ပရီးမီးယားလိဂ် ကလပ် လစ်ဗာပူးလ်အနေနဲ့ဘေယန်မြူးနစ်တောင်ပံကစားသမားလီရွိုင်းဆာနေးကိုခေါ်ယူသင့်ကြောင်းအသင်းရဲ့ကွင်းလယ်လူဟောင်းဒန်နီမာဖီကတိုက်တွန်းလိုက်ပါတယ်။မာဖီကဆာနေးဟာဘယ်/ညာတောင်ပံနှစ်ဖက်စလုံးမှာကစားနိုင်သူဖြစ်တာကြောင့်လစ်ဗာပူးလ်နဲ့ကိုက်ညီနိုင်ကြောင်းသူ့ရဲ့အမြင်ကိုသုံးသပ်ခဲ့တာဖြစ်ပါတယ်။
“ဆာနေးကပြောင်မြောက်တဲ့ခြေစွမ်းရှိသူပါ။လစ်ဗာပူးလ်မှာကစားမယ်ဆိုရင်ခြေစွမ်းပြနိုင်မယ်လို့ထင်ပါတယ်။ဆာနေးကဘယ်/ညာတောင်ပံနှစ်ဖက်စလုံးမှာကစားနိုင်သူဖြစ်ပြီးကမ္ဘာ့အဆင့်ကစားသမားဆိုလည်းဟုတ်ပါတယ်။ပြီးတော့ဆာနေးကသူ့ရဲ့ကစားသမားဘဝတစ်လျှောက်ထိပ်တန်းအသင်းကြီးတွေမှာပဲကစားခဲ့တာပါ။ဆာနေးကကျွန်တော်ကြိုက်တဲ့ကစားသမားဖြစ်သလိုလစ်ဗာပူးလ်ရဲ့လိုအပ်ချက်နဲ့ကွက်တိကိုက်ညီနေတဲ့ကစားသမားလည်းဖြစ်ပါတယ်။”လို့ပြောကြားခဲ့ပါတယ်။
အသက်၂၉နှစ်အရွယ်ရှိပြီဖြစ်တဲ့ဂျာမန်လက်ရွေးစင်တောင်ပံတိုက်စစ်ကစားသမားဆာနေးကတော့ဒီရာသီအကုန်မှာဘေယန်မြူးနစ်နဲ့စာချုပ်သက်တမ်းကုန်ဆုံးမယ့်သူလည်းဖြစ်ပါတယ်။ဒါ့ကြောင့်ဆာနေးကလက်ရှိမှာစာချုပ်အရပြည်ပကလပ်တွေနဲ့အကြိုသဘောတူညီမှုရယူခွင့်ရှိနေပြီးတော့ထိပ်တန်းကလပ်တွေရဲ့စောင့်ကြည့်ခြင်းလည်းခံနေရပါတယ်။ဆာနေးကလာမယ့်၂၀၂၅ခုနှစ်နွေရာသီမှာပြောင်းရွှေ့ကြေးအလွတ်နဲ့ထွက်ခွာခွင့်ရရှိမှာဖြစ်ပြီးပရီးမီးယားလိဂ်ကလပ်တွေကထိပ်ဆုံးကစိတ်ဝင်စားနေကြပါတယ်။ဒီအသင်းတွေထဲမှာလစ်ဗာပူးလ်လည်းပါဝင်နေပြီးတော့မိုဟာမက်ဆာလာနေရာမှာအစားထိုးချင်နေတယ်လို့သိရပါတယ်။ဘေယန်မြူးနစ်ကတော့ဆာနေးကိုလာမယ့်၂၀၂၅ခုနှစ်နွေရာသီမှာအလွတ်ပြောင်းရွှေ့ကြေးနဲ့လက်လွှတ်ရမယ့်အစားလက်ရှိဇန်နဝါရီမှာယူရိုသန်း၃၀နဲ့ရောင်းထုတ်ဖို့အဆင်သင့်ရှိနေတယ်လို့လည်းသတင်းတွေကဖော်ပြပါတယ်။
လစ်ဗာပူးလ်အနေနဲ့လာမယ့်နွေရာသီမှာအသင်းနဲ့စာချုပ်သက်တမ်းကုန်ဆုံးမယ့်တောင်ပံတိုက်စစ်ကစားသမားမိုဟာမက်ဆာလာကိုဆုံးရှုံးရဖွယ်ရှိနေပါတယ်။သတင်းတွေအရဆာလာဟာပရီးမီးယားလိဂ်ကလပ်နဲ့၃နှစ်သက်တမ်းတိုးချင်ပေမယ့်အသင်းဘက်ကတော့၂နှစ်သာသက်တမ်းတိုးချင်နေတာဖြစ်ပါတယ်။ဒါ့အပြင်လစ်ဗာပူးလ်နောက်ထပ်တိုက်စစ်ကစားသမားတစ်ဦးဖြစ်တဲ့လူးဝစ်ဇ်ဒီးယက်ဇ်နဲ့လည်းစာချုပ်သစ်ချုပ်ဆိုဖို့ဆွေးနွေးနေပေမယ့်အဆင်မပြေသေးကြောင်းသိရပါတယ်။
ဒီလိုအခြေအနေတွေကြောင့်လစ်ဗာပူးလ်ကလာမယ့်၂၀၂၅နွေရာသီမှာအလွတ်ပြောင်းရွှေ့ကြေးနဲ့ခေါ်ယူခွင့်ရှိနေတဲ့ဘေယန်မြူးနစ်တောင်ပံတိုက်စစ်ကစားသမားလီရွိုင်းဆာနေးကိုခေါ်ယူဖို့ပစ်မှတ်ထားနေတာလည်းဖြစ်ပါတယ်။တချို့သောသတင်းတွေမှာတော့မိုဟာမက်ဆာလာကိုဆော်ဒီပရိုလိဂ်ကလပ်ဘက်ကမြင့်မားတဲ့လုပ်ခလစာနဲ့ကမ်းလှမ်းဖို့ပြင်ဆင်နေတယ်လို့လည်းဖော်ပြလျက်ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
