ရာသီသစ် မစခင်မှပဲ (၄) ပွဲ ပယ်ခံလိုက်ရတဲ့ စပယ်ရှယ်ဝမ်း၊ အန်ဒစ်ကာကို ခေါ်ယူနိုင်ခဲ့ပြီ ဖြစ်ကြောင်း တရားဝင် ကြေညာလိုက်တဲ့ ရိုးမား စရှိတဲ့ သတင်းတွေ အပါအဝင် ဇွန်လ ၂၃ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ရာသီသစ် မစခင်မှပဲ (၄) ပွဲ ပယ်ခံလိုက်ရတဲ့ စပယ်ရှယ်ဝမ်း
ရိုးမား နည်းပြ ဟိုဆေး မော်ရင်ဟိုဟာ ယူရိုပါလိဂ် ဗိုလ်လုပွဲ အပြီးမှာ ကွင်းလယ်ဒိုင် အန်သိုနီ တေလာကို စော်ကား ပြောဆိုခဲ့တာကြောင့် (၄) ပွဲ အပယ်ခံလိုက်ရကြောင်း သိရပါတယ်။ ဆီဗီလာကို အရေးနိမ့်ခဲ့တဲ့ အဆိုပါ ဗိုလ်လုပွဲအပြီးမှာ စီးရီးအေ ကလပ်ရဲ့ နည်းပြက ကားပါကင် အတွင်းမှာ စောင့်ဆိုင်းပြီး ကွင်းလယ်ဒိုင် အန်သိုနီ တေလာကို စော်ကြားပြောဆိုခဲ့တာ ဖြစ်ပါတယ်။
မော်ရင်ဟိုဟာ ကွင်းလယ်ဒိုင်လူကြီးတွေ စီးနင်းလာတဲ့ ကားမထွက်သွားခင်အချိန် အထိ ဆက်တိုက်ဆိုသလို ဆဲဆို ဝေဖန်ခဲ့ပြီး ဒီအတွက် သူ့ကို အရေးယူဖို့ ဒိုင်လူကြီးဟောင်းတွေ ကလည်း တောင်းဆိုခဲ့ပါတယ်။
လက်ရှိအချိန်မှာတော့ ယူအီးအက်ဖ်အေက မော်ရင်ဟိုကို ဥရောပပွဲ (၄) ပွဲ ပွဲပယ် ပြစ်ဒဏ် ချမှတ်ခဲ့ပြီး မော်ရင်ဟို အနေနဲ့ လာမယ့် ရာသီ ရိုးမားရဲ့ ဥရောပ အုပ်စု ပွဲစဉ် (၄) ပွဲကို လွဲချော်တော့မှာ ဖြစ်ပါတယ်။ ဒါ့အပြင် ယူအီးအက်ဖ်အေဟာ ရိုးမား အသင်း ကိုလည်း ဒဏ်ကြေးငွေ ယူရို (၅) သောင်းခွဲ ချမှတ်ခဲ့ပြီး အဝေးကွင်း ပွဲစဥ် တစ်ပွဲမှာ ပရိသတ်တွေ ဝင်ရောက် ကြည့်ရှုခွင့် ပိတ်ပင်တဲ့ ပြစ်ဒဏ်ကို ချမှတ်ခဲ့ပါတယ်။
အန်ဒစ်ကာကို ခေါ်ယူနိုင်ခဲ့ပြီ ဖြစ်ကြောင်း တရားဝင် ကြေညာလိုက်တဲ့ ရိုးမား
စီးရီးအေ ကလပ် ရိုးမားဟာ ဖရန့်ဖတ် ကစားသမား အီဗန် အန်ဒစ်ကာကို ခေါ်ယူနိုင်ကြောင်း တရားဝင် ကြေညာချက် ထုတ်ပြန်ခဲ့ပါတယ်။
အန်ဒစ်ကာဟာ ဖရန့်ဖတ် အတွက် ဘွန်ဒက်စ်လီဂါ ရာသီ (၅) ခု ဖြတ်သန်းခဲ့တဲ့ကာလ အတွင်း (၁၀) ဂိုးသွင်း၊ ဂိုးဖန်တီးမှု (၇) ကြိမ် ပြုလုပ်နိုင်ခဲ့ပါတယ်။ အဲ့ဒါကြောင့်လည်း မော်ရင်ဟိုက ဒီကစားသမားကို အရခေါ်ယူဖို့ အတွက် ပစ်မှတ်ထားခဲ့ပြီး ဖရန့်ဖတ်နဲ့ အန်ဒစ်ကာတို့ အကြား စာချုပ်သက်တမ်း ကုန်ဆုံးချိန် မှာတော့ အခုလိုမျိုးပဲ အလွတ် ပြောင်းရွှေ့ကြေးနဲ့ အရ ခေါ်ယူနိုင်ခဲ့တာ ဖြစ်ပါတယ်။
အေစီမီလန် ကွင်းလယ်လူကို ခေါ်ယူဖို့ ကမ်းလှမ်းလိုက်တဲ့ နယူးကာဆယ်
နယူးကာဆယ်ယူနိုက်တက်ဟာ အေစီမီလန် ကွင်းလယ်လူ ဆန်ဒရို တိုနာလီကို ခေါ်ယူဖို့ အတွက် စိတ်ဝင်စားနေကြောင်း သိရပါတယ်။ အသက် (၂၃) နှစ်အရွယ် အဆိုပါ ကွင်းလယ်လူဟာ လက်ရှိနွေ ရာသီမှာ အသင်းပြောင်းရွှေ့ဖို့ အတွက် သတင်းတွေ ထွက်ပေါ်နေပြီး နယူးကာဆယ်က ဒီကစားသမားကို စိတ်ဝင်စားနေတာပါ။
နယူးကာဆယ်အနေနဲ့ လာမယ့်ရာသီမှာ ချန်ပီယံလိဂ်ဝင်ခွင့် ရရှိထားတာကြောင့် အသင်းရဲ့ နေရာစုံကို အင်အားဖြည့်တင်းဖို့ လက်ရှိ နွေရာသီမှာ ပြင်ဆင်နေတာ ဖြစ်ပါတယ်။ သတင်းတွေရဲ့ ဖော်ပြချက်အရ ကနဦး ဆွေးနွေးမှုတွေမှာ နယူးကာဆယ်က အဆိုပါ ကွင်းလယ်လူအတွက် ပြောင်းရွှေ့ကြေး ပေါင်သန်း (၇၀) ဝန်းကျင်နဲ့ ကမ်းလှမ်းထားကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
