အီတလီမှာ ကစားရတာ တကယ် ခက်တယ်လို့ ညည်းတွားလိုက်တဲ့ ဒီမာရီယာ၊ ဂျူဗင်တပ်စ် ပစ်မှတ် တေးလီမန့်စ်ကို စိတ်ဝင်စားလာတဲ့ ဒေါ့မန် စတဲ့ သတင်းတွေ အပါအဝင် ဖေဖော်ဝါရီလ ၂၀ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
အီတလီမှာ ကစားရတာ တကယ် ခက်တယ်လို့ ညည်းတွားလိုက်တဲ့ ဒီမာရီယာ
ဂျူဗင်တပ်စ် တောင်ပံကစားသမား အိန်ဂျယ် ဒီမာရီယာ ကတော့ အီတလီမှာ ကစားရတာက ခက်ခဲလွန်းတယ်လို့ ပြောဆိုလိုက်ပါတယ်။ မနေ့ညက ကစားခဲ့တဲ့ စပီဇီယာနဲ့ ပွဲမှာ ဂျူဗီက ၂-၀ နဲ့ အနိုင်ရရှိခဲ့ပြီး ဒီမာရီယာက အနိုင်ဂိုး တစ်ဂိုး သွင်းပေးနိုင်ခဲ့ပါတယ်။ ဒါပေမယ့် သူက စီးရီးအေမှာ ကစားရတာ ထင်မှတ်တာထက် ပိုမို ခက်ခဲတယ်လို့ ဝန်ခံသွားခဲ့တာပါ။
“ အသင်းကို ကျနော် ကူညီချင်တယ်၊ ကျနော် ပွဲထွက်ကစားရရ၊ အရန်ခုံ ကနေပဲ ထလာပြီး ကစားရ ကစားရပါ၊ ဂိုးသွင်းနိုင်ခဲ့လို့လည်း ပျော်ရွှင်ရပါတယ်၊ ကျနော်တို့ ပွဲတွေ အများကြီး ကစားခဲ့ရလို့ နည်းနည်းတော့ ပင်ပန်းနေပါပြီ၊ အီတလီမှာ ကစားရတာက မလွယ်ပါဘူး၊ အထူးသဖြင့် တန်ပြန် တိုက်စစ်တွေ ကစားရတာက ပိုခက်ပါတယ်” လို့ သူက ပြောခဲ့တာပါ။
ရမှတ်လျှော့ ပြစ်ဒဏ်ကြောင့် ဂျူဗီဟာ လက်ကျန် ပွဲတွေကို နိုင်ပွဲ ရအောင် အစွမ်းကုန် ကြိုးစားနေရတာ ဖြစ်ပြီး အခုအခါမှာ ဆက်တိုက် ဆိုသလို အနိုင်ရရှိနေပြီ ဖြစ်ပါတယ်။ ဒါပေမယ့် ဥရောပဝင်ခွင့် အတွက်တော့ အလှမ်းဝေးနေဆဲ ဖြစ်ပြီး အနည်းဆုံးတော့ ယူရိုပါ ကွန်ဖရင့်လိဂ် ဝင်အောင် ကစားရမှာ ဖြစ်ပါတယ်။
မျက်လုံး ဒဏ်ရာ ရရှိသွားခဲ့တဲ့ အေဘရာဟမ်
အီတလီ စီးရီးအေ ကလပ် ရိုးမား အသင်း တိုက်စစ်မှူး တမ်မီ အေဘရာဟမ်ဟာ ဗီရိုနာနဲ့ ကစားခဲ့တဲ့ ပွဲမှာ မျက်လုံး ဒဏ်ရာရရှိသွားခဲ့ပါတယ်။ သူဟာ အသင်းဖော် မန်စီနီနဲ့ မတော်တဆ ထိခိုက်ခဲ့တာ ဖြစ်ပြီး ဒီဒဏ်ရာကြောင့် ဆက်မကစားနိုင်တော့လို့ လူစားလဲလှယ်ခဲ့ရကာ ကွင်းအတွင်း မှာပဲ ကုသမှုတွေ ခံယူခဲ့ရပါတယ်။
ဒီပွဲမှာ ရိုးမားက ၁-၀ နဲ့ အနိုင်ရရှိခဲ့ပြီး အေဘရာဟမ် မကစားနိုင်ချိန်မှာ အိုလာ ဆိုလ်ဘက်ကန်က အနိုင်ဂိုး သွင်းယူပေးခဲ့ပါတယ်။ ဒီနောက်မှာ အေဘရာဟမ်က သူ့ရဲ့ အင်စတာဂရမ် ကနေ ဓာတ်ပုံ တင်ခဲ့ပြီး သူ့ဒဏ်ရာက မကြာခင် သက်သာသွားလိမ့်မယ်လို့ ပရိသတ်တွေကို အသိပေးခဲ့ကာ အားပေးစကားတွေ အတွက် ကျေးဇူးတင်ကြောင်းလည်း ပြောဆိုခဲ့ပါတယ်။
“ အားပေးစကားတွေ အတွက် ကျေးဇူးတင်ပါတယ်၊ ကျနော် အဆင်ပြေသွားပါလိမ့်မယ်” လို့ သူက ရေးသားခဲ့ပါတယ်။ ရိုးမား ကတော့ အေဘရာဟမ်ရဲ့ မျက်ခုံး ဒဏ်ရာကို ချုပ်ခဲ့ရတယ်လို့ အတည်ပြုခဲ့ပြီး ကြီးမားတဲ့ ထိခိုက်မှု မရှိခဲ့ဘူးလို့ ဆိုပါတယ်။ ရိုးမား ကတော့ လာမယ့် သောကြာနေ့မှာ ဆဲလ်ဘာ့ဂျ် အသင်းနဲ့ ယူရိုပါလိဂ်ပွဲ ကစားရဖို့ ရှိပါတယ်။
ဂျူဗင်တပ်စ် ပစ်မှတ် တေးလီမန့်စ်ကို စိတ်ဝင်စားလာတဲ့ ဒေါ့မန်
အင်္ဂလန် ပရီးမီးယားလိဂ် ကလပ် လက်စတာစီးတီး အသင်းရဲ့ ကွင်းလယ်လူ ယူရီ တေးလီမန့်စ်ကို စိတ်ဝင်စားနေတဲ့ ဂျူဗင်တပ်စ် အတွက်တော့ ဒေါ့မန်က ပြိုင်ဘက် ဖြစ်လာခဲ့ပါပြီ။ လက်စတာ ကနေ ထွက်ခွာမယ်လို့ သတင်းကြီးနေတဲ့ တေးလီမန့်စ်ဟာ မနေ့က မန်ချက်စတာယူနိုက်တက်နဲ့ ပွဲမှာလည်း အရန်ကစားသမား အဖြစ်နဲ့သာ ပါဝင်ခဲ့ရပါတယ်။
သူ့ကို ဥရောပထိပ်သီး အသင်း တချို့က စိတ်ဝင်စားနေပြီး စီးရီးအေ ကလပ် ကလည်း လက်ဦးမှု ရယူဖို့ အားထုတ်နေချိန်မှာ ဒေါ့မန် ကပါ စိတ်ဝင်စားလာခဲ့တာပါ။ သူဟာ ရာသီကုန်မှာ လက်စတာ ကနေ အလွတ်နဲ့ ထွက်ခွာနိုင်မှာ ဖြစ်ပြီး စာချုပ်သစ်ချုပ်ဆိုထားရခြင်း မရှိသေးတာကြောင့် သူ့အခြေအနေကို စောင့်ကြည့်နေတဲ့ အသင်းတွေ အများကြီး ရှိနေပါတယ်။
ဂျူဗီ အနေနဲ့ ဒေါ့မန် ကသာ အပြိုင်အဆိုင် ကမ်းလှမ်းမှု လုပ်လာမယ် ဆိုရင် အရေးနိမ့်ဖွယ် ရှိနေပါတယ်။ သူတို့အသင်းရဲ့ လက်ရှိ အခြေအနေက ဆိုးရွားနေတာ ဖြစ်ပြီး လာမယ့် ရာသီ ဥရောပဝင်ခွင့် ရဖို့လည်း မသေချာတာကြောင့် ကစားသမားက ဒေါ့မန်ကို ရွေးချယ်သွားနိုင်တဲ့ အလားအလာ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
