ဝေးလ်စ် ၀-၁ ပိုလန်
နေးရှင်းလိဂ် (A) အုပ်စု (၄) ရဲ့ နောက်ထပ် ပွဲစဉ် တစ်ပွဲ မှာတော့ ဝေးလ်စ်တို့ ပိုလန်ကို ကာဒစ်ဖ်မှာ ၀-၁ ရလဒ်နဲ့ အရှုံးပေးခဲ့ရပြီး တန်းဆင်းသွားခဲ့ပါတယ်။
ပွဲစဉ်အကျဉ်း
ဝေးလ်စ် ကတော့ ဂိုးမှာ ဟန်နက်ဆီ၊ ခံစစ်မှာ ရိုဒန်၊ ကာဘန်ဂို၊ နော်ရင်တန်-ဒေးဗီးစ် တို့ကို အထိုင်ထားကာ ကွင်းလယ် မှာ ရောဘတ်စ်၊ နီကို ဝီလီယမ်စ်၊ လက်ဗစ်၊ မောရဲလ်တို့ကို အသုံးပြုခဲ့ပြီး တိုက်စစ်မှာတော့ ဘေးလ်၊ ဒန်ဂျိမ်းစ်နဲ့ ဘရင်နန် ဂျွန်ဆန်တို့ကို ပွဲထုတ်ခဲ့တာ ဖြစ်ပါတယ်။ ဧည့်သည် အသင်း ကတော့ ဂိုးသမား အဖြစ် ရှက်ဇီနီ၊ ခံစစ်မှာ ကီဗီယာ၊ ဂလစ်ခ်နဲ့ ဘက်ဒ်နာရက်ခ် တို့ကို အသုံးပြုခဲ့ပြီး ကွင်းလယ် မှာတော့ ခရာဟိုဗီယက်ခ်၊ ဇူရ်ကော့ဗ်စကီး၊ ဘီရီရှင်စကီး၊ ဇာလက်ဗ်စကီးနဲ့ ဇီလင်းစကီးတို့ကို စုဖွဲ့လာခဲ့သလို တိုက်စစ် မှာတော့ ရောဘတ် လီဝမ်ဒေါစကီးနဲ့ ဆဗစ်ဒါစကီး တို့ကို ဦးဆောင်စေခဲ့ပါတယ်။
အုပ်စုတွင်း ၅ ပွဲ ကစားပြီးချိန်မှာ ၁ မှတ်သာ ရသေးတဲ့ ဝေးလ်စ်တို့ နောက်ဆုံး ပွဲမှာ ပိုလန်ကို အနိုင်ကစားနိုင်ခဲ့ရင် တန်းမဆင်းရဖို့ ဖြစ်နိုင်ချေ ရှိတာကြောင့် လူစုံနီးပါး ထုတ်ကစားခဲ့ပေမယ့် ရမ်ဆေး၊ အယ်လန်၊ ဟာရီ ဝီလ်ဆန်နဲ့ အမ်ပါဒူတို့လို ကစားသမားတွေ မပါဝင်ခဲ့တာကြောင့် အားနည်းခဲ့ရပါတယ်။ ကာဒစ်ဖ်ကွင်းမှာ ဖြစ်ပေမယ့် ပိုလန် တို့ပဲ ဖိကစားနိုင်ခဲ့ပြီး အပြန်အလှန် ထိုးဖောက်မှုတွေ ရှိခဲ့ပေမယ့် အဆုံးသတ်ပိုင်း အားနည်းခဲ့တာကြောင့် ပထမပိုင်း အပြီးမှာ ဂိုးမရှိ သရေရလဒ် ထွက်ပေါ်နေခဲ့ပါတယ်။
ဒုတိယပိုင်း မှာလည်း ဝေးလ်စ်တို့ ဘာဆိုဘာမှ မလုပ်ပြနိုင်ခဲ့ပဲ ပိုလန် ကတော့ ပွဲချိန် ၅၇ မိနစ်မှာ အဖွင့်ဂိုး စတင်ရရှိခဲ့ပါတယ်။ ဒီဂိုး ကတော့ လီဝမ်ဒေါစကီးရဲ့ ဖန်တီးမှုကနေ ဆဗစ်ဒါးစကီးက သွင်းယူသွားခဲ့တာ ဖြစ်ပါတယ်။ အဲ့နောက် လက်ကျန် မိနစ်တွေမှာ ဝေးလ်စ်တို့ ဗျူဟာ ပြောင်းခဲ့ပေမယ့် ပိုလန်ရဲ့ ခံစစ်တန်းကို မကျော်ခဲ့သလို ဂိုးကံခေမှုတွေကြောင့် ပိုလန်ကို အိမ်ကွင်းမှာ ၀-၁ ရလဒ်နဲ့ပဲ အရှုံးပေးခဲ့ရပါတယ်။
ပွဲပြီးသုံးသပ်ချက်
ခြေစွမ်းပိုင်းအရ အထွေအထူး ပြောစရာ မရှိပါဘူး။ အားနည်းတဲ့ အသင်း ရှုံးနိမ့်သွားတယ်လို့ပဲ ဆိုရမှာပါ။ ဝေးလ်စ်တို့ အဓိက ကွင်းလယ်ချင်း မယှဉ်နိုင်ခဲ့သလို တိုက်စစ် ကလည်း ဂိုးရဖို့ စွမ်းဆောင်တဲ့ အပိုင်းမှာ အားနည်းခဲ့ပါတယ်။ ပိုလန်တို့ ကစားပုံ သိပ်အကောင်းကြီး မဟုတ်ပေမယ့် ဝေးလ်စ်ရဲ့ အားနည်းချက်တွေကြောင့် နေးရှင်းလိဂ် (A) မှာ တင်ကျန်နိုင်ခဲ့တာ ဖြစ်ပါတယ်။ ဝေးလ်စ် ကတော့ အုပ်စု ပွဲစဉ် (၆) ပွဲ ကစားပြီးချိန်မှာ ၁ မှတ်သာ ရရှိခဲ့လို့ နေးရှင်းလိဂ် (B) ကို တန်းဆင်းသွားခဲ့ရပြီ ဖြစ်ပါတယ်။
လာမယ့်ပွဲစဉ်များ
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
