ဒီတစ်ခါ မှာတော့ စက်တင်ဘာလ ၂၀ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ပေါ့ဘာရဲ့ အနာဂတ် မသေချာကြောင်း ဂျူဗင်တပ်စ် အားကစား ဒါရိုက်တာပြော
ဂျူဗင်တပ်စ် အားကစားဒါရိုက်တာ ခရစ္စတီယာနို ဂီအန်တိုလီက ပေါလ် ပေါ့ဘာရဲ့ အနာဂတ်က မသေချာကြောင်း အရိပ်အမြွက် ပြောကြားသွားခဲ့ပါတယ်။ ဂျူဗင်တပ်စ်နဲ့ အူဒီးနီးစ် တို့ရဲ့ စီးရီးအေ ရာသီဖွင့်ပွဲ အပြီး ရှောင်တခင် ဆေးစစ်မှု ပြုလုပ်ခဲ့ရာမှာ ပေါ့ဘာက တားမြစ် ဆေးသုံးစွဲထားကြောင်း စစ်ဆေးတွေ့ရှိခဲ့ရပါတယ်။
ပေါ့ဘာ ကတော့ ဒါဟာ မတော်တဆ ဖြစ်ရပ်သာ ဖြစ်ကြောင်း ဖြေရှင်းထားပြီး နောက်တစ်ကြိမ် စစ်ဆေးမှုနဲ့ အတူ အယူခံဝင်ဖို့ ပြင်ဆင်ထားပါတယ်။ အဆိုပါ ပြင်သစ် ကွင်းလယ်လူ အနေနဲ့ နောက်တစ်ကြိမ် ဆေးစစ်မှုမှာသာ ထပ်မံ ကျရှုံးခဲ့မယ် ဆိုရင် ဘောလုံးလောကမှာ (၂) နှစ် ကနေ (၄) နှစ် အထိ ပွဲပယ်ခံရနိုင်ပါတယ်။
ဂီအန်တိုလီ ကတော့ လက်ရှိအခြေအနေတွေက စိတ်ကျေနပ်စရာ မကောင်းကြောင်း၊ ဒါပေမယ့် နောက်တစ်ကြိမ် ဆေးစစ်မှုကို စောင့်ဆိုင်းမှာ ဖြစ်ပြီး အဲ့ဒီနောက်မှာတော့ ကစားသမားရဲ့ အေးဂျင့်နဲ့ ဆွေးနွေးသွားမှာ ဖြစ်ကြောင်း ပြောကြားသွားခဲ့ပါတယ်။
အေစီမီလန်ကို ပြောင်းရွှေ့ဖို့ နီးစပ်ခဲ့သေးတဲ့ ချဲလ်ဆီး တိုက်စစ်မှူး
ချဲလ်ဆီး တိုက်စစ်မှူး နီကိုးလပ်စ် ဂျက်ဆင်ဟာ စီးရီးအေ ကလပ် အေစီမီလန်ကို ပြောင်းရွှေ့ဖို့ အတွက် နီးစပ်ခဲ့သေးကြောင်း ကစားသမားရဲ့ အေးဂျင့်က ဖွင့်ဟလိုက်ပါတယ်။ အဆိုပါ ဗီလာရီးရဲလ် တိုက်စစ်မှူးဟောင်းကို ခေါ်ယူဖို့ အတွက် အေစီမီလန် ကလည်း ပြီးခဲ့တဲ့နွေရာသီ အပြောင်းအရွှေ့မှာ စိတ်ဝင်စားခဲ့ပေမယ့် ဂျက်ဆင် ကတော့ ချဲလ်ဆီးကိုသာ ပြောင်းရွှေ့သွားခဲ့ပါတယ်။
အေးဂျင့် ဒီအိုမန်စီကာမာရာက ဗီလာရီးရဲလ်မှာ ဂျက်ဆင်က ခြေစွမ်းပြခဲ့တာကြောင့် သူ့အတွက် ကမ်းလှမ်းမှုတွေ အများကြီး ရရှိခဲ့ကြောင်း၊ အေစီမီလန်နဲ့ စာချုပ်ချုပ်ဆိုဖို့ နီးစပ်ခဲ့ပေမယ့် ချဲလ်ဆီးက ကမ်းလှမ်းလာချိန်မှာ အင်္ဂလန်မြေ ကိုသာ ရွေးချယ်ခဲ့ကြောင်း ပြောကြားသွားခဲ့ပါတယ်။
ဂျက်ဆင်ဟာ ပြီးခဲ့တဲ့ရာသီမှာ ဗီလာရီးရဲလ် အတွက် (၁၃) ဂိုးသွင်း၊ ဂိုးဖန်တီးမှု (၅) ကြိမ် ပြုလုပ်နိုင်ခဲ့တဲ့ ကစားသမားလည်း ဖြစ်ပါတယ်။
နယူးကာဆယ်ကို အိမ်ကွင်းမှာ သရေသာ ကစားနိုင်ခဲ့တဲ့ အေစီမီလန်
ပြီးခဲ့တဲ့ စီးရီးအေ ပွဲစဉ်မှာ မြို့ခံပြိုင်ဘက် အင်တာမီလန်ကို ၅-၁ ရလဒ်နဲ့ အရှက်တကွဲ ရှုံးနိမ့်ထားတဲ့ အေစီမီလန်တို့ ချန်ပီယံလိဂ်မှာ နယူးကာဆယ်ကို ဧည့်ခံကစားခဲ့ပါတယ်။
အေစီမီလန်တို့ တစ်ပွဲလုံး အတိုင်းအတာနဲ့ အဘက်ဘက်မှာ သာလွန်အောင် ကစားနိုင်ခဲ့ပေမယ့်လည်း အဆုံးသတ်ပိုင်း ညံ့လို့ နယူးကာဆယ်နဲ့ အမှတ်ခွဲယူခဲ့ရတာ ဖြစ်ပါတယ်။ စတက်ဖီနို ပီအိုလီရဲ့ အသင်းက တစ်ပွဲလုံး ဂိုးပေါက် ကန်ချက် ၂၅ ကြိမ် အထိ ပြုလုပ်နိုင်ခဲ့ပြီး ၉ ကြိမ် အထိ ဂိုးပေါက်တည့်ခဲ့တာ ဖြစ်ပါတယ်။ ဒါပေမယ့်လည်း တိုက်စစ် အဆုံးသတ် အားနည်းမှုက နယူးကာဆယ် အတွက် သက်သာရာရခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
