ပရီးမီးယားလိဂ် ကလပ် မန်ချက်စတာစီးတီးနဲ့ လာလီဂါ ထိပ်သီး ရီးရဲလ်မက်ဒရစ် တို့ကတော့ လာမယ့် နွေရာသီမှာ လေဗာကူဆင် နည်းပြ ဇာဘီ အလွန်ဆိုနဲ့ ဖလော်ရီယန် ဝစ်ဇ် တို့ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ သတင်းတွေ အရ ဆိုရင် ဒီနှစ်သင်းဟာ အလွန်ဆိုနဲ့ ဝစ်ဇ် တို့ကို တပြိုင်နက်တည်း ခေါ်ယူသွားဖို့ အတွက် အပြိုင်အဆိုင် စီစဉ်နေကြတယ်လို့လည်း သိရပါတယ်။
စပိန် လူမျိုး နည်းပြ ဇာဘီ အလွန်ဆို ကတော့ ပြီးခဲ့တဲ့ ဘောလုံးရာသီက လေဗာကူဆင်ကို ဘွန်ဒက်စ်လီဂါမှာ ရှုံးပွဲ မရှိ ချန်ပီယံ ဖြစ်အောင် စွမ်းဆောင်ပေးနိုင်ခဲ့သလို ဂျာမန် ပိုကယ်ဖလား မှာလည်း ချန်ပီယံ ဖြစ်အောင် စွမ်းဆောင်ပေးခဲ့ပါတယ်။ ဒါ့အပြင် လေဗာကူဆင်က ယူရိုပါလိဂ် ပြိုင်ပွဲမှာလည်း ဗိုလ်လုပွဲ အထိ ရှုံးပွဲ မရှိအောင် စွမ်းဆောင်ပေးခဲ့ပါသေးတယ်။ အလွန်ဆိုရဲ့ အသင်းဟာ ယူရိုပါလိဂ် ဗိုလ်လုပွဲမှာ အတ္တလန္တာကို မထင်မှတ်ပဲ ရှုံးနိမ့်ခဲ့လို့သာ ဖလား ၃ လုံး အိမ်မက်နဲ့ လွဲချော်ခဲ့ရတာ ဖြစ်ပါတယ်။ ဒါကြောင့် အလွန်ဆိုရဲ့ နည်းပြ ဘဝ ပထမဦးဆုံး ရာသီက တော်တော်လေး လှပခဲ့သလို သူ့ကို လိုချင်နေတဲ့ အသင်းတွေ ကလည်း များပြားနေခဲ့တာ ဖြစ်ပါတယ်။
တစ်ဖက်မှာလည်း လေဗာကူဆင်ရဲ့ ဂျာမနီ ကွင်းလယ် တိုက်စစ် ကစားသမားလေး ဖလော်ရီယန် ဝစ်ဇ် ကလည်း အလွန်ဆိုရဲ့ လက်အောက်မှာ တစ်ပွဲထက် တစ်ပွဲ ပိုမို တောက်ပလာခဲ့ပြီးတော့ ဥရောပ ထိပ်တန်း ကလပ်တွေ အနေနဲ့ အလွန်ဆိုကို သာမက ဝစ်ဇ် ကိုပါ စိတ်ဝင်စားမှုတွေ ရှိလာခဲ့တာ ဖြစ်ပါတယ်။ အဲဒီ ကလပ်တွေထဲကမှ အလွန်ဆိုနဲ့ ဝစ်ဇ်တို့ နှစ်ဦးစလုံးကို အလိုရှိနေတဲ့ အသင်းတွေလည်း ရှိလာကြပြီး ပရီးမီးယားလိဂ် ကလပ် မန်စီးတီး ကတော့ ထိပ်ဆုံးက ရေပန်းစားနေတာ ဖြစ်ပါတယ်။
သတင်းတွေအရ ဆိုရင် နည်းပြ ဇာဘီ အလွန်ဆို ကိုတော့ သူ့ရဲ့ ကစားသမား ဘဝ ကလပ်တွေ ဖြစ်တဲ့ လစ်ဗာပူးလ်နဲ့ ဘေယန်မြူးနစ်နဲ့ ရီးရဲလ်မက်ဒရစ် တိုက အလိုရှိခဲ့တာ ဖြစ်ပါတယ်။ ဒါပေမယ့် လက်ရှိမှာ လစ်ဗာပူးလ်နဲ့ ဘေယန်မြူးနစ် တို့က နည်းပြသစ်တွေ အသီးသီး ခန့်အပ် ထားခဲ့ပြီ ဖြစ်တာကြောင့် ရီးရဲလ်မက်ဒရစ်ပဲ နည်းပြ ကာလို အန်ဆယ်လော့တီ နေရာ အတွက် အလွန်ဆိုကို အစားထိုး ခန့်အပ်ချင်နေတာ ဖြစ်ပါတယ်။ ဒါပေမယ့် တစ်ဖက်မှာ ပရီးမီးယားလိဂ် ချန်ပီယံ မန်စီးတီး ကလည်း အခု ရာသီအကုန်မှာ အသင်းနဲ့ စာချုပ်သက်တမ်း ကုန်ဆုံးတော့မယ့် နည်းပြ ပပ် ဂွာဒီယိုလာရဲ့ နေရာ အတွက် အလွန်ဆိုကို ခေါ်ယူချင်နေကြောင်း သတင်းတွေ ထွက်ပေါ်ခဲ့ပါတယ်။ အလွန်ဆို ကတော့ ပရီးမီးယားလိဂ် ကလပ်ထက် ရီးရဲလ်မက်ဒရစ် ကိုသာ ကိုင်တွယ်ချင်နေပုံရပြီး မန်စီးတီး ကတော့ အလွန်ဆိုကို ခေါ်ယူနိုင်ဖို့ အတွက် အသေအချာ ကြိုးပမ်းရဖို့လည်း ရှိနေပါတယ်။
မန်ချက်စတာစီးတီးနဲ့ ရီးရဲလ်မက်ဒရစ် တို့ဟာ နည်းပြ ဇာဘီ အလွန်ဆိုကို သာမကပဲ လေဗာကူဆင် ထိပ်တန်း ကစားသမား ဖလော်ရီယန် ဝစ်ဇ် ကိုပါ ခေါ်ယူနိုင်ဖို့ စီစဉ်နေပါတယ်။ အကယ်၍သာ အလွန်ဆိုကို ခေါ်နိုင်မယ် ဆိုရင်တော့ ဝစ်ဇ် ကိုလည်း အရခေါ်ယူနိုင်ဖို့ အခြေအနေ ကောင်းသွားနိုင်ချေလည်း ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
