ဒီတစ်ခါ မှာတော့ စက်တင်ဘာလ ၁၃ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ဆန်ချိုနဲ့ အန်တိုနီတို့ နေရာမှာ အစားထိုးမယ့်သူကို သတ်မှတ်လိုက်တဲ့ မန်ယူနိုက်တက်
မန်ချက်စတာယူနိုက်တက်ဟာ အက်စတွန်ဗီလာ ကြယ်ပွင့်ဟောင်းကို အလွတ်ပြောင်းရွှေ့ကြေးနဲ့ အံ့အားသင့်ဖွယ် ခေါ်ယူမှု ပြုလုပ်သွားဖို့ စဉ်းစားနေတယ်လို့ သတင်းတွေက ဖော်ပြခဲ့ပါတယ်။ အန်တိုနီနဲ့ ဆန်ချိုတို့ရဲ့ အနာဂတ်ဟာ မရေမရာဖြစ်နေတာ ဖြစ်ပြီး အချိန်တစ်ခုအထိ အသင်း အတွက် ပါဝင်ကစားပေးနိုင်ဖွယ် မရှိတာကြောင့် အစားထိုး အသုံးပြုဖို့ အတွက် ကစားသမားသစ် ခေါ်ယူဖို့ လိုအပ်လာတာ ဖြစ်ပါတယ်။
အန်တိုနီဟာ ချစ်သူဟောင်းနဲ့ အခြား အမျိုးသမီးတွေကို အိမ်တွင်း အကြမ်းဖက်မှု ပြုလုပ်ခဲ့တယ်လို့ စွပ်စွဲခံခဲ့ရတာကြောင့် မန်ချက်စတာယူနိုက်တက်က ခေတ္တ အနားပေးထားပြီး ဆန်ချို ကလည်း တနင်္လာနေ့မှာ တန်ဟက်ဂ်နဲ့ ဆွေးနွေးပြီးနောက် အသင်း ကနေ ထွက်ခွာဖို့ ဆုံးဖြတ်လိုက်ပြီ ဖြစ်ပါတယ်။
ဒါကြောင့် တန်ဟက်ဂ် အတွက် တိုက်စစ်မှာ ရက်ရှ်ဖို့ဒ်၊ ဂါနာချို၊ ပယ်လီစထရီ တို့သာ တောင်ပံ နေရာမှာ အသုံးပြုနိုင်တဲ့ စီနီယာ ကစားသမားတွေ အဖြစ် ကျန်ရစ်တော့တာ ဖြစ်ပါတယ်။ ဒါကြောင့် မန်ချက်စတာယူနိုက်တက်ဟာ ပရီးမီးယားလိဂ် ကြယ်ပွင့်ဟောင်း အန်ဝါ အယ်လ် ဂါဇီကို ခေါ်ယူဖို့ စဉ်းစားနေတယ်လို့ သိရပါတယ်။ ဒတ်ချ် တောင်ပံကစားသမားဟာ ပြီးခဲ့တဲ့အပတ်မှာ ပီအက်စ်ဗွီနဲ့ နှစ်ဦး သဘောတူ စာချုပ်ဖျက်သိမ်းခဲ့ပြီးနောက် လက်ရှိမှာ အလွတ်နဲ့ ခေါ်ယူနိုင်တဲ့ ကစားသမား အဖြစ် ရှိနေတာ ဖြစ်ပါတယ်။
စပို့တင်းကို လာမယ့်နွေ အတွက် ကတိပေးခဲ့တဲ့ အာဆင်နယ်
အာဆင်နယ်ဟာ ယခုနွေရာသီမှာ ယူရို ၃၅ သန်းနဲ့ ကမ်းလှမ်းမှု ငြင်းပယ်ခံခဲ့ရပြီးနောက် လာမယ့်နှစ်မှာ အူစမန်နီ ဒီယိုမန်ဒီကို ခေါ်ယူဖို့ ကမ်းလှမ်းမှု အသစ်နဲ့ ပြန်လာခဲ့မယ်လို့ စပို့တင်း လစ္စဘွန်းကို ကတိပေးခဲ့ပါတယ်။
အသက် ၁၉ နှစ် အရွယ် ဗဟိုခံစစ် ကစားသမားဟာ ပေါ်တူဂီမှာ အငှားကစားသမား အဖြစ် မာဖရာမှာ ပထမရာသီဝက်ကို အထင်ကြီးဖွယ် ခြေစွမ်းပြသခဲ့ပြီးနောက် ဇန်နဝါရီလမှာ ဒိန်းမတ် ကလပ် ဖြစ်တဲ့ မစ်ဂျေးလန်း ကနေ စပို့တင်း လစ္စဘွန်းကို ယူရို ၇.၅ သန်းနဲ့ ပြောင်းရွှေ့ခဲ့သူ ဖြစ်ပါတယ်။ ပေါ်တူဂီကို ဒီယိုမန်ဒီ ပြောင်းရွှေ့ခဲ့တဲ့အချိန် ကတည်းက မီခဲလ် အာတေးတားက သဘောကျ နှစ်သက်နေခဲ့တာ ဖြစ်ပါတယ်။ ဒါကြောင့် အာဆင်နယ်ဟာ ယခုနွေရာသီ အပြောင်းအရွှေ့ကာလ အတွင်းမှာ စပို့တင်းကို ချဉ်းကပ်ခဲ့တာ ဖြစ်ပါတယ်။
Record ရဲ့ သတင်းအရ ဂန်းနားတွေဟာ စပို့တင်းကို အိုင်ဗရီကို့စ် နောက်ခံလူ အတွက် ချက်ချင်းပဲ အမြတ်ထွက်စေမယ့် ယူရို ၃၅ သန်းနဲ့ ကမ်းလှမ်းခဲ့ပေမယ့်လည်း ပေါ်တူဂီ ကလပ်က လျင်လျင်မြန်မြန်ပဲ ငြင်းပယ်ခဲ့တာ ဖြစ်ပါတယ်။ ဒါကြောင့် အာဆင်နယ်ဟာ ၎င်းတို့ရဲ့ စိတ်ဝင်စားနေမှုကို အချိန်တစ်ခု အထိ အဆုံးသတ်သွားမှာ ဖြစ်ပေမယ့်လည်း လာမယ့်နွေရာသီမှာ ကမ်းလှမ်းမှုအသစ်နဲ့ ပြန်လာမယ်လို့ သတင်းတွေက ဖော်ပြခဲ့ပြီး ဒီယိုမန်ဒီဟာ ယူရိုပါလိဂ်မှာ ဂန်းနားတွေနဲ့ ရင်ဆိုင်ကစားခဲ့တဲ့ ပွဲမှာ ပထမဆုံး ဥရောပပွဲဦးထွက် ပါဝင်ကစားပေးခဲ့တာ ဖြစ်ပါတယ်။
လေ့ကျင့်ကွင်းမှာ ပြန်လည် မြင်တွေ့ခဲ့ရတဲ့ ချဲလ်ဆီး ကြယ်ပွင့်
ဘီနွိုက် ဘာဒီယာရှီလေဟာ လေ့ကျင့်ရေး ပြန်ဆင်းနေပြီ ဖြစ်တာကြောင့် ပရီးမီးယားလိဂ် ထိပ်သီး ချဲလ်ဆီးတို့ အတွက် ကြီးမားတဲ့ အားတက်စရာ ဖြစ်လာခဲ့ပြီ ဖြစ်ပါတယ်။ ချဲလ်ဆီး နောက်ခံလူဟာ ရာသီကြိုမှာ ရခဲ့တဲ့ တံကောက်ကြော ဒဏ်ရာကြောင့် ယခုရာသီအစကို လွဲချော်ခဲ့သူ ဖြစ်ပြီး ပြင်သစ်နောက်ခံလူဟာ ပြီးခဲ့တဲ့ရာသီကုန်တုန်းက ပေါင်ခြံ ဒဏ်ရာရရှိခဲ့တာ ဖြစ်ပါတယ်။
ဝက်စ်လေ ဖိုဖာနာနဲ့ သီယေဂို ဆေးလ်ဗား တို့ကလည်း ဒဏ်ရာကြောင့် ပါဝင်ကစားပေးနိုင်ခြင်း မရှိတာကြောင့် ပိုချက်တီနိုဟာ ခံစစ်ပိုင်းမှာ အပြောင်းအလဲ ပြုလုပ်ဖို့ ရွေးချယ်စရာမရှိ ဖြစ်နေတာပါ။ ဒါပေမယ့်လည်း နိုင်ငံတကာပွဲစဉ် အားလပ်ရက်ဟာ ချဲလ်ဆီး အတွက် ဒဏ်ရာရကစားသမားတွေ ပြန်လာနိုင်ဖို့ အခွင့်အရေးကောင်း ဖြစ်ခဲ့ပြီး ရီးစ် ဂျိမ်းစ် ကလည်း အပေါ့စား လေ့ကျင့်ခန်းတွေ ပြန်လုပ်နေသလို ဘာဒီယာရှီလေလည်း အသင်းဖော်တွေနဲ့ လေ့ကျင့်ရေး ပြန်ဆင်းနေတာကို မြင်တွေ့ခဲ့ရတာ ဖြစ်ပါတယ်။
ချဲလ်ဆီး နောက်ခံလူဟာ အသင်း အတွက် ပြန်လည် ပါဝင်ကစားပေးနိုင်ဖို့ အနည်းဆုံး ၂ ပတ်လောက် လိုဦးမှာ ဖြစ်ပေမယ့်လည်း ပိုချက်တီနို အတွက်တော့ အားတက်စရာ ဖြစ်လာခဲ့ပြီး လာဗီယာ ကတော့ ဓာတ်မှန်ရိုက်ပြီးနောက် ခြေကျင်းဝတ် အရွတ်ပျက်စီးသွားတာကို တွေ့ရှိခဲ့ရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
