ဒီတစ်ခါ မှာတော့ ဩဂုတ်လ ၁၆ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ရန်းစ်ကို ပြောင်းရွှေ့သွားခဲ့တဲ့ ရိုးမား ကွင်းလယ်လူ မာတစ်
စီးရီးအေ ကလပ် ရိုးမားရဲ့ ကွင်းလယ်လူ နီမန်ဂျာ မာတစ်ဟာ ပြင်သစ် လီဂူးဝမ်း ကလပ် ရန်းစ်ကို ပြောင်းရွှေ့သွားခဲ့ကြောင်း သိရှိရပါတယ်။ အသက် (၃၅) နှစ် အရွယ် ရှိပြီ ဖြစ်တဲ့ မာတစ် အတွက် ရန်းစ်တို့ ပြောင်းရွှေ့ကြေး ယူရို (၃) သန်း ပေးချေခဲ့ရပါတယ်။ မာတစ်ရဲ့ ပြောင်းရွှေ့မှုက မထင်မှတ်တဲ့ အပြောင်းအရွှေ့ တစ်ခု ဖြစ်ခဲ့ပြီး ပရိသတ်တွေ အားလုံးလည်း အံ့အားသင့်ခဲ့ရပါတယ်။
ရိုးမားဟာ လက်ရှိနွေရာသီ အပြောင်းအရွှေ့မှာ ဟူဆန် အာဝါး၊ လီအန်ဒရို ပါရီဒက်စ် တို့လို ကွင်းလယ် ကစားသမားတွေကို ခေါ်ယူနိုင်ခဲ့တဲ့နောက် အခုလိုပဲ ဝါရင့် ကွင်းလယ်လူကြီး မာတစ်ကို ပြန်လည် လက်လွှတ်ခံခဲ့တာ ဖြစ်ပါတယ်။
အင်တာမီလန်မှာ ဆက်နေဖို့ ဆန်စီ ဆန္ဒရှိနေ
အင်တာမီလန် ကွင်းလယ်လူ စတီဖန်နို ဆန်စီဟာ အသင်းမှာပဲ ဆက်နေဖို့ ဆန္ဒရှိနေကြောင်း ကစားသမားရဲ့ အေးဂျင့် ဖြစ်သူက ထုတ်ဖော် ပြောကြားခဲ့ပါတယ်။ အဆိုပါ ကွင်းလယ်လူဟာ ပြီးခဲ့တဲ့ရာသီက စီးရီးအေ ကလပ် အသင်း တစ်သင်းပဲ ဖြစ်တဲ့ မွန်ဇာမှာပဲ အငှားနဲ့ သွားရောက် ကစားခဲ့ရပါသေးတယ်။
ကစားသမားရဲ့ အေးဂျင့် ဘတ်ပီရီဆို ကလည်း ပြီးခဲ့တဲ့ရာသီမှာ ဆန်စီက ပွဲပေါင်း (၃၀) အထိ ကစားပေးခဲ့ကြောင်း၊ အခုလိုမျိုး အင်တာမီလန်ကို သူပြန်ရောက်လာတဲ့ အတွက် ပျော်ရွှင်မိကြောင်း၊ သူက ပုံစံကောင်း တစ်ရပ်မှာ ရှိနေပြီး အင်တာမီလန် ကလည်း သူနဲ့ ပတ်သက်လို့ ပျော်ရွှင်နေကြောင်း ပြောကြားသွားခဲ့ပါတယ်။
ဆော်ဒီမြေကို ပြောင်းရွှေ့သွားခဲ့တဲ့ အတ္တလန္တာ နောက်ခံလူ
စီးရီးအေ ကလပ် အတ္တလန္တာရဲ့ နောက်ခံလူ ဒီမီရယ်လ်ဟာ ဆော်ဒီအာရေဗျ ကလပ် အယ်လ်အာလီကို ပြောင်းရွှေ့သွားခဲ့ပြီ ဖြစ်ကြောင်း တရားဝင် ကြေညာခဲ့ပါတယ်။ အယ်လ်အာလီဟာ တူရကီလူမျိုး နောက်ခံလူ ဒီမီရယ်လ် အတွက် ပြောင်းရွှေ့ကြေး ယူရို (၁၈) သန်း ပေးချေခဲ့ရပြီး အပြောင်းအရွှေ့ ကိစ္စရပ်တွေ အားလုံးက ပြီးမြောက် အောင်မြင်သွားခဲ့ပါပြီ။
ယူရို (၁၈) သန်းဆိုတဲ့ ပြောင်းရွှေ့ကြေး ပမာဏမှာ အပိုဆုကြေး ပါဝင်ခြင်းရှိ၊ မရှိဆိုတာ ကိုတော့ နှစ်သင်းစလုံးဘက်က အတည်ပြုထားခြင်း မရှိဘဲ အယ်လ်အာလီ အနေနဲ့ ယူရို (၁၈) သန်းကို တစ်ကြိမ်တည်း အပြီးပေးချေခဲ့ကြောင်းလည်း သိရှိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
