ဒီတစ်ခါ မှာတော့ ဩဂုတ်လ ၁၀ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ရာယာကို ခေါ်ခဲ့တဲ့ အာတေးတားကို ဝေဖန်လိုက်တဲ့ ရှမိုက်ကယ်
ပီတာ ရှမိုက်ကယ်က ဘရန့်ဖို့ဒ် ဂိုးသမား ဒါးဗစ် ရာယာကို ခေါ်ယူခဲ့တဲ့ အာတေးတားရဲ့ ဆုံးဖြတ်ချက်ကို ဝေဖန် ပြစ်တင်ခဲ့ပါတယ်။ ရာယာဟာ ယနေ့မှာ ပရီးမီးယားလိဂ် ထိပ်သီး အာဆင်နယ်နဲ့ ဆေးစစ်မှု ခံယူသွားမှာ ဖြစ်ပါတယ်။ အာတေးတားရဲ့ အသင်းက ဘရန့်ဖို့ဒ်ကို ပေါင်သန်း ၃၀ ပေးချေဖို့ သဘောတူညီမှု ရရှိခဲ့တာ ဖြစ်ပါတယ်။
ဒါပေမယ့်လည်း မန်ချက်စတာယူနိုက်တက် ဂန္တဝင် ရှမိုက်ကယ်က အားကောင်းတဲ့ ဂိုးသမား ၂ ဦးကို လူစာရင်းထဲမှာ အတူတူထားတာက အဝတ်လဲခန်းထဲမှာ ဆိုးရွားတဲ့ ပတ်ဝန်းကျင် တစ်ခုကို ဖန်တီးတာ ဖြစ်လိမ့်မယ်လို့ အာတေးတားရဲ့ ဆုံးဖြတ်ချက်ကို ဝေဖန်ပြစ်တင်ခဲ့တာ ဖြစ်ပါတယ်။
လူကာကူကို အသင်းမှာ ဆက်ထားရမယ့်ကိန်းဆိုက်နေတဲ့ ချဲလ်ဆီး
လူကာကူဟာ ဂျူဗင်တပ်နဲ့ သဘောတူညီမှု ရရှိခဲ့ပြီး ဖြစ်ပေမယ့်လည်း စီးရီးအေ ကလပ်က ချဲလ်ဆီးနဲ့ သဘောတူညီမှု ရရှိခြင်း မရှိသေးတာ ဖြစ်ပါတယ်။ ချဲလ်ဆီးက ဂျူဗင်တပ်ကို ဗလာဟိုဗစ် အတွက် စျေးမလျှော့ပေးဘူး ဆိုရင် အပြောင်းအရွှေ့ ပြုလုပ်တော့မှာ မဟုတ်ဘူးလို့ ပြောကြားခဲ့တယ်လို့ Sky Sport Italia က ဖော်ပြခဲ့ပါတယ်။
ဂျူဗင်တပ်စ်က လူကာကူ အပါအဝင် ဗလာဟိုဗစ် အတွက် ပြောင်းရွှေ့ကြေးကို ယူရိုသန်း ၄၀ တောင်းဆိုနေတာ ဖြစ်ပြီး ချဲလ်ဆီးက ယူရို ၂၅ သန်းနဲ့ ထပ်ဆောင်း ပေးချေမှု ပါဝင်တဲ့ ကမ်းလှမ်းမှုထက် ပိုမိုပေးချေလိုတဲ့ ဆန္ဒမရှိတာ ဖြစ်ပါတယ်။
အဲဗာတန် ကြယ်ပွင့်အစား အမ်မရာဘတ် ကိုပဲ ခေါ်ယူမယ့် မန်ယူနိုက်တက်
ပရီးမီးယားလိဂ် ကလပ် မန်ချက်စတာယူနိုက်တက်ဟာ အဲဗာတန် ကွင်းလယ် ကြယ်ပွင့် အမာဒူ အိုနာနာကို မခေါ်ယူတော့ဘဲ ဖီအိုရင်တီးနား ကြယ်ပွင့် ဆိုဖရန် အမ်မရာဘတ် ကိုပဲ အာရုံစိုက်သွားမယ်လို့ သိရပါတယ်။
မန်ချက်စတာယူနိုက်တက်က ကာလရှည် စောင့်ဆိုင်းခဲ့ရတဲ့ ဖီအိုရင်တီးနား ကွင်းလယ်လူ အမ်မရာဘတ်ကို သိပ်မကြာခင်အချိန် အတွင်း ခေါ်ယူသွားတော့မယ်လို့ Daily Mail က ဖော်ပြခဲ့ပါတယ်။ မန်ချက်စတာယူနိုက်တက်ဟာ ကစားသမား ရောင်းချမှုတွေ ပြုလုပ်နေတာ ဖြစ်ပြီး ဖီအိုရင်တီးနားက လာမယ့် အပတ်မှာ မန်ချက်စတာယူနိုက်တက်က ဆွေးနွေးညှိနှိုင်းမှုတွေ နောက်ထပ်တစ်ဆင့် တက်လာမယ်လို့ မျှော်မှန်းနေတာ ဖြစ်ပါတယ်။
မန်ချက်စတာယူနိုက်တက်က ပြီးခဲ့တဲ့ရာသီမှာ အထင်ကြီးဖွယ် ခြေစွမ်းပြခဲ့တဲ့ အဲဗာတန် ကွင်းလယ်လူ အမာဒူ အိုနာနာကို ခေါ်ယူဖို့ စဉ်းစားခဲ့ပေမယ့် ဘယ်လ်ဂျီယမ်ကွင်းလယ်လူက ပြီးခဲ့တဲ့နွေရာသီကမှ အဲဗာတန်ကို ပေါင် ၃၃ သန်းနဲ့ ရောက်ရှိလာခဲ့သူ ဖြစ်ပါတယ်။ ဒါကြောင့် ပြောင်းရွှေ့ကြေးက အမ်မရာဘတ်ထက် သိသိသာသာ များပြားမှာ ဖြစ်တာကြောင့် မခေါ်ယူဖို့ ဆုံးဖြတ်ခဲ့တာလို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
