ဝေဖန်ခံနေရတဲ့ မက်ဆီရဲ့ ဗိုလ်လုပွဲ သွင်းဂိုး၊ ဒက်စ်ရွှမ့်စ် နေရာ ဝင်ဖို့ စောင့်ဆိုင်းနေတဲ့ ဇီဒန်း (ကမ္ဘာ့ဖလား နောက်ဆုံးရ သတင်းများ)

အခုတစ်ခါ မှာတော့ ဒီကနေ မနက်ပိုင်း အထိ ရရှိထားတဲ့ နောက်ဆုံးရ ကမ္ဘာ့ဖလား သတင်းတွေကို တင်ဆက်ပေးသွားမှာ ဖြစ်ပါတယ်။

ကမ္ဘာ့ဖလား ဗိုလ်လုပွဲက မက်ဆီရဲ့ သွင်းဂိုး မရသင့်ဘူးလို့ ဝေဖန်နေကြ

အာဂျင်တီးနားနဲ့ ပြင်သစ်တို့ ကစားခဲ့တဲ့ ကမ္ဘာ့ဖလား ဗိုလ်လုပွဲရဲ့ အချိန်ပိုမှာ သွင်းယူခဲ့တဲ့ လီယွန်နယ် မက်ဆီရဲ့ သွင်းဂိုး တစ်ဂိုးက ခွင့်ပြုမခံရသင့်ဘူးလို့ ဝေဖန်မှုတွေ ရှိနေပါတယ်။

အကြောင်းရင်း ကတော့ ဒီဂိုးမဝင်ခင် အခိုက်အတန့်လေးမှာ အာဂျင်တီးနား အရံခုံတန်းက ကစားသမား တချို့နဲ့ အသင်းဝန်ထမ်း တချို့က ကွင်းဘေးစည်းကို ကျော်ကာ ကွင်းအတွင်း ဝင်ရောက်လာခဲ့ကြလို့ ဖြစ်ပါတယ်။

စည်းမျဥ်းတွေအရ နည်းပြ၊ ဝန်ထမ်း ဒါမှမဟုတ် အရန်ကစားသမား တစ်ယောက်ယောက်က ဒီလိုမျိုး ပွဲကစားချိန် အတွင်း ကွင်းဘေးစည်းကို ကျော်လွန်ခဲ့မယ်ဆိုရင် ပွဲကို ရပ်တန့်ရမှာ ဖြစ်တာကြောင့် အခုလိုပဲ မက်ဆီရဲ့သွင်းဂိုးကို ခွင့်မပြုပေးသင့်ဘူးလို့ ပရိသတတချို့က ဝေဖန်နေကြတာ ဖြစ်ပါတယ်။

ဒက်စ်ရွှမ့်စ်ရဲ့ ဆုံးဖြတ်ချက်ကို စောင့်ဆိုင်းနေတဲ့ ဇီဒန်း

ပြင်သစ် လက်ရွေးစင် အသင်းရဲ့ နည်းပြချုပ် ဒီဒီယာ ဒက်စ်ရွှမ့်စ် အနေနဲ့ အသင်းမှာ ဆက်ရှိ၊ မရှိ ဆိုတဲ့ ဆုံးဖြတ်ချက် အပေါ် အသင်းလက်မဲ့ ဖြစ်နေတဲ့ နည်းပြ ဇနက်ဒင် ဇီဒန်းက စောင့်ဆိုင်းနေတယ်လို့ သိရပါတယ်။

ပြင်သစ် အနေနဲ့ ပြီးခဲ့တဲ့ ကာတာ ကမ္ဘာ့ဖလားမှာ ဗိုလ်လုပွဲအဆင့် အထိ တက်ရောက်နိုင်ခဲ့ပြီး ဒက်စ်ရွှမ့်စ် အတွက် အာမခံချက် တစ်ခု ဖြစ်တဲ့ ဆီမီးဖိုင်နယ် အဆင့်ကို ကျော်လွန်အောင် စွမ်းဆောင်နိုင်ခဲ့ပါတယ်။ အဲ့ဒါကြောင့် လက်ရှိအချိန်မှာ ဒက်စ်ရွှမ့်စ် တစ်ယောက် ပြင်သစ်မှာ ဆက်ရှိ၊ မရှိ ဆိုတာက ကာယကံရှင်ရဲ့ ဆုံးဖြတ်ချက် အပေါ်ပဲ မူတည်နေခဲ့ပြီ ဖြစ်ပါတယ်။

သတင်းတွေရဲ့ ဖော်ပြချက်အရတော့ ဒက်စ်ရွှမ့်စ်သာ ပြင်သစ် နည်းပြရာထူး ကနေ နှုတ်ထွက်မယ် ဆိုရင် ဇီဒန်းက လာမယ့် (၂၀၂၃) ခုနှစ်၊ ဇန်နဝါရီလ (၁) ရက်နေ့မှာ အစားထိုးဝင်ရောက်ဖို့ နှုတ်အားဖြင့် သဘောတူထားကြောင်း သိရပါတယ်။

အာဂျင်တီးနားနဲ့ အတူ ကမ္ဘာ့ဖလား ရခဲ့တဲ့ လီဆန်ဒရို မာတီနက်ဇ်ကို ဗန်ဒါးဆား ဂုဏ်ပြု

အာဂျင်တီးနားနဲ့ အတူ ကမ္ဘာ့ဖလား ချန်ပီယံ ဖြစ်ခဲ့တဲ့ လီဆန်ဒရို မာတီနက်ဇ်နဲ့ နီကို တာဂလီယာဖီကို တို့ကို အေဂျက်စ် အားကစား ဒါရိုက်တာ အက်ဒ်ဝင် ဗန်ဒါးဆားက ဂုဏ်ပြု စကားပြောကြားခဲ့ပါတယ်။

ဒီကစားသမား နှစ်ယောက်ဟာ ကမ္ဘာ့ဖလားမှာ ချန်ပီယံ ဖြစ်ခဲ့တဲ့ အာဂျင်တီးနား အသင်း အတွက် ပုံမှန် ပွဲထွက်ခွင့်တော့ မရရှိခဲ့ပါဘူး။

ဒါပေမယ့် ဗန်ဒါးဆားက အေဂျက်စ် ကစားသမားဟောင်းတွေ ဖြစ်တဲ့ လီချာနဲ့ နီကို တို့ကို ကမ္ဘာ့ဖလား အောင်မြင်မှု အတွက် ဂုဏ်ပြုကြောင်း၊ အကောင်းဆုံး ပွဲတစ်ပွဲ ပြီးတဲ့နောက် အံ့အားသင့်ဖွယ် အောင်မြင်မှု ဖြစ်ခဲ့ကြောင်းနဲ့ ထိုက်တန်ကြောင်း အင်စတာဂရမ်မှာ ရေးသားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.