အမ်မရာဘတ်ဆီ တိုက်ရိုက် ဆက်သွယ်ခဲ့တဲ့ ဘာဆာကို ဒေါသထွက်နေတဲ့ ဖီအိုရင်တီးနား၊ အတ္တလန္တာကို အနိုင်ရခဲ့လို့ ပျော်ရွှင်နေတဲ့ အင်ဇာဂီ (စီးရီးအေ နောက်ဆုံးရ သတင်းမျာ

အမ်မရာဘတ်ဆီ တိုက်ရိုက် ဆက်သွယ်ခဲ့တဲ့ ဇာဗီကို ဒေါသထွက်နေတဲ့ ဖီအိုရင်တီးနား၊ အတ္တလန္တာကို အနိုင်ရခဲ့လို့ ပျော်ရွှင်နေတဲ့ အင်ဇာဂီ စတဲ့ သတင်းတွေ အပါအဝင် ဖေဖော်ဝါရီလ ၂ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

အမ်မရာဘတ်ဆီ တိုက်ရိုက် ဆက်သွယ်ခဲ့တဲ့ ဇာဗီကို ဒေါသထွက်နေတဲ့ ဖီအိုရင်တီးနား 

ဖီအိုရင်တီးနားဟာ သူတို့ အသင်းရဲ့ အဓိက ကွင်းလယ်လူ ဆိုဖရန် အမ်မရာဘတ်ထံ တိုက်ရိုက် ဆက်သွယ်ခဲ့တဲ့ ဘာစီလိုနာနဲ့ နည်းပြ ဇာဗီ ဟာနန်ဒက်ဇ် တို့ကြောင့် ဒေါသပေါက်ကွဲနေတယ်လို့ သိရပါတယ်။

ဘာစီလိုနာဟာ မော်ရိုကို ကွင်းလယ် ကြယ်ပွင့် အတွက် ဆောင်းရာသီ အပြောင်းအရွှေ့ နောက်ဆုံး ရက်မှ စီးရီးအေ ကလပ်ထံ ကမ်းလှမ်းခဲ့တာ ဖြစ်ပြီး ဖီအိုရင်တီးနား ဘက်ကတော့ ငြင်းဆန် ပယ်ချသွားခဲ့ပါတယ်။ ဒါပေမယ့်လည်း ဘာစီလိုနာ ဘက်က လက်မလျှော့ခဲ့ဘဲ နည်းပြ ဇာဗီနဲ့ အသင်း တာဝန်ရှိသူ အချို့က ကစားသမားထံ တိုက်ရိုက် ဆက်သွယ်ခဲ့ကြပြီး ဖီအိုရင်တီးနား ကတော့ ဒီလုပ်ရပ် အပေါ် ဒေါသထွက် ပေါက်ကွဲနေခဲ့တာလည်း ဖြစ်ပါတယ်။

ဘာစီလိုနာဟာ အမ်မရာဘတ်ကို အငှားနဲ့ အရင်ဆုံး ခေါ်ယူဖို့ ကြိုးပမ်းခဲ့တာ ဖြစ်ပြီး ကစားသမား ကိုယ်တိုင် ကလည်း စပိန် ထိပ်သီး အသင်းကို ပြောင်းရွှေ့ကစားလိုခဲ့တယ်လို့ သိရပါတယ်။ ဒါ့အပြင် အမ်မရာဘတ်ဟာ အစောပိုင်း မှာလည်း စပါး၊ လစ်ဗာပူးလ် တို့နဲ့လည်း သတင်းတွေ ထွက်ပေါ်ခဲ့ပါသေးတယ်။

အေစီမီလန်ရဲ့ ဆောင်းရာသီ အပြောင်းအရွှေ့ လှုပ်ရှားမှုကို စိတ်ပျက်နေတဲ့ နက်စတာ

အေစီမီလန်ရဲ့ ဂန္တဝင် ကစားသမား အလက်ဆန်ဒရို နက်စတာက သူ့ အသင်းဟောင်းရဲ့ ပြီးခဲ့တဲ့ ဆောင်းရာသီ အပြောင်းအရွှေ့ လှုပ်ရှားမှု အပေါ် စိတ်ပျက်ခဲ့ရကြောင်း ပြောကြားလာပါတယ်။ 

အဆိုပါ စီးရီးအေ ကလပ်ဟာ ဆောင်းရာသီ အပြောင်းအရွှေ့မှာ လုံလောက်တဲ့ ခေါ်ယူအားဖြည့်မှုတွေ မပြုလုပ်နိုင်ခဲ့ဘဲ အသင်းရဲ့ အဓိက တိုက်စစ်မှူး ရာဖေးလ် လီယောင်ကို စာချုပ်သစ်ချုပ်ဆိုဖို့ ကလည်း လိပ်ခဲတည်းလည်း ဖြစ်ခဲ့ရပါတယ်။ 

နက်စတာ ကတော့ အေစီမီလန်ရဲ့ တိုက်စစ်ပိုင်းမှာ ဇလာတန် အီဘရာဟီမိုဗစ်နဲ့ အိုလစ်ဗီယာ ဂျရူး တို့က အသက်ကြီးနေပြီ ဖြစ်ကြောင်း၊ အခုနဲ့ မတူညီတဲ့ အပြောင်းအရွှေ့ စျေးကွက် အတွင်း လှုပ်ရှားမှုတွေ ပြုလုပ်နိုင်မယ်လို့ မျှော်လင်ခဲ့မိကြောင်း ငြီးတွားသွားခဲ့တာ ဖြစ်ပါတယ်။

အတ္တလန္တာကို အနိုင်ရခဲ့လို့ ပျော်ရွှင်နေတဲ့ အင်ဇာဂီ

စီးရီးအေ ကလပ် အင်တာမီလန် အသင်းရဲ့ နည်းပြ ဆိုင်မွန် အင်ဇာဂီက ကိုပါအီတလီယာဖလား ပြိုင်ပွဲမှာ  အတ္တလန္တာကို အနိုင်ရရှိခဲ့တာကြောင့် ကျေနပ် ပျော်ရွှင်မိကြောင်း ဖွင့်ဟ ပြောဆိုလာခဲ့ပါတယ်။ 

ဒီပွဲမှာ အင်တာမီလန်က မတ်တီယို ဒါမီယန်ရဲ့ တစ်လုံးတည်းသော သွင်းဂိုးနဲ့ အနိုင်ရရှိခဲ့တာပါ။ ပွဲအပြီး မှာတော့ အင်ဇာဂီက ဒီနိုင်ပွဲ အတွက် ပျော်ရွှင်ရကြောင်း၊ ဒီပွဲ အတွက် အကောင်းဆုံး ပြင်ဆင်ခဲ့ပြီး ပွဲအစ ကနေ နောက်ဆုံး မိနစ် အထိ အာရုံစူးစိုက်ခဲ့ကြောင်း ပြောကြားခဲ့ပါတယ်။ 

ဒါ့အပြင် ‌နောက်ခံလူ ဖရန်ဆစ္စကို အဆာဘီနဲ့ ဒဏ်ရာက ပြန်လာတဲ့ တိုက်စစ်မှူး ရိုမီလူ လူကာကူ တို့နဲ့ ပတ်သက်ပြီးတော့လည်း အင်ဇာဂီက ချီးကျူးစကား ပြောကြားသွားခဲ့ပါသေးတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.