ပရိသတ်တွေ ဆန္ဒပြလည်း လူကာကူကို ခေါ်ယူမယ့် ဂျူဗင်တပ်စ် (စီးရီးအေ သတင်းများ)

ဒီတစ်ခါ မှာတော့ ဩဂုတ်လ ၂၃ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

ပရိသတ်တွေ ဆန္ဒပြလည်း လူကာကူကို ခေါ်ယူမယ့် ဂျူဗင်တပ်စ်

ဂျူဗင်တပ်စ် တာဝန်ရှိသူတွေဟာ ပရိသတ်တွေရဲ့ ဆန့်ကျင်ဆန္ဒပြမှုတွေနဲ့ ရင်ဆိုင်နေရသည့်တိုင် ချဲလ်ဆီး တိုက်စစ်မှူး ရိုမယ်လူ လူကာကူကို ခေါ်ယူဖို့ ဆန္ဒရှိနေပါတယ်။ လူကာကူဟာ စီးရီးအေ ပြိုင်ဘက် အင်တာမီလန်ရဲ့ အဓိက,ကစားသမား ဖြစ်ခဲ့ပြီး လက်ရှိ မှာတော့ သူ့ရဲ့ အနာဂတ်က မရေမရာ ဖြစ်နေပါတယ်။

အဆိုပါ ဘယ်လ်ဂျီယံ တိုက်စစ်မှူးဟာ ဒီနွေရာသီမှာတင် အင်တာမီလန်ကို တစ်ကျော့ပြန် ပြောင်းရွှေ့ဖို့ ဆွေးနွေးမှုတွေ ရှိခဲ့ပြီး လက်ရှိမှာတော့ ဂျူဗင်တပ်စ်က သူ့ကို ခေါ်ယူဖို့ ကြိုးစားနေပါတယ်။ ဂျူဗင်တပ်စ် ပရိသတ်တွေ ကတော့ လူကာကူကို အလိုမရှိကြောင်း အကြိမ်ကြိမ် ဆန္ဒပြခဲ့ကြပေမယ့် အသင်းဘက်ကတော့ လူကာကူ အတွက် လက်လျှော့သွားမှာ မဟုတ်ဘူးလို့ သိရပါတယ်။

ဂျူဗင်တပ်စ် အနေနဲ့ လူကာကူကို ခေါ်ယူဖို့ အတွက် ဆိုရင် ပြောင်းရွှေ့ကြေး ပေါင်သန်း (၈၀) နီးပါး အထိ အသုံးပြုရဖွယ် ရှိနေပါတယ်။

ဆန်းချက်ဇ် အင်တာကို ပြန်လာလိုကြောင်း အသင်းရဲ့ စီအီးအို ဖွင့်ဟ

ပြီးခဲ့တဲ့ နွေရာသီ အပြောင်းအရွှေ့မှာ အင်တာမီလန် ကနေ မာဆေးလ်ကို ပြောင်းရွှေ့သွားခဲ့တဲ့ တိုက်စစ်မှူး အလက်ဆစ် ဆန်းချက်ဇ်ဟာ အသင်းဟောင်းကို ပြန်လာဖို့ ဆန္ဒရှိနေကြောင်း အင်တာမီလန် အမှုဆောင်အရာရှိချုပ် ဂူဆက်စပီ မာရော့တာက ပြောကြားခဲ့ပါတယ်။

အင်တာမီလန်ဟာ လက်ရှိနွေရာသီ အပြောင်းအရွှေ့မှာ တိုက်စစ်ကို အင်အားဖြည့်တင်းဖို့ ပြင်ဆင်နေသလို အသင်းရဲ့ တောင်ပံကစားသမား ဂျိုအာကွင်း ကော်ရီယာ ကလည်း အသင်း ကနေ ထွက်ခွာဖို့ ရှိနေပါတယ်။ ဒီလိုအချိန်မှာပဲ ဆန်းချက်ဇ်က စီးရီးအေ အသင်းဟောင်းဆီ ပြန်လာဖို့ ဆန္ဒရှိနေကြောင်း မာရော့တာက ပြောကြားခဲ့ပါတယ်။
မာရော့တာက ကော်ရီယာ ထွက်ခွာသွားချိန်မှာ တိုက်စစ် အတွက် နေရာလွတ် ရှိလာပြီး ဆန်းချက်ဇ်က ပြန်လာဖို့ ဆန္ဒရှိနေကြောင်း၊ သူကိုယ်တိုင်လည်း ဒါကို ဖွင့်ဟထားပြီး သတင်းတွေက မှန်ကန်ကြောင်း ပြောကြားသွားခဲ့ပါတယ်။

နာပိုလီ စီးရီးအေ ချန်ပီယံဆုကို ကာကွယ်နိုင်ကြောင်း ဒီကာနီယိုပြော

လာဇီယိုရဲ့ ဂန္တဝင်ကစားသမားဟောင်းကြီး ပေါ်လို ဒီကာနီယိုက နာပိုလီ အနေနဲ့ လက်ရှိရာသီမှာလည်း စီးရီးအေ ချန်ပီယံဆုကို ဆွတ်ခူးနိုင်ပြီး နှစ်နှစ်ဆက် ချန်ပီယံ ဖြစ်နိုင်ကြောင်း ပြောကြားခဲ့ပါတယ်။

နာပိုလီဟာ နှစ်ပေါင်း (၂၀) ကျော်ကြာ ဝေးကွာနေခဲ့တဲ့ စကူဒက်တို ဆုဖလားကို ပြီးခဲ့တဲ့ ဘောလုံးရာသီမှာ လွတ်လွတ်ကျွတ်ကျွတ် ရယူနိုင်ခဲ့ပါတယ်။ လက်ရှိရာသီ မှာတော့ နာပိုလီက နည်းပြ အပြောင်းအလဲ ပြုလုပ်ထားပြီး လူစီယာနို စပယ်လက်တီရဲ့ နေရာမှာ ရူဒီဂါစီယာက အစားထိုး တာဝန်ယူနေပါတယ်။

ဒီကာနီယိုက ရူဒီဂါစီယာ အတွက်လည်း ဒါက အရေးပါတဲ့ အခွင့်အရေး တစ်ခု ဖြစ်ကြောင်း၊ နာပိုလီရဲ့ လက်ရှိအနေအထားမျိုးနဲ့ နှစ်နှစ်ဆက် ချန်ပီယံ ဖြစ်နိုင်စွမ်းရှိကြောင်း၊ ဒါပေမယ့် အသင်း အနေနဲ့ ကြိုးစားရမှာ ဖြစ်ပြီး ဒီကိစ္စက မလွယ်ကူနိုင်ကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.