ်ခပေါင်၂သိန်းခွဲနဲ့ကမ်းလှမ်းဖွယ်ရှိနေတယ်လို့လည်းသိရပါတယ်။ဒီဘရွန်းနားအနေနဲ့လက်ရှိဇန်နဝါရီအပြောင်းအရွှေ့မှာတော့သူ့ကိုခေါ်ယူဖို့စိတ်ဝင်စားနေတဲ့အသင်းတွေနဲ့တရားဝင်ဆွေးနွေးညှိနှိုင်းခွင့်ရှိနေတာလည်းဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
