ဟယ်ရီကိန်းကို ထိန်းချုပ်ပြခဲ့တဲ့ ခါဂျာ ချီးကျူးခံနေရ၊ နာပိုလီ ချန်ပီယံလိဂ် ဖလား ရမယ်လို့ ဆိုလိုက်တဲ့ မန်စီးတီး နောက်ခံလူဟောင်း စတဲ့ သတင်းတွေ အပါအဝင် ဖေဖော်ဝါရီလ ၁၆ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ဟယ်ရီကိန်းကို ထိန်းချုပ်ပြခဲ့တဲ့ ခါဂျာ ချီးကျူးခံနေရ
အီတလီ ကြယ်ပွင့်ဟောင်း ပေါ်လို ဒီကာနီယိုက အေစီမီလန်နဲ့ တော့တင်ဟမ်ဟော့စပါး တို့ရဲ့ ချန်ပီယံလိဂ် ရှုံးထွက် (၁၆) သင်း အဆင့် ပွဲစဥ် ပထမအကျော့မှာ ပြိုင်ဘက် တိုက်စစ်မှူး ဟယ်ရီကိန်းကို ထိန်းချုပ်ပြခဲ့တဲ့ ဆိုင်မွန် ခါဂျာနဲ့ ပတ်သက်လို့ ချီးကျူးစကား ပြောခဲ့ပါတယ်။
အဆိုပါပွဲမှာ စီးရီးအေ ကလပ် အေစီမီလန်က စပါးကို အိမ်ကွင်းမှာ ဘရာဟင်မ် ဒီယက်ဇ်ရဲ့ တစ်လုံးတည်းသော သွင်းဂိုးနဲ့ အနိုင်ရရှိခဲ့ပြီး ကွာတားဖိုင်နယ် အတွက် အခြေအနေ ကောင်းသွားခဲ့ပါတယ်။
ဒီကာနီယိုက အေစီမီလန် အတွက် ဂုဏ်ယူကြောင်း၊ တစ်ယောက်ချင်း အကောင်းဆုံး ထိန်းချုပ်နိုင်ခဲ့ကြောင်း၊ ဟယ်ရီကိန်းကို စိုးရိမ်ခဲ့ပေမယ့် ခါဂျာက သူ့ရဲ့ အတွေ့အကြုံနဲ့ ပြိုင်ဘက်ကို ထိန်းချုပ်ပြီး ကစားကွက်ကို ပြန်လည် စတင်နိုင်ခဲ့ကြောင်း ချီးကျူးသွားခဲ့တာ ဖြစ်ပါတယ်။
နာပိုလီ ချန်ပီယံလိဂ် ဖလား ရမယ်လို့ မန်စီးတီး နောက်ခံလူဟောင်း ပြော
မန်ချက်စတာစီးတီး နောက်ခံလူဟောင်း မီကာ ရစ်ချက်က စီးရီးအေ ကလပ် နာပိုလီကို ဒီရာသီ ချန်ပီယံလိဂ် ဖလား ရနိုင်တဲ့ အသင်း အဖြစ် သတ်မှတ်လိုက်ကြောင်း သိရပါတယ်။
နာပိုလီဟာ ဒီနှစ် ဘောလုံးရာသီမှာ တိုက်စစ်မှူး ဗစ်တာ အိုဆင်ဟန် အပါအဝင် အခြားသော ကြယ်ပွင့် ကစားသမားတွေရဲ့ ခြေစွမ်းပြမှုနဲ့ စီးရီးအေ မှာရော၊ ချန်ပီယံလိဂ် မှာပါ ခြေစွာနေတဲ့ အသင်း တစ်သင်းပါ။
ဒါ့အပြင် နာပိုလီရဲ့ လက်ရှိ ခြေစွမ်းကြောင့် ဒီနှစ် ချန်ပီယံလိဂ် ဖလား ရနိုင်ချေ ရှိတဲ့ အသင်းတွေ ထဲမှာ အဆင့် (၅) နေရာ အတွင်း ထည့်သွင်း သတ်မှတ်ခံထားရပါတယ်။
ရစ်ချက်ကလည်း နာပိုလီ ချန်ပီယံလိဂ် ဖလား ရနိုင်တယ်လို့ ထင်ကြောင်း၊ သူတို့ရဲ့ စွမ်းဆောင်ရည်က ကောင်းမွန်ပြီး ရေပန်း အရမ်းမစားသည့်တိုင် လက်ရှိ ခြေစွမ်းအရ နာပိုလီက ချန်ပီယံလိဂ်မှာ ချန်ပီယံ ဖြစ်နိုင်ကြောင်း ပြောကြားသွားခဲ့ပါတယ်။
ဆမ်ဒိုးရီးယားကို ပြောင်းရွှေ့ခွင့်ရတဲ့ အပေါ် ပျော်ရွှင်နေတဲ့ ဟယ်လ်ဆေး
ရီးရဲလ်မက်ဒရစ်နဲ့ ပီအက်စ်ဂျီ တို့ရဲ့ တိုက်စစ်မှူးဟောင်း ဟယ်လ်ဆေး ရိုဒရီဂွက်ဇ်က စီးရီးအေ ကလပ် ဆမ်ဒိုးရီးယားကို ပြောင်းရွှေ့ခွင့် ရတဲ့ အပေါ် ပျော်ရွှင်နေကြောင်း ဖွင့်ဟခဲ့ပါတယ်။
အသက် (၂၉) နှစ်အရွယ် အဆိုပါ တိုက်စစ်မှူးဟာ တူရကီကလပ် အန်ကာရာဂျူကျူ ကနေ ထွက်ခွာခဲ့ပြီးနောက် ရာသီကုန် အထိ ဆမ်ဒိုးရီးယားကို အလွတ် ပြောင်းရွှေ့ကြေးနဲ့ ရောက်ရှိလာခဲ့တာ ဖြစ်ပါတယ်။
ဟယ်လ်ဆေးက ဆမ်ဒိုးရီးယားမှာ ရှိနေရတဲ့ အတွက် ပျော်ရွှင်မိကြောင်း၊ အခွင့်အရေး ရလာချိန်မှာ နှစ်ခါပြန် မစဥ်းစားခဲ့မိကြောင်း၊ ဆမ်ဒိုးရီးယား ပွဲတွေကို အများအပြား ကြည့်ဖြစ်ခဲ့ကြောင်းနဲ့ လူတိုင်းက ကြိုဆိုခဲ့ကြောင်း ပြောကြားခဲ့ပါတယ်။
ဆမ်ဒိုးရီးယား နည်းပြ ဒီဂျန် စတန်ကိုဗစ်နဲ့ လက်တွဲရမယ့် အပေါ် မှာလည်း နည်းပြနဲ့ စကားပြောပြီး ဖြစ်ကြောင်း၊ ကွင်းထဲမှာ ဘာလုပ်ရမယ် ဆိုတာ ကိုလည်း နည်းပြက ပြောထားကြောင်းနဲ့ သူကစားနိုင်တဲ့ နေရာ ကိုလည်း နည်းပြက သိထားကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
