ပရီးမီးယားလိဂ်ကလပ်ချဲလ်ဆီးတိုက်စစ်မှူးနီကိုးလပ်စ်ဂျက်ဆန်ကတော့နောက်ပိုင်းပွဲစဉ်တွေမှာတောက်လျောက်ဂိုးပေါက်လွဲချော်ပြီးဂိုးသွင်းအားလည်းကျဆင်းနေခဲ့ပါတယ်။ဆီနီဂေါလက်ရွေးစင်တိုက်စစ်မှူးနီကိုးလပ်စ်ဂျက်ဆန်ဟာချဲလ်ဆီးအတွက်နောက်ဆုံး၅ပွဲဆက်ဂိုးသွင်းယူနိုင်ခြင်းမရှိခဲ့ပဲသလိုသူဂိုးပေါက်ပျောက်ခဲ့တဲ့၅ပွဲစလုံးချဲလ်ဆီးတို့နိုင်ပွဲတွေပျောက်ခဲ့ရပါတယ်။
နီကိုးလပ်စ်ဂျက်ဆန်ဟာနောက်ဆုံးကစားခဲ့တဲ့ဘုန်းမောက်နဲ့၂ဂိုးစီသရေကျခဲ့တဲ့ပွဲစဉ်မှာတော့ဂိုးဖန်တီးမှု၁ကြိမ်ပြုလုပ်နိုင်ခဲ့ပါတယ်။ဒါပေမယ့်လည်းအခုလိုဂိုးသွင်းအားကျဆင်းနေတဲ့နီကိုးလပ်စ်ဂျက်ဆန်ဘက်ကနေနည်းပြဖြစ်သူအန်ဇိုမာရက်စ်ကာကတော့ကာကွယ်ပြောဆိုလိုက်ပြီးလက်ရှိဇန်နဝါရီဈေးကွက်အတွင်းမှာလည်းတိုက်စစ်မှူးသစ်ခေါ်ယူအားဖြည့်ဖို့မလိုအပ်ကြောင်းပြောကြားသွားခဲ့ပါတယ်။
မီဒီယာတွေကမာရက်စ်ကာကိုဆောင်းရာသီဈေးကွက်မှာတိုက်စစ်မှူးသစ်ခေါ်ယူဖို့ရှိလားလို့မေးမြန်းခဲ့ရာမှာ “မခေါ်ယူပါဘူး။ဘာလို့လဲဆိုတော့နည်းနည်းပိုကံကောင်းတယ်လို့ကျွန်တော်ထင်မိပါတယ်။ကျွန်တော်တို့ကရလာတဲ့အခွင့်အရေးတွေကပြောင်းလဲနိုင်ပြီးတော့ဂိုးတွေများစွာကိုလည်းသွင်းယူနိုင်ပါတယ်။ဒါကြောင့်ဂိုးသွင်းအားကောင်းတဲ့တိုက်စစ်မှူးတစ်ဦးကိုမလိုအပ်သေးပါဘူး။လက်ရှိမှာဂိုးပေါက်ပျောက်နေတဲ့ကစားသမားကတော့နီကိုးလ်ဖြစ်ပါတယ်။သူကဂိုးပေါက်ပျောက်နေပေမယ့်ပွဲအတွင်းသူရဲ့လုပ်အားနှုန်းကအံ့မခန်းပါပဲ။ဒါကြောင့်နီကိုးလ်လည်းမကြာခင်မှာပဲဂိုးတွေပြန်လည်သွင်းယူနိုင်တော့မယ်ဆိုတာသံသယဖြစ်စရာမရှိပါဘူး။”လို့ဖြေကြားသွားခဲ့ပါတယ်။
ချဲလ်ဆီးဟာဒီရာသီပရီးမီးယားလိဂ်မှာလစ်ဗာပူးလ်၊မန်ချက်စတာစီးတီးနဲ့အာဆင်နယ်ပြီးရင်စတုတ္ထမြောက်တိုက်စစ်အကောင်းဆုံးအသင်းဖြစ်ပါတယ်။ဒါ့အပြင်နီကိုးလပ်စ်ဂျက်ဆန်ကဒီရာသီမှာ၉ဂိုးသွင်းယူထားနိုင်ခဲ့ပြီးနောက်ပိုင်းပွဲစဉ်တွေမှာတော့ဂိုးရဖို့ရုန်းကန်လာခဲ့ရတာဖြစ်ပါတယ်။ပရီးမီးယားလိဂ်ကလပ်ချဲလ်ဆီးကလက်ရှိအပြောင်းအရွှေ့ဈေးကွက်ထဲမှာကစားသမားအများအပြားကိုခေါ်ယူဖို့သတင်းတွေထွက်ပေါ်နေပါတယ်။ဒါပေမယ့်လည်းချဲလ်ဆီးကခရစ္စတယ်ပဲလေ့စ်ဆီအငှားချထားတဲ့နောက်ခံလူချာလိုဘာကိုအငှားစာချုပ်ဖျက်သိမ်းပြီးပြန်လည်ခေါ်ယူထားခဲ့ပါတယ်။ဒါ့အပြင်ချဲလ်ဆီးကအသင်းမှာရှိတဲ့ကစားသမားတချို့ကိုအငှားနဲ့ထွက်ခွာခွင့်ပေးသွားဖို့ရှိနေတယ်လို့သိရပါတယ်။
ချဲလ်ဆီးဟာလက်ရှိပရီးမီးယားလိဂ်အမှတ်ပေးဇယားအဆင့်၆နေရာမှာရမှတ်၃၇မှတ်နဲ့ရပ်တည်နေပါတယ်။ချဲလ်ဆီးဟာအစောပိုင်းကပရီးမီးယားလိဂ်ချန်ပီယံပြေးလမ်းထဲမှာရှိခဲ့ပေမယ့်နောက်ဆုံး၅ပွဲဆက်နိုင်ပွဲပျောက်ခဲ့ခြင်းနဲ့အတူဇယားထိပ်ကအသင်းတွေနဲ့လည်းရမှတ်ကွာဟချက်များပြားလာပြီဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
