ဒီတစ်ခါ မှာတော့ စက်တင်ဘာလ ၁၃ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
နည်းပြ အလုပ်ကို ငြင်းပယ်ခဲ့ပြီးနောက် အိုးထရက်ဖို့ဒ် ပြန်လာနိုင်ချေကို ပြောပြခဲ့တဲ့ ဆိုးလ်ရှား
အိုလီဂန်နာ ဆိုးလ်ရှားဟာ နော်ဝေ အမျိုးသမီး အသင်းရဲ့ နည်းပြ ရာထူး အတွက် ကမ်းလှမ်းမှုကို ငြင်းပယ်ခဲ့ပြီးနောက် နည်းပြ အလုပ်ကို ပြန်လည် လုပ်ကိုင်ဖို့ အတွက် အဆင်သင့် မဖြစ်သေးဘူးလို့ ဝန်ခံ ပြောကြားခဲ့ပါတယ်။
အသက် ၅၀ အရွယ် ရှိပြီ ဖြစ်တဲ့ ဆိုးလ်ရှားဟာ ၂၀၂၁ ခုနှစ် နိုဝင်ဘာလမှာ မန်ချက်စတာယူနိုက်တက် နည်းပြ ရာထူး ကနေ ထုတ်ပယ်ခံခဲ့ရပြီးကတည်းက အသင်းလက်မဲ့ ဖြစ်နေခဲ့သူပါ။ ပရီးမီးယားလိဂ် ကလပ် အသင်းအချို့နဲ့ သတင်းတွေ ထွက်ပေါ်ခဲ့ပေမယ့် အမှန်တကယ် ဖြစ်မလာခဲ့တာ ဖြစ်ပါတယ်။ ဆိုးလ်ရှားကို နော်ဝေ အက်ဖ်အေ ကလည်း အမျိုးသမီး အသင်း နည်းပြ အဖြစ် တာဝန်ယူ ကိုင်တွယ်ပေးဖို့ ချဉ်းကပ်ခဲ့ပေမယ့်လည်း ငြင်းပယ်ခဲ့ပြီး မန်ချက်စတာယူနိုက်တက် ဂန္တဝင်က နည်းပြ အလုပ်ကို ပြန်လည် လုပ်ကိုင်ဖို့ အဆင်သင့်မဖြစ်သေးဘူး ဆိုတဲ့ အကြောင်းပြချက်နဲ့ ငြင်းပယ်ခဲ့တာ ဖြစ်ပါတယ်။
ကာတာဘဏ် ဥက္ကဌ ရှိတ်ခ် ဂျက်ဆင်း ဘင်ဟာမက် အယ်လ်သာနီက မန်ချက်စတာယူနိုက်တက်ကို လက်လွှဲဝယ်ယူမှု အောင်မြင်ပြီး အိုးထရက်ဖို့ဒ်ကို အမှန်တကယ် ရောက်ရှိလာမယ် ဆိုရင် သရဲနီဂန္တဝင်ကို ပြန်လည် ခေါ်ယူသွားဖို့ စီစဉ်နေတာဖြစ်ပြီး ဂလေဇာ မိသားစုက မမဆောင်းဆန်နေတာကြောင့် အသင်းရောင်းချမယ့် လုပ်ငန်းစဉ်ဟာ နိဋ္ဌိတံသွားခဲ့တာ ဖြစ်ပါတယ်။
အိုဒီဂတ်ကို စာချုပ်သစ်ချုပ်ဖို့ ပြင်ဆင်နေတဲ့ အာဆင်နယ်
ပရီးမီးယားလိဂ် ကလပ် အာဆင်နယ်ဟာ သိပ်မကြာခင် အနာဂတ်မှာ အသင်းခေါင်းဆောင် မာတင် အိုဒီဂတ်ကို စာချုပ်သစ် ကမ်းလှမ်းသွားဖို့ ရည်မှန်းထားတယ်လို့ သတင်းတွေအရ သိရပါတယ်။
အိုဒီဂတ်ရဲ့ လက်ရှိ စာချုပ်သက်တမ်းဟာ ၂၀၂၅ ခုနှစ်မှာ သက်တမ်းကုန်ဆုံးမှာ ဖြစ်ပါတယ်။ အာတေးတားက ဂန်းနား အသင်းခေါင်းဆောင်ကို အခြား အဓိက ကစားသမားတွေကို လုပ်ခဲ့တဲ့ အတိုင်းပဲ စာချုပ်သစ် ချုပ်ဆိုပြီး အသင်းမှာ ကာလရှည် ဆက်ရှိနေစေချင်တာ ဖြစ်ပါတယ်။
ပြီးခဲ့တဲ့လ အနည်းငယ် အတွင်း ဂန်းနားတွေဟာ အာရွန် ရမ်းစ်ဒေးလ်၊ ဝီလီယံ ဆာလီဘာ၊ ဘူကာယို ဆာကာနဲ့ မာတီနယ်လီ တို့ကို စာချုပ်သစ်တွေ ချုပ်ဆိုခဲ့တာဖြစ်ပြီး လက်ရှိမှာတော့ အသင်းခေါင်းဆောင် အိုဒီဂတ်ကို ကာလရှည် စာချုပ်သစ် ချုပ်ဆိုဖို့ အတွက် ပြောဆိုဆွေးနွေးမှုတွေ ဆက်လက် လုပ်ဆောင်သွားဖို့ ပြင်ဆင်နေတယ်လို့ ဖက်ဘရီဇီယို ရိုမာနိုက ပြောကြားခဲ့ပါတယ်။
ဆယ်ကျော်သက် နောက်ခံလူကို လစ်ဗာပူးလ်၊ ချဲလ်ဆီးတို့ထက် လက်ဦးမှုရယူနိုင်ခဲ့တဲ့ စပါး
တော့တင်ဟမ်ဟော့စပါးဟာ အလားအလာများစွာရှိသူ အဖြစ် သတ်မှတ်ခံထားရတဲ့ အသက် ၁၆ နှစ် အရွယ် နောက်ခံလူ လူကာ ဗပ်စ်ကိုဗစ်ကို ခေါ်ယူမယ့် ပြိုင်ပွဲထဲမှာ ချဲလ်ဆီးနဲ့ လစ်ဗာပူးလ် တို့လို အသင်းတွေကို အလဲထိုးနိုင်ခဲ့တယ်လို့ သိရပါတယ်။
ဒါပေမယ့်လည်း ဗပ်စ်ကိုဗစ်ဟာ ၂၀၂၅ ခုနှစ် နွေရာသီမတိုင်ခင် အထိ မြောက်လန်ဒန်ကို ပြောင်းရွှေ့လာလို့ ရဦးမှာ မဟုတ်သေးဘဲ အရပ် ၆ ပေ ၄ လက်မ ရှိတဲ့ နောက်ခံလူဟာ ဖေဖော်ဝါရီလမှာ ဟာဒွတ် စပလစ် အသင်း အတွက် ပွဲဦးထွက်ခွင့်ရခဲ့တဲ့ အချိန် ကတည်းက ဥရောပ အသင်းကြီးတွေ အများအပြားရဲ့ စိတ်ဝင်စားခြင်းခံခဲ့ရတာ ဖြစ်ပါတယ်။ မိခင်ကလပ် အတွက် ပွဲဦးထွက် ပွဲစဉ်ကို ဗပ်စ်ကိုဗစ်က အသက် ၁၆ နှစ်ပြည့်ဖို့ ၂ ရက် အလိုမှာ ပါဝင်ကစားပေးခဲ့တာ ဖြစ်ပါတယ်။ အဲဒီအချိန်ကတည်းက ၁၁ပွဲ ပါဝင် ကစားပေးခဲ့ရာမှာ ပြီးခဲ့တဲ့ရာသီ ခရိုအေးရှား ဖလား ရရှိအောင် ကူညီပေးနိုင်ခဲ့တာ ဖြစ်ပါတယ်။
ဗပ်စ်ကိုဗစ်ဟာ ခရိုအေးရှားရဲ့ လူငယ်အသင်းတွေ မှာလည်း အဆင့်ဆင့် ပါဝင်ကစားပေးခဲ့သူ ဖြစ်ပါတယ်။ အနာဂတ် စူပါစတား အဖြစ် ကျယ်ကျယ်ပြန့်ပြန့် ယူဆခြင်းခံခဲ့ရတဲ့ အသက် ၁၆ နှစ် အရွယ် ကစားသမားကို မန်စီးတီး၊ ပီအက်စ်ဂျီ၊ လစ်ဗာပူးလ်၊ ချဲလ်ဆီးတို့လို အသင်းတွေက စိတ်ဝင်စားခဲ့ပေမယ့် စပါးစ်က ပေါင် ၁၂ သန်းနဲ့ ခေါ်ယူဖို့ သဘောတူညီမှု ရရှိခဲ့ပြီလို့ Evening Standard က ဖော်ပြခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
