အခုဆိုရင်တော့ လီယောင်နဲ့ အဆင်မပြေ ဖြစ်နေတယ် ဆိုတဲ့ သတင်းတွေကို ငြင်းဆန်လိုက်တဲ့ အေစီမီလန်၊ ရမှတ်လျှော့ ပြစ်ဒဏ် အတွက် အယူခံဝင်ခဲ့တဲ့ ဂျူဗင်တပ်စ် စတဲ့ သတင်းတွေ အပါအဝင် ဖေဖော်ဝါရီလ ၁ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
လီယောင်နဲ့ ပတ်သက်တဲ့ သတင်းတွေကို ငြင်းဆန်လိုက်တဲ့ အေစီမီလန်
စီးရီးအေ ကလပ် အေစီမီလန် အသင်း ကတော့ သူတို့ရဲ့ အဓိက တိုက်စစ်မှူး ရာဖေးလ် လီယောင်နဲ့ စာချုပ်သစ် ဆွေးနွေးမှု ကိစ္စရပ် အားလုံး အဆင်မပြေ ဖြစ်ခဲ့တယ် ဆိုတဲ့ သတင်းတွေ အားလုံးကို ငြင်းဆန်သွားခဲ့ပါတယ်။
ပေါ်တူဂီ တိုက်စစ်မှူးဟာ လက်ရှိမှာ ဥရောပ ထိပ်တန်းအသင်းကြီးတွေရဲ့ ပစ်မှတ်ထား စောင့်ကြည့်ခြင်းကို ခံနေရတဲ့ ကစားသမား တစ်ဦး ဖြစ်ပါတယ်။ အသင်းရဲ့ အားကစား ဒါရိုက်တာ မာလ်ဒီနီနဲ့ လီယောင်တို့ အကြားမှာ ပြဿနာ ဖြစ်ပွားခဲ့တယ် ဆိုတဲ့ သတင်းတွေ ထွက်ပေါ်နေခဲ့ပြီး ချက်ချင်းပဲ အေစီမီလန် ဘက်က ငြင်းဆန်လိုက်တာ ဖြစ်ပါတယ်။
အေစီမီလန်က လီယောင်နဲ့ ပတ်သက်တဲ့ သတင်းတွေက မှားယွင်းနေကြောင်း၊ ဒါက ကစားသမားနဲ့ အသင်းရဲ့ ပုံရိပ်ကို ထိပါးစေကြောင်းနဲ့ အသင်းဘက်က စာချုပ်သစ် အတွက် ပရော်ဖက်ရှင်နယ်ဆန်ဆန် ဆွေးနွေးလျက် ရှိနေကြောင်း အတည်ပြုခဲ့ပါတယ်။
ပီအက်စ်ဂျီနဲ့ သတင်းထွက်နေတဲ့ ရှက်ခရီညာကို နောင်တရမယ်လို့ ဆိုလိုက်တဲ့ မာတာရာဇီ
စီးရီးအေ ကလပ် အင်တာမီလန် ကနေ ပီအက်စ်ဂျီကို သေချာပေါက် ပြောင်းရွှေ့တော့မယ်လို့ သတင်းတွေ ထွက်နေတဲ့ နောက်ခံလူ မီလန် ရှက်ခရီညာ အနေနဲ့ နောင်တရလိမ့်မယ်လို့ အသင်းရဲ့ ဂန္တဝင် ဖြစ်တဲ့ မာကို မာတာရာဇီက သတိပေး ပြောကြားလိုက်တယ်။
ရှက်ခရီညာဟာ လာမယ့် နွေရာသီမှာ အင်တာမီလန်နဲ့ စာချုပ် သက်တမ်း ကုန်ဆုံးမှာ ဖြစ်ပြီး ပြင်သစ် ထိပ်သီး ပီအက်စ်ဂျီက ပြီးခဲ့တဲ့ နွေရာသီကတည်းက ဒီကစားသမားကို ခေါ်ယူဖို့ ပစ်မှတ်ထားနေခဲ့တာ ဖြစ်ပါတယ်။ ဆလိုဗက်ကီးယား ခံစစ်မှူးကို အရ ခေါ်ယူနိုင်ဖို့ ပီအက်စ်ဂျီက တောက်လျောက် ကြိုးပမ်းနေခဲ့တာ ဖြစ်ပြီး ကစားသမား ကိုယ်တိုင် ကလည်း စိန်ခေါ်မှု အသစ်တွေ ရှာဖွေချင်နေခဲ့တာ ဖြစ်ပါတယ်။
ရမှတ်လျှော့ ပြစ်ဒဏ် အတွက် အယူခံဝင်ခဲ့တဲ့ ဂျူဗင်တပ်စ်
ဂျူဗင်တပ်စ်ဟာ သူတို့ အသင်း လက်တလော ကျခံနေရတဲ့ (၁၅) မှတ်လျှော့ ပြစ်ဒဏ် အတွက် စီးရီးအေ အဖွဲ့ချုပ်ထံ အယူခံဝင်လိုက်တယ်လို့ သိရပါတယ်။
ဂျူဗင်တပ်စ်ဟာ ဘဏ္ဍာရေးဆိုင်ရာ ကိစ္စရပ်တွေ၊ ကစားသမား အရောင်းအဝယ်နဲ့ စာချုပ် ကိစ္စရပ်တွေမှာ မသမာမှုတွေ ကျူးလွန်ခဲ့တာကြောင့် အခုလိုမျိုး ပြစ်ဒဏ်ကို ဒီရာသီမှာတင် ချက်ချင်း ကျခံနေရတာ ဖြစ်ပါတယ်။ ဒါကြောင့်လည်း ဂျူဗင်တပ်စ်က လာမယ့် ရာသီ ဥရောပဝင်ခွင့် ရဖို့တောင် ခက်ခဲနေခဲ့ပြီး ဒီလိုမျိုး ပြင်းထန်တဲ့ ရမှတ်လျှော့ ပြစ်ဒဏ် အတွက် အယူခံဝင်ခဲ့တာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
