အာဂျင်တီးနား ကွင်းလယ်လူ အလက်ဆစ် မာ့ခ် အယ်လစ္စတာ အနေနဲ့ လာလီဂါ ကလပ် ရီးရဲလ်မက်ဒရစ်ကို ပြောင်းရွှေ့မယ် ဆိုပြီး ကောလာဟလတွေ ထွက်ပေါ်နေပေမယ့် အေးဂျင့် ဖြစ်သူ ကတော့ ငြင်းဆန်သွားခဲ့ပါတယ်။ မာ့ခ် အယ်လစ္စတာရဲ့ အေးဂျင့်ဟာ ကစားသမားရဲ့ ဖခင်လည်း ဖြစ်ပြီး ကွင်းလယ် ကစားသမားဟာ လာမယ့်ရာသီမှာ ပရီးမီးယားလိဂ် ကလပ် လစ်ဗာပူးလ်မှာပဲ ဆက်ရှိနေမှာ ဖြစ်ကြောင်း အတည်ပြုသွားခဲ့ပါတယ်။
ဘရိုက်တန် ကနေ ထွက်ခွာပြီးနောက် ပြီးခဲ့တဲ့ နွေရာသီက အန်းဖီးလ်ကို ပြောင်းရွှေ့လာခဲ့တဲ့ အာဂျင်တီးနားသားဟာ သူရဲ့ ပြောင်းရွှေ့ကြေးထက် ပိုပြီး ခြေစွမ်းပြနေသူ ဖြစ်ပါတယ်။ ဒါပေမယ့် ရီးရဲလ်မက်ဒရစ်က စိတ်ဝင်စားမှု ရှိနေတယ်ဆိုပြီး သတင်းတွေ ထွက်ပေါ်နေခဲ့တာ ဖြစ်ပါတယ်။ မက်ဒရစ်သို့ ပြောင်းရွှေ့ဖို့ စိတ်ကူးဟာ တစ်ချိန်ကျရင် ဖြစ်လာနိုင်ဖွယ် ရှိပေမယ့် ၎င်းရဲ့ အေးဂျင့် အဖြစ်လည်း ဆောင်ရွက်နေတဲ့ မာ့ခ် အယ်လစ္စတာရဲ့ ဖခင် ကားလို့စ်က ကွင်းလယ် ကစားသမားဟာ အခုနွေရာသီမှာ လစ်ဗာပူးလ် ကနေ ထွက်ခွာနိုင်တယ် ဆိုတဲ့ ထင်ကြေးတွေကို ပြတ်ပြတ်သားသား ငြင်းဆိုခဲ့တာ ဖြစ်ပါတယ်။
ကားလို့စ်က “အလက်ဆစ်က လစ်ဗာပူးလ်မှာ ကောင်းကောင်း ကစားနေပြီး၊ ဒါက အရေးကြီးတဲ့ ကိစ္စပါပဲ။ ရီးရဲလ်မက်ဒရစ်က အလက်ဆစ်နဲ့ ညှိနှိုင်းထားတာ မရှိသေးပါဘူး၊ ကစားသမားက လာမယ့်ရာသီ လစ်ဗာပူးလ်မှာပဲ ဆက်ရှိနေမှာပါ။ အလက်ဆစ်ကို ခေါ်ယူဖို့ အနာဂတ်မှာ ကမ်းလှမ်းမှုတွေ ရောက်လာခဲ့မယ် ဆိုရင်တော့ လစ်ဗာပူးရဲ့ တာဝန်ရှိသူတွေနဲ့ အရင်ဆုံး ဆွေးနွေးသွားမှာပါ။” လို့ ပြောကြားသွားခဲ့ပါတယ်။
အာဂျင်တီးနား လက်ရွေးစင် အသင်းနဲ့ အတူ ကိုပါအမေရိကဖလားမှာ ခြေစွမ်းပြနိုင်ခဲ့တဲ့ မာ့ခ် အယ်လစ္စတာ အနေနဲ့ ကို မန်နေဂျာသစ် အာနေး ဆလော့တ် လက်ထက်မှာလည်း လစ်ဗာပူးလ်ရဲ့ အဓိက ကွင်းလယ်လူ တစ်ဦး အဖြစ် ဆက်ရှိနေဖို့ များပါတယ်။ မာ့ခ် အယ်လစ္စတာဟာ သမားရိုးကျ ဗဟိုကွင်းလယ် ကစားသမား အဖြစ် မြင်ရလေ့ရှိသော်လည်း နည်းပြ ယာဂင် ကလော့ပ် လက်ထက် မှာတော့ အရေးပါတဲ့ အခန်းကဏ္ဍ ကနေ ပါဝင်ခဲ့သူလည်း ဖြစ်ပါတယ်။
မာ့ခ် အယ်လစ္စတာ အနေနဲ့ ပရီးမီးယားလိဂ် ကလပ် လစ်ဗာပူးလ်ရဲ့ ရာသီကြို ခြေစမ်းပွဲ ခရီးစဉ် အတွင်း Slotရဲ့ စိတ်ကြိုက် ရွေးချယ်ထားတဲ့ လူစာရင်းထဲ ပါဝင်လာဖို့လည်း ရှိနေတယ်လို့ သိရပါတယ်။ လစ်ဗာပူးလ် ဟာ ရာသီကြို ခြေစမ်းပွဲ ခရီးစဉ် အတွင်း ရီးရဲလ်ဘက်တစ်၊ အာဆင်နယ်၊ မန်ချက်စတာယူနိုက်တက်၊ ဆီဗီလာ တို့နဲ့ ရင်ဆိုင်ရမှာ ဖြစ်ပါတယ်။ မာ့ခ် အယ်လစ္စတာ အနေနဲ့ ပြီးခဲ့တဲ့ ရက်ပိုင်းက အာဂျင်တီးနားနဲ့ အတူ ကိုပါအမေရိကဖလား ရရှိအောင် ကူညီပေးနိုင်ခဲ့ပြီးတော့ လက်ရှိမှာတော့ အနားယူနေဆဲ ဖြစ်ပါတယ်။
မာ့ခ် အယ်လစ္စတာ အနေနဲ့ ပြီးခဲ့တဲ့ ၂၀၂၃/၂၄ ဘောလုံးရာသီက ပရီးမီးယားလိဂ် ကလပ် လစ်ဗာပူးလ် အတွက် ၄၆ ပွဲ ကစားပြီး ၇ ဂိုး သွင်းယူနိုင်ခဲ့ပါတယ်။ အင်ဂျင်တီးနို့စ် ဂျီနီယာ အသင်းမှာ ကစားသမားဘဝ စတင်ခဲ့တဲ့ ဒီကစားသမားဟာ ဘရိုက်တန် မှာတော့ ၁၁၂ ပွဲ ကစားပြီး ဂိုး ၂၀ သွင်းယူထားခဲ့ပါတယ်။ မာ့ခ် အယ်လစ္စတာ အနေနဲ့ အာဂျင်တီးနား လက်ရွေးစင် အသင်း အနေနဲ့ ၃၁ ပွဲ ကစားပြီး ၂ ဂိုး သွင်းထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
