မန်ချက်စတာစီးတီးမှာ ရုန်းကန်နေရတဲ့ အင်္ဂလန် တောင်ပံ တိုက်စစ် ကစားသမား ဂျက် ဂရီးလစ်ရှ် ကိုတော့ ပရီးမီးယားလိဂ် ကလပ် ၄ သင်းက ခေါ်ယူဖို့ စိတ်ဝင်စားနေကြောင်း သတင်းတွေ ထွက်ပေါ်နေပါတယ်။
Daily Mail ရဲ့ ဖော်ပြချက်အရ မန်ချက်စတာစီးတီးရဲ့ မြို့ခံပြိုင်ဘက် မန်ချက်စတာယူနိုက်တက် အပါအဝင် တခြား ပရီးမီးယားလိဂ် ၃ သင်းက စိတ်ဝင်စားနေတယ်လို့ သိရပါတယ်။ အသက် ၂၉ နှစ် အရွယ် ရှိပြီ ဖြစ်တဲ့ ဂရီးလစ်ရှ်ဟာ ၂၀၂၁ ခုနှစ် နွေရာသီက မန်ချက်စတာစီးတီးကို အဲဒီအချိန်က ဗြိတိန် စံချိန်တင် ပြောင်းရွှေ့ကြေး ပေါင်သန်း ၁၀၀ နဲ့ ပြောင်းရွှေ့ခဲ့သူ ဖြစ်ပါတယ်။
ဂရီးလစ်ရှ်က သူရဲ့ မန်စီးတီး ကစားသမား ဘဝ ဒုတိယမြောက် ရာသီမှာ အကောင်းဆုံး စွမ်းဆောင်ရည်တွေ ပြသနိုင်ခဲ့ပေမယ့် တတိယမြောက် ရာသီနဲ့ လက်ရှိ ရာသီ မှာတော့ ပွဲကစားခွင့် အကန့်အသတ်နဲ့သာ ရရှိခဲ့ပြီး ခြေစွမ်းပိုင်း ကလည်း တဖြည်းဖြည်းနဲ့ ကျဆင်းနေခဲ့တာ ဖြစ်ပါတယ်။ အက်စတွန်ဗီလာ အကယ်ဒမီထွက် ကစားသမား ဂရီးလစ်ရှ်ဟာ ဒီရာသီမှာ မန်ချက်စတာစီးတီး အတွက် ပြိုင်ပွဲစုံ ၂၁ ပွဲ ကစားပြီး ၁ ဂိုးသွင်းကာ ၄ ဂိုး ဖန်တီးထားပါတယ်။ ဒါပေမယ့်လည်း အင်္ဂလန်သားက ပရီးမီးယားလိဂ် မှာတော့ စုစုပေါင်း ၆ ပွဲ (၆၀၄ မိနစ်)သာ ကစားထားရပြီး ဒုတိယ၊ တတိယ ဦးစားပေး ကစားသမား အဖြစ် ရှိနေခဲ့တာ ဖြစ်ပါတယ်။
ဂွါဒီယိုလာ ကတော့ အခုလ အစောပိုင်းက ဂရီးလစ်ရှ်နဲ့ ပတ်သတ်လို့ လူသိရှင်ကြား ဝေဖန်ခဲ့ကာ ကစားသမား အနေနဲ့ သူ့ရဲ့ နေရာ အတွက် တိုက်ပွဲဝင်ဖို့ လိုအပ်ကြောင်းလည်း တိုက်တွန်းသွားခဲ့ပါသေးတယ်။ ဂွါဒီယိုလာက ဖလား ၃ လုံး ရခဲ့တဲ့ ဘောလုံးရာသီက ဂျက် ဂရီးလစ်ရှ်ကို ပြန်လိုခြင်းကြောင်း ဝန်ခံခဲ့ပေမယ့် သူ့ အနေနဲ့ တိုက်ပွဲဝင်ဖို့ လိုအပ်တယ်လို့ ဆိုခဲ့တာ ဖြစ်ပါတယ်။ အဲဒီနောက် ဂွါဒီယိုလာက ဂရီးလစ်ရှ် ပွဲထွက်ခွင့် သိပ်မရတဲ့ အတွက် မမျှတဘူးလို့ ထင်ရင် ကျွန်တော့် သူ့ဘက်က ဘာမှ ပြောစရာ မရှိကြောင်း၊ ပွဲထွက်ခွင့်ရဖို့ ထိုက်တန်ကြောင်း သက်သေပြပါလို့လည်း ပြောကြားခဲ့ပါတယ်။ လက်ရှိမှာ ဂွါဒီယိုလာက ဘယ်တောင်ပံ တိုက်စစ် နေရာမှာ ဒီရာသီမှ အသစ် ခေါ်ယူထားတဲ့ ဆာဗင်ဟို ကိုသာ ပွဲထွက် ကစားသမား အဖြစ် တောက်လျောက် အသုံးပြုနေတာ ဖြစ်ပါတယ်။
သတင်းတွေ အရ ဆိုရင် ဂရီးလစ်ရှ်ကို တောင်ပံ ကစားသမား ခေါ်ယူချင်နေတဲ့ ရူဘင် အမော်ရင်ရဲ့ မန်ချက်စတာယူနိုက်တက်က စိတ်ဝင်အစားဆုံး ဖြစ်နေပါတယ်။ မန်ချက်စတာယူနိုက်တက်ရဲ့ လက်ရှိ တောင်ပံမှာ မားကပ်စ် ရက်ရှ်ဖို့ဒ်နဲ့ ဂါနာချိုတို့ ရှိနေပေမယ့် ဒီကစားသမားတွေ အသင်းမှာ ခြေစွမ်းမပြနိုင်သလို အနာဂတ် မသေချာ ဖြစ်နေသူတွေပါ။ ဒါကြောင့် အမော်ရင်က ဂရီးလစ်ရှ်ကို စိတ်ဝင်စားနေတယ် ဆိုတာက ဖြစ်နိုင်ချေ ရှိပါတယ်။ Daily Mail ကတော့ ဂရီးလစ်ရှ်ကို သူ့ရဲ့ အသင်းဟောင်း အက်စတွန်ဗီလာ အပြင် စပါးနဲ့ နယူးကာဆယ် ကလည်း စိတ်ဝင်စားနေကြောင်း ဖော်ပြခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
